السيارة تنقص زيت

ماجبت شيء جدييد 
المرحووم حقي كان مثل الي عندك ينقص ٣علب كل ٤الاف كولي 
ونعبيه 

وكنت استخدم زيت 
طبي
اسمه 
سوبر جيتي علب حديد ابو كلب نوعيه كويسه يمدحونها 


هذا الواقع بكل صدق ووضوح و صراحه وشفافيه 

ولك احلى لايك حبيبي فارس 

لاهنت يالغالي على المرور 

عندك موتركرافت حق الوكالة أفضل شي واللزوجة 10-30 

واذا موترك من 2005 وتحت لاتحطه 20-5 لان خفيف عليه حط 30-10 افضل من 20-5

وشوف الاجابات في هذا الموضوع وعلى فكرة الماركيز مثل الفورد في قطع الميكانيكا
http://ford.montada.haraj.com.sa/7174/%D9%86%D9%82%D8%B5-%D8%A7%D9%84%D8%B2%D9%8A%D8%AA-%D9%81%D9%8A-%D8%A7%D9%84%D9%85%D8%A7%D8%B1%D9%83%D9%8A%D8%B2/

إستخدم زيت بترومين إلترا 7 20_50 بلاستيك وبعدها راح تدعيلي

عند تجربه إستخدمت بترومين ألترا 7 عيار 50-20 وأرتحت له

بس سيارتي كورولا مو فورد

اخوي هاذي الايام الزيوت سيئه فوق تصورك واغلبهم يخزنوها بالمحل تحس الزيت ينتهي
 وبعدين الي فوق علي911 مع احترامي الشديد لك عقلك مروح فيها الزيت الثقيل السيره قاعد تنقص تقوله حط الخفيف
يعني تبهدل ام المكينه عالرجال وتتعب المكينه اخوي المكينه حقتك ماشيه قد ماهي ماشيه خلاص تعبت وجاء وقت صيانتها
اخوي تقدر تحط زيت الترا سفن زي مافادك اخويي الغالي الوافي62 جرب وشوف واول باول زود الزيت ماحتخبط لو ماعبيتها اول باول تخبط لمن يغبلق الزيت 
اذا نقصت علبه او علبه ونص او علبتين عبيها بمقدار النقص لاتعبي لو نقصت نص علبه يمكن تزيد عن المطلوب وشوف كل كم
تنقص وتزود النقص وتكمل باذن الله تعيش معاك الدهر كله وفي زيت حط منه بترومين اتش40 هاذا ممتاز للسيارات الي تنقص
يكفيك عن الخساير
وتوني اعرف ان انيق خبطت ماركيزه بسبه الزيت والله يعوضك يانيق وحاول توظبه وترجعه مثل اول واحسن

هذا الله اعلم انه تبخير المكينه وحلها النهائي توضيب المكينه

لو في دخان ابيض على ازرق من الشكمان شيك على جلود البلوف تحتاج تغيير


واذا لم تنحل المشكلة
عندك الشنابر تحتاج تغيير
خلي خيار التوضيب اخر مرحلة
ولا تنس تضع علبة اسطوب مع كل تغيرة زيت قوامه ثقيل زي العسل يعطي ثقل للزيت

المشكلة ماهي في الزيت المشكلة في الموتر بداية شنبر

اخوي غير بلف التبخير تحصله اعلى المكينه خربان
وسعره جديد حول 60 ريال

انا صارتلي نفس المشكلة نقص زيت على دخان ازرق ابيض
غيرت الشنابر راح الدخان بس برضه الزيت ينقص بس مؤ مثل اول

عندي لك حل مبدئي من واقع تجربة كانت معي النترا 2006 وكانت تنقص المهم اتضح انها تهرب زيت من الاسفل
عملت غسيل بستم من تحت وركبت طقم صوف كاملة وركبت قازقيت كارتير مكينه ومشاء من بعدها مافي تنقيص علما بان لا يوجد رشح زيت علي الارض وبعد تغير الصوف مشاء الله ظبطت شيك سبحان الله ممكن يكون عندك تهريب زيوت وانت تظن ان المكينه تحرق روح لاقرب بنشري وعيان الموتر من تحت بتوفيق لك اخوي

يااخوان لايوجد دخان ابيض ولا ازرق
وباخذ بنصيحتكم واشتري الزيت المذكور بس كم سعرة

اخوي لو كان قصدك الزيوت الي كتبناها فوق فهو زيت بترومين الترا سفن بالبنشر تقاه وتغيره كل5000كيلو لانه مكرر
وسعره بالبنشر15للعلبه

والزيت الثاني بترومين اتش40للسيارات الي تنقص بس ماعرف سعره اعذرني
لك مني اجمل تحيه
دعواتك لي يالغالي

ألترا سفن تاخذه جمله ب 12 ريال

وعند البناشر ب 14 ريال

شيك تحت السياره تاكد ان مافي تهريب دام ما تدخن ولا شي