أضف سؤال أو موضوع جديد          

اهل الشرقية بغيت منكم خدمة لاهنتوا

up 1 down 0
naac 2 2718
قبل 5 سنه و 5 شهر



السلام عليكم ورحمة الله وبركاته 
يا اخوان انا ان شاء الله ماشي للدمام بكره الصباح عندي موتر باستلمه
وابي تدلوني على مركز فحص ممتاز قريب من حي الفيصلية اذا امكن

ومشكورين مقدماً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحه من مجرب 
لاتفحص من عند حقين المعارض تراهم كلهم كذابين ومتعاملين مع الشريطيه


up 3 down 0
اسمر عبر 57
قبل 5 سنه و 5 شهر



مشكور يا اسمر عبر
بس انا السيارة شاريها من امريكا وباستلمها من الميناء
لكن حبيت افحصها زيادة في الاطمئنان فقط

عشان كذا ابي مركز فحص ممتاز وينفض لي السيارة ميكانيكيا


up 1 down 0
naac 2 2718
قبل 5 سنه و 5 شهر



اعتمد على خبرتك قبل الفحص
يمكن تشوف شي يكرهك قبل ماتفحص اقصد يكرهك بالسياره 
وبعدها افحص بعيد عن مراكز الفحص مثل اول رد كلامه صحيح اغلبهم نصابين الاغلب 


up 2 down 1
السهل الممتنع 6410
قبل 5 سنه و 5 شهر



مشكور يا اخوي خالد 
انا ناوي امشي على الموتر للرياض وابي اتطمن زياده 

الموتر ما يشكي من شي وهذا واضح من تقريره ومن تقرير فحص الشركة الي جابوه من تكساس حسب ما تفقت معهم
لكن تخبر الواحد ما وده يخاطر 




up 0 down 0
naac 2383
قبل 5 سنه و 5 شهر



في الخضرية على طريق الجبيل

ورشة سهم أو هدف

والله يبارك لك


up 3 down 1
أبو عبادة 4272
قبل 5 سنه و 5 شهر



على طريق الجبيل في صناعيه اسمها الخضريه في على الخدمه ورشه اسمها هتان ادخل واسأل عن علم الدين وقوله فحص شامل عنده واحد فلبيني يفحص بشكل غير طبيعي اما سهم الي بالخضريه فحصهم زين بس المشكله مايطلعون يجربون السياره على الخط.....


up 2 down 0
ارامكوا السعوديه 86
قبل 5 سنه و 5 شهر



حبينا نفيدك يا راعي الإعلان كسبنا ديسلايك

أنا ما أدري متى نفتك من بزورة المنتدى


up 5 down 0
أبو عبادة 4272
قبل 5 سنه و 5 شهر



مشكورين اخواني وماقصرتوا 
طيب ابي وصف للخضرية من عند المجدوعي الي في حي الفيصلية لا هنتوا 

انا على كثر روحاتي للشرقية ما قد طبيت الخضرية 
ياليت توصفونها لي من الفيصلية بارك الله فيكم 


up 0 down 0
naac 2383
قبل 5 سنه و 5 شهر



تخلي المجدوعي يمينك وتمشي سيده وتجيك لوحه مكتوب عليها الجبيل اطلع معها وتصير الخضريه يمينك تراهي قرريبه منك والافضل تخلي شخص يدلك اياها او لومزين يطلع قدامك لانها كباري متداخله ياغالي ومبروك مقدماً


up 0 down 0
شكلين مابحكي 3151
قبل 5 سنه و 5 شهر



خل المجدوعي على يمينك واتجه غرب يجيك نفق تعداه وخلك في اليمين يجيك كوبري خذ المخرج الثاني في الكوبري الي ياخذك شمال

تتجه شمال يجيك اثنين كباري واحد يمر فوق الثاني تعداه

يجيك كوبري تعداه وخلك يمين بعد الكوبري مباشرة في مخرج يدخلك الخضرية وبتشوف ترايستار استمر في السير المحلي بتلاقي شركة هدف وبعدها في آخر السرا ورشة سهم وهي الأفضل في الفحص


up 0 down 0
أبو عبادة 4272
قبل 5 سنه و 5 شهر



الله يعطيك خيره ويكفيك شره ويبارك لك فيه 



up 1 down 0
for speed 752
قبل 5 سنه و 5 شهر



كفو والله ياشباب


up 0 down 0
hmada1213 2025
قبل 5 سنه و 5 شهر



ماقصروا الشباب ,, افضل ورشه بحكم تعامل الشباب معها هي ( سهم ) بالتوفيق ودرب السلامه ان شاء الله .


up 0 down 0
ابو سعود629 4656
قبل 5 سنه و 5 شهر



مشكورين الله لا يحرمكم الاجر 
بارك الله فيكم 




up 0 down 0
naac 2383
قبل 5 سنه و 5 شهر



في تاريخ 10/09/2014اشتريت سياره من نوع جمس اكاديا 2007 مستعمل وفحصت السياره بجوار المعارض و قالو سليمه من جميع الاعطال
و اليوم في تاريخ 11/09/2014 فحصتها في الوكالة اتضح انها تحتاج الى توضيب قير و كل القطع الاستهلاكيه كلها بدون استثناء 


up 0 down 0
استغفرالله و الحمدالله
قبل 4 سنه و 3 شهر



سهم يوضح لك الصدى


up 0 down 0
محمدين عواطف
قبل 2 سنه و 5 شهر