ستفسار عن عدم تشغيل فورد في الصباح

شيك على البطاريه + اصابع البطاريه + الدينمو كم قوة شحنه + حساس الكرنك

والله ياخوي البطارية جديدة واصابع البطارية وكالة اما حساس ىكرنك ما ادري عنة

مر على اي كهربائي ممتاز وقوله شيكلي على حساس الكرنك مكانه عند البكره تحت وتقدر تغيره قميته رخيصه انا اشك فيه (( حساس الكرنك )) خل احد يشيك عليه

الله يعطيك العافية

السلام عليكم
اذا المشكله عندك فقط اذا طولت السيارة ما اشتغلت
عندك المشكله في الرقليتر بلف الراجع من البنزين للتانكي
في امان الله

شيك على فيوز البنزين

انا كانت تدق  سلف وماتشتغل نهائيا , والكهربائي (الله لايذكره بالخير) قال - بعد فحص الكمبيوتر-
هذا قلب طرمبه , واجيبه له وغيره وعيت تشتغل , وبالاخير يطلع سلك السوتش ركبه والامور 
تمام ولله الحمد

يالغالي يعني المكينه تدور ولا تشتغل
اول شئ تأكد من صوت الطرمبة ززززز اذا شغال بعني اوكيه

دق السويتش حتى تولع لمبات الطبلون بدون تشغيل وطف ثلاث مرات وأذا اشتغلت على طول 
هذا بلف يمسك البنزين ما يرجع للتانكي تراه خربان غيره

وشيك على حساس الكرنك تلقاه سلك وحاجه سوداء بطول الاصبع تلقاه بين بكرة الكرنك والكمبرسر
اضربه وحركه وجرب اذا اشتغلت يعني منه وسعره وكالة تقريبا 120 ريال

الاسباب واجد بس شيك على هذي اول