الفورد ذبحني بصوووت المراوح ..شوركم ؟؟؟

شوف ياصاحبي ... الموديل الي ذكرته المروحة تجي تماتيك في نفس المكينه يعني ثابته في المكينه على السيور ... في نفس المروحه شي اسمه كلتش المروحه هذا داخله زمبرك حراري اذا ارتفعت حرارة الزمبرك يتمدد وتصير المروحه ثابته مع السير ويطلع صوتها ولم يكون الجو بارد ومافيه حاجة للمروحة انها تكون شغاله على اقصى حد يكون صوتها خفيف ومرن

الحل : ـ

فك المروحه وركب مروحة حقت موديل 98 وفوق والأفضل حقت موديل جديد من 2006 وفوق عشان يكون لها كذا دعسه يعني كذا مرحلة خفيف ووسط وقوي وقوي جدااا عشان الحرارة واتوقع الحساس بسيط اي كهربائي يسويه لك وراح تلاحظ فرق في عزم السيارة وقومتها انشط من اول بكثير والله يوفقك ....

توضيح : ـ المروحة حقت الموديلات من 98 حتى 2011 تجي كهرباء ولا لها دخل في سيور السيارة ...

انا اتوقع الصوت من القير يحن

يمكن الدينمو حق المراوح


وترا أي شي يمشي عليه الزمن لازم صوته يرتفع
وتبدا تحس انه عجز ومشاكله بدت
زي امس انقهرت من المكيف الاسبليت عندي في الغرفه
اشتريناه جديد قبل ثمان شهور
وكان ماله صوت مرره ما شاء الله وامس صوته بدا يرتفع زي ما قلت انت بدينا نسمع صوته اعلى من اول
اعتقد هذا شي طبيعي مع الزمن كل شي لازم يتعب ويتغير
حتى صوتك الانسان كل ما كبر صوته يكبر ههه
انت افحص على المراوح والدينمو اذا سليمه وما تاثر عادي تحمل الصوت
انتبه ينصب عليك احد ويقولك خربانه لازم تتغير ويشق جيبك انا نفس الحكايه عندي المراوح صوتها عاليه وتتحرك شوي
يعني لو مسكتها والسياره طافيه وحركتها احسها مو ثابته مره تتحرك شوي رحت لورشه قالي غيرها وسحبت عليه ولي الان خمس شهور
لين ما اشوفها بدت تتحرك مرره وبدت المشكله تصير خطيره بعدين بغيرها كامله

اتوقع سيارتك مافيها الا العافية..تاكد ان سيارتك موية الرديتر فل.

- اذا ناقصة عبها موية مقطرة..
- واذا فل معناه طبيعية السيارة تكون المراوح عالية عشان المكيف يبرد والجو عندنا صيف درجة الحرارة 45 واحيانا توصل 47 ..
انا معي كابرس 2013 ومثلك صوت المراوح بالصيف عالي جدا خصوصا اوقات الظهر اما بالليل السيارة طبيعية ..
المراوح صوتها قوي اقدر اشبهها بمرسدس قديم موديلات 1990 ههههه حرارة وخرابات هالسيارة كل يومين علة وبعتها ..

انا عندي فورد2010صوت المراوح قوي خاصه عند تشغيل المكيف والوضع طبيعي من طلعتها من الوكالة وهي كذا

النصف طبيعي اخوي ابراهيم التركي بالنسبه للفوردات 97 فيه مروحتين مروحه كهربائيه ومروحه ميكانيكيه  ياغالي شيك على الاديتر واعمل له تسييخ وتنضيف وحط جلوت واحد موتر كرفت والباقي ماء مقطر وصوت المراوح لابد يطلع بالصيف

السلام عليكم 
يا اخوان اللهم لك الحمد والشكر 
لقيت الحل لموتري وبنفسي بعد ...




انا جنني الموتر بصوت الحنه المهم واقابل واحد
من جيراننا معه موتر نفس موتري بالظبط كلمته 
وقلت له ببدل المروحه كامله مع التوماتيك ( الكلتش ) مره وحدهـ 
والرجال ماقصر قال ابشر والله وافك اللي عندي المزعج
واركبه في موتره ,,, واركب اللي عنده واركبه في موتري .




ونشغل مواترنا كلنا وصوت الحنه اللي كان عندي صار عنده في موتره!!!!
ولقطع الشك باليقين قلت لجارنا خله معي يومين وسبحان الله راااح الصوت مررررهـ
واروح واخذ واحد من التشاليح نظيييف وافتكيت ... والموتر الحين ماشاء الله




المقصد يا اخوان انتبهوا من حرامية الورش يطلعون في المواتر بلاوي مثل 
واحد قالي القير يبيله توضيب لان الكلتشات منتهية ويحلف بعد؟؟؟
وبسبة نصبهم والله انها اكثر من 800 ريال ضاعت ولانقول الا حسبي الله ونعم الوكيل
\
يا اخوان اذا لفيتوا المروحه لازم تكون وسط يعني لاسريعه ولا ثقيله 
الثقيله = حنــــه
والسريعه= ماتسحب هواء صح 




والله يوفق الجميع ويبعد عنكم كل مكروهـ