بعد عناء 3 سنوات تحت الشمس الان وجدت الظل وسؤال عن البطاريه
10
0
إضغط هنا للإخفاء
السلام عليكم
باركووولي بعد عناء 3 سنوات الان قدرت احصل على موقف خاص فيني وتحت مظله افتكيت من مواقف المراجعين كل شوي القى سيارتي مصدومه من جهه ومحكوكه والله يسامح اللي كان السبب بس
المهم لي يومين اوقف تحت المظله
اللي لاحظته انه السياره فعز الظهريه اجي اركب واشغل القاها من جوهه ماهي حاره عكس زمان
المكيف يبرد على طول حتى لو حركت السياره وطلعت مشوار يبقى المكيف يبرد والسياره من جوه بارده لانها كانت بعيده عن اشعة الشمس
عشان ذا حبيت اقلكم انه
العازل الحراري كله خرطي فخرطي
اخوي راح ركب على الاكسنت عازل ب1400 في كول ويوم كنت اجي للسياره القاها حاره من جوه والمكيف يبيله فتره عشان يبرد
واشوف الفائده من التظليل الحراري الغالي بسيطه جدا ويكفيك عنها التظليل ابو 20 ريال
وهي ان الدركسون ماتحس فيه حراره ولا الطبلون
لكن يعلم الله ان السياره من جوه تطبخ تحسها مكتومه
والتظليل انا اقول مايسوي شي لان السقف حديد وينقل الحراره بسرعه لداخل السياره يعني كنك يابو زيد ماغزيت
اضف الى ذلك تعرض الكفرات الى الحراره ويقل عمرها الافتراضي
وبعد تجربتي للمظله اشوف انها الحل الامثل للسياره بشكل عام حتى الكفرات ماتجيها اشعة الشمس
النقطه الثانيه
البطاريه جات من امريكا واول شرية السياره كانت البطاريه ضعيفه بس بعد فتره لقيتها شحنت نفسها وصارت اللمبه خضراء قلت خلني اوصل الرياض واغيرها
يوم شريت وحده من الوكاله طلع معاي الفلبيني
وكلمني على السياره وقلت انها استخدام امريكي
قلي انت تبي تغير البطاريه ؟ قلت ايه
قال انصحك خل رجع البطاريه اللي اشتريتها او خلها معك
لان البطاريه اللي جايه معها من امريكا هذا ماتصنع الا في المصنع نفسه وتركب على السياره على طول وماتلقا مثل نوعيتها لاعند الوكيل ولا برى
فخلها عندك لانها راح تجلس اكثر من سنه وجودتها عاليه جدا وتتحمل واذا ماتبيها جيبها انا ابيها !
المهم قلت خلاص بخليها
الان كملت الببطاريه 4 اشهر ومالاحظة عليها اي شي بس شكلها مختلف تماما عن بطارية الوكاله
ومخلي البطاريه الجديده فالشنطه احتياط قلت لو خربة القديمه على طول اركب الجديده
والان واصحاب الخبره
هل اخليها وال اكرشها لاني ماعندي خلفيه عن البطاريه اللي فيها لمبه خضراء انا راعي خطوط وسفريات اخاف باي لحظه تخرب
هل احد قد جرب هالبطاريات اللي تجي شد بلد
لاني انا كل ماشتري موتر على طول اشيل البطاريه واركب موتور كرفت
إبلاغ
سيارات للبيع
الردود
لو تجيك بلون أسود يبي لها شحن
و لو جاتك ابيض تتغير البطاريه
لا تخاف من البطاريات لأن البطاريه المفروض عمرها الإفتراضي يكون سنه بعد كذا تبدأ تتلف بسبب الشحنات اللي تدخلها :)
أما حكاية العازل فما منه فايده غير إنه يخفف من دخول الاشعه فوق البنفسجيه و تحت الحمراء اللي تظر بالجسم :)
أما الشمس فما تسوي شيء
الحل في الشمس تركب الستاير اللي تلقاها ب120 في الزينه هي اللي تفكك من حرارة الشمس :)
0
1
وبخصوص المواقف مبرووك لقيت لك موقف و الكل يعاني بالذات المراجعات الحكومية او الوزارات
بالتوفيق لك ولو عندي خلفية
عن البطارية ذي كان افدتك بس ماعندي علم والباقين فيهم البركة يفيدونك عنها .
1
0
ياخوي xxxthegiantxxx
البطاريه عندي لونها اسود وفيها قزازه داريه صغيره تبين يجي فيها لون اخضر وعليها كتبات عريضه وشكلها مثل ماقال ابو فلب متعوب عليها
اما التظليل فمثل ماقلت حقت الاشعه فوق البنفسجيه غير كذا فايدتها بسيطه ولا تستاهل حتى 500 ريال
1
0
والثانية حطها في البيت احتياط
أو خلها في شنطة الموتر للطوارئ لا سمح الله على خط ولا شي
والبطاريات الامريكية عموما افضل من الي عندنا هنا
دايماً الاحظ ان السيارات الامريكية ممكن تغير فيها كل شي لكن نادرا احصل سيارة امريكية بطاريتها تعبانة
بدون مبالغة يمكن حوالي 7 سيارات امريكية وقفت عليها وفحصتها منها 3 سيارات شاريها ومستخدمها بطارياتها تمام
مع انها شد بلد كلها
0
0
0
0
العين لمن تكون خضراء تكون البطاريه مزبوطه وسليمه ماعندها خلاف والاسود تعبانه يبغالها شحن اما لو صارت ابيض ارميها انتهت
انتى الي عندك لاتغيرها لين ماتنتهي وتصير ماتشتغل بالصبح وقتها تكون البطاريه متوفيه اتمنى تكون فهمت عليا
0
0
0
0
0
0
أما العازل الحراري فأكيد ما منه فايدة إذا وقفت السيارة 3 ساعات لكن وقوفك للصلاة أو لمدة نصف ساعة فأكيد في فرق واضح في حرارة السيارة
0
0
0
0
0
0
بالنسبة للبطارية الافضل تركب الجديدة لان البطارية الالكترونية مالها امان يكمن في اي لحظة تخرب
وبالنسبة للمواقف موجود عندنا في المستشفى كم شجرة ويوميا هواش على ضلها وسلامتك
1
0
أولاً على البركة السيارة الجديدة الله يعطيك خيرها و يكفيك شرها
سبق أن اشتريت فورد أمريكي موديل ١٩٩٩ في سنة ٢٠٠٤
يعني راح على عمر السيارة خمس سنوات تقريباً
كانت السيارة ماشيه تقريباً ٦٠ ألف مايل طبعاً .. مالك بالطويلة
استعملت السيارة الله يسلمك فترة أربع سنوات و عليها بطارية الوكالة من بلدها
و غيرتها يا طويل العمر في عام ٢٠٠٧ ببطارية أي سي ديلكو السيئة
لما جاء العامل يفك البطارية تعذب لأنها على شدة المصنع
و تدري وش قالي ؟
هذى بطارية شد بلدها !
يعني خدمت على السيارة ٨ سنوات ما شاء الله
بطاريات السيارات الأمريكية قوية جداً و معمرة
نصيحتي لا تفرط فيها إلا إذا احسست أنها انتهت و لا بد من استبدالها
لكن لا تستغني عن الاشتراك معك في السيارة لأي طارئ
موفق للخير ،،،
0
0
البطاريه عندي كملت ٦سنوات ولازالت العلامه خضراء تويوتا من وكالتها لاتغيرها لين تتلف وخل معك اشتراك في السياره لك ولغيرك واما البطاريه الجديد حطها بالمستودع وترى اغلب البطاريات الموجوده بالسوق مقلد على ماركات موفق
0
0
بالنسبة للبطارية انا مشتري فورد 2010 له معي حوالي سنه وعشرة اشهر والبطارية ما شاء الله والكفرات ميشلان حقتها توني مغيرها زياده في الحرص وسافرت عليه كذا مره من الجنوب للرياض وما شاء الله
نصيحه خلها وبتخدم معك واجد
تحياتي لايك
0
0
بالنسبة للبطاريه..خلك مستعملها.زلنها أصليه والأمريكان عندهم مقاييس للجوده رهيبه.مو مثل البلاوى اللى تجينا من الصين وغير الصين.
خلك مستعملها لحد ما تقول آه..وعندها غيرها بالجديده.؟
انا استعملت أم العين السحريه الخضراء..وكرفت معاى اكثر من ثلاثه سنين فى كابرس من امريكا.وبعدين بديت أغير من ديلكو..وكل سنه بطاريه..تعبانه.
وصيامك مقبول إن شاء الله
ليت مظلتك عند بيتنا.الشمس من بعد شروقها بشوى وللمغرب وهى تنفض على السياره.الله المعين
0
0
بخصوص البطارية انا سيارتي ماركيز 2008 وكان راكب عليها بطاريتها اللي من المصنع وغيرتها في بداية 2013 يعني خليتها تكمل 5 سنوات مع انها كانت شغالة ومافيها شي لكن من باب الاحتياط لأني كنت بسافر بعدها وحبيت اسافر وانا مرتاح ومطمن وركبت موتوركرفت بلس
والاولى مارميتها ركبتها بسيارة ثانية وشفها شغالة الى يومك
الزبدة انصحك تخليها الى 2014 وبعدها غيرها
بس حبيت اسألك ياشاقح سيارتك فيها رجة وهي شغالة؟ رجة خفيفة اقصد؟
0
0
السبب ان درجة الحرارة العالية عدو لدود لبطاريات السيارات
قبل اسبوعين اتصفح موقع الكراونفك الامريكي لقيت مشاركات في 2013 لاعضاء معاهم فكتوريا وماركيز 2001 و 2002
يقولون بطارياتهم توها تنتهي يعني استخدام قرابة 11 سنة وذولا تلقاهم عايشين في مناطق باردة جدا مثل الاسكا
وتلقى ناس في مناطق حارة بعض الشيء مثل كلفورنيا تجلس البطارية 6 سنوات اما جو الرياض ومع نفس البطارية 3 سنوات تقريبًا
1
0
وش فيهم لو خصصوا مواقف فيها مظلات ؟ !!
ولا البخل ذابحهم
قبل 11 سنه و 4 شهر