ا أهل الماركيز قبل لا اروح ملح مع نصآآآبين الصناعية

1 0

لايمكنك التصويت حتى الحصول على 20 نقطة على الأقل
إضغط هنا للإخفاء

عبدالعزيز القحطاني1 3
قبل 12 سنه و 6 شهر

السلام عليكم

يمسيكم الله بالخير

طبعاً ولا يخفى عليكم بأنه لا يوجد شخص الا وانلسع من هالنصابين اللي بايعين ذممهم علشان 10 او 20 ريال : \

السالفة ومافيها .. معي ماركيز 2009 gsl وقبل 5 شهور غيرت بطارية الوكالة ببطارية موتر كرافت من احد هالمحلات وطبعاً لان الوكالة سعر البطارية عندهم بـ 662 ريال لدرجة انك تحس انه داخل البطارية يورانيوم ماهوب اسيد قررت اشتري من عند ابو يمن

هالحين لي ثلاث ايام اواجه مشكلة الا وهي اذا جيت ابي اشغل السيارة وهي لها مثلاً 6 او 7 ساعات او اكثر ما شتغلت .. ما تشتغل معي من اول دقة سلف

فأضطر انتظر الى ان تطفى انوار الطبلون كامله وانتظر من 10 الى 20 ثانية واحاول من جديد وتشتغل طبيعي جداً

يعني اول دقة يطلع صوت السلف وكأنه الموتر بيشتغل ثم احن عليه وارفع يدي والمحاولة الثانية يشتغل

واذا كانت السيارة حامية .. تشتغل مباشرة بدون اي لف ودوران : \

حطيت احتمالات

البطارية ( كانت مويتها ناقصه وعبيتها ومالها خمس شهور من غيرتها )

الدينمو ( سليم بشهادة اكثر من ورشة )

البواجي غيرتها قبل تقريباً 15 الف كيلو

فهالحين خايف اروح للي ما يخافون الله ويلعبون لي في الموتر من باب " الرزق الحلال " مثل ما يشوفون


باقي عندي ثلاث احتمالات لكن اتمنى مِن مَن له خبره انه يأكد لي وحده منها او يذكر لي ايش ممكن يكون السبب

- حساس البنزين الراجع

- حساس الكرنك

- فلتر البنزين





وبالنسبة لاقتراحات ابو شكيب وابو يمن وغيره :

طرمبة بنزين - بطارية - دينمو - تهريب كهرباء .... الخ : \





وطبعاً ما راح اسوي شي الا بعد ان اسمع ارائكم .. ويا جعل ابو من ساعدني او حاول يساعدني او قرأ موضوعي فالجنة









ما حصل معي اليوم بعد العشاء



" صبحكم الله بالرضا والعافيه

الله يحرم وجيهكم عن نار جهنم ومشكورين على اهتمامكم

اللي حصل اليوم رجعت للصناعية وفحصت البطارية والدينمو عند بنشر متعامل معاه من سنين واللي شغالين فيه عيال حلال

قال البطارية سليمه والدينمو سليم وسألته احاول اغير البطارية واجرب بطارية ثانية مثلاً بطارية احد من اخوياي قال لا البطارية سليمة والكهرب واصل وقال شيل هالاحتمال من راسك .. وقال يبغى لها كهربائي

واذا فتحت السويتش اسمع صوت الطرمبة واسمع صوت الهيدروليك طبيعي ولله الحمد

فما ادري وش سالفة هالمشكلة والله يخارجني منها

ياليت من له خبرة يقول لي وش ممكن يكون السبب

وانا حاط في راسي الان اربع احتمالات

حساس الكرنك .. لان اكثر من عضو وناس من معارفي يقولون هو احد اسبابها لكن اتمنى احد يجي ويعطيني العلم اليقين

حساس البنزين الراجع

فلتر البنزين

دقمة السلف

فياليت بمن مر بهالمشكلة يعطيني الحل والله يجزاه الجنه

وطبعاً اخر الحلول هي الوكاله .. وادري بيخلون السيارة عندهم كم يوم وادخل في سالفة الهجوله وقتها

فإن شاء الله احد يعطيني الحل بدون ما احتاج الوكاله او فلسفة نصابين وعليمية الصناعية "

إبلاغ

الردود