هذا ماحدث معي في تشليح الدمام .. نظام جديد
23
12
إضغط هنا للإخفاء
السلام عليكم ورحمة الله وبركاته ومبروك عليكم الشهر ياغاليين ،،، كل مافي الموضوع كنت ادور مقص امامي لسيارة نسيبي الماليبو تعبت وانا ادور عليها بمحلات القطع والبوكاله لقيتها ب 1300 ريال المهم قلنا خلنا ننزل تشليح الدمام ودورنا دورنا دورنا من تشليح لتشليح ومالقييت هالسياره وبالصدفه جاني واحد وقف جنبي وقالي وش تدور اخوي قلت له كذا كذا قالي مافي مشكله هات جوالك وانتظر اتصال خلال الربع ساعه او الساعه قلت اوكي وانا ما ادري وش السالفه اثره وش مسوي فيه موقع حق تشاليح الدمام اكثر من 50 تشليح مشارك فيه وانت تدخل وتقدم طلبك وتحط صوره اذا بغيت ويتوجه الطلب لكافه التشاليح المشاركه فيه ويرسلون لك مسج ان القطعه موجوده وسعرها كذا عند التشليح الفلاني المهم ،،، جاني مسج يقولي القطعه موجوده بالتشليح الفلاني وارفع راسي والا التشليح قدامي وادخل له وانشد وش السالفه والقاها يمين يسار قالي ب 200 ريال بدال 1300 واخذها ونشدته وش سالفة الموقع ووضح لي كل شي تقدم طلبك على الموقع وطلبك يتوزع ع التشاليح اذا هو موجود بيوصلك مسج انه موجود بدال العنا والتعب والفرفره هذا الموقع http://www.xpartfinder.com/ وطلبت منه مره ثانيه قطع للسوناتا لأخوي هذا ماحدث معي بتشليح الدمام ( تطورت منفوحه وصارت بالشبكه العنكبوتيه ) :)
إبلاغ
الردود
والله ونعم يخوي هذي الاخبار اللي تسر >> متعقد من التشاليح
والله نتمنى هالكلام من زماان المفروض يكون فيه تنظيم كل تشليح على الأقل يكون متخصص في نوعين فقط
والله العظيم تتعذب اذا تبي قطعه ادور على التشاليح كله عشان قطعه ماتسوى تعبها والله
مافيه تخصص معين لسيارة معينه كل الشركات همر نيسان تويوتا هونداي هوندا بيجو مازدا في تشليح واحد
وكل محل نفس الكلام ويالله در عليهم ماتطلع الا مصدع وحالتك حاله وآخرتها سعر القطعة اللي تبي اغلى من سعر الوكالة
انا قرأت زمان في احد المنتديات احد الاعضاء كان يتكلم عن تنظيم تشاليح استراليا
وقال فكره التشليح واشوف إنو إحنا محتاجين لمثل هالفكره خصوصاً إن ربعنا يحبون شي فيه دراهم
طبعاً يقول قبل تدخل مدينه التشاليح فيه بوابه كبيره ويوجد مركز كمبيوتر على شكل كبائن مثل طريقه الفحص الدوري
قبل تدخل المسار فيه كبينه تعطيهم الاستماره ويعطيك الفورم
هناك نفس الطريقه بس تدفع مبلغ رمزي ماتذكر كم كان المبلغ وتقولهم وش تبي ونوع ومديل السيارة ويعطيك برنت
اين اماكن تواجدها اسم المحل ورقمه والسعر موضح طبعاً اسعارهم محدده مسبقاً من التجاره مهب على كيف السوداني
اللي بالشليح عندنا يسعر ههههههههه
المهم ان التشليح كله مرتبط في قاعده بيانات وحده ومسجلين جميع القطع اللي عندهم
من اصغر مسمار بالسيارة إلى البودي كامل
يعني تدخل وتآخذ غرضك في اقل من ربع ساعه وتمشي
اسف على الاطاله لكن والله حمستني الفكره
وإن شاء الله نشوف مثل هالافكار مطبقه في جميع التشاليح عندنا
والف شكر لك يالغالي على هذا الطرح
لك التحيه وفي امان الله
6
0
4
0
مدري وش السبب !
1
0
انا صار لي شهر ادور دوده حقت ددسن٨٥ ماحصلت
بتشاليح المدينه،،ولفيت على القرى ماحصلت واليوم رحت ينبع ادور مالقيت شي
ولازال البحث جاري،،،''
والله ان الواحد تعب من كثر مايلف على التشاليح واسعارهم اغلى من الوكاله احيانا
مره كنت ادور كارونه وحصلتها عند واحد قلت كم قال 2000
قلت له سلامات والله انت تدري كم سعرها بالوكاله قال لا
قلت 1200 قبل الخصم وانا صادق سعرتها بالشركه ،،قال هاه والله مدري
التشاليح مليانه من النصابين والحرميه لكن اللي ماينتبه لهم يضحكون عليه
1
0
1
0
هذا وهم خادمينك وقاعد تستهزيء بدال ماتشكر الله على هالنعمه
احلى ديسلايك
2
6
1
0
1
0
1
0
و خصوصة البحث عالية عندهم
0
0
0
0
طيب ليه مايطبق بتشليح الحاير
والقصيم
قبل 11 سنه و 4 شهر