طريقة نصب جديده عند الشريطيه الي مايخافون الله

6 0

لايمكنك التصويت حتى الحصول على 20 نقطة على الأقل
إضغط هنا للإخفاء

الكاتم 1 149
قبل 11 سنه و 5 شهر

السلام عليكم ورحمة الله وبركاته 

مساكم الله بالخير 

مابي اطول عليكم بالمقدمه ابي ادخل الموضوع 

يوم الجمعه الي راحت نصبو علي شريطيه الكلاب اشرف منهم وبي انبهكم اذا بعت سيارتك بالحراج لازم تاخذ العربون قبل كل شي 
المهم الي صار معي اني دخلت سيارتي الحراج تحت المكرفون طبعا انا جاي بدري بالمره وحرجو على سيارتي اول شي ويبدا السوم من 10 الف ووقفت على 13500 سامها شريطي ويتجعون على كعادتهم 
بيع وهذا زبونها والشريطي يحلف انا والله اني ابي استخدم قلت زود 500 وخذها ويحاولون فيني ابيع ب13500 ورفضت واخر شي قال حول شريت المهم نزلت وجاب الورقه المصري حق المعرض وكتب اسمي ووقعت قلت طيب العربون وينه قال عربونك موجود لا تخاف 
المهم وجلس انتضرهم الى المغرب عشان ننروح يم المعرض ونتكاتب ويوم خلص الحراج باقي ناس قليله ويوم فكرت جابو موتري ثاني مره يحرجون عليه ووقف على 13000 لان مافيه ناس يوم ما جاب زياده ويجيني الدلال والشريطيه الي كانو يقنعوني ابيع وقالو والله الرجال الي شراء ما عطانا عربون وراح ماندري وينه مير خذ سيارتك 
المهم انا ارتفع ضغطي جالس من 3 العصر واخرتها كذا وتهاوشت معهم قلت ابي اسم الرجال ويحلفون انهم مايعرفونه وهم يكذبون خويهم قلت اخليكم تعترفون الحين ونا اتصل على الشرطه ويوم كلمت الشرطه قال خلاص نرسل لك دوريه ويجوني الشريطيه قالو يابن الحلال انت وش تبي فيه اتركه قلت انا ابي اسمه قالو اسمه فلان الفلاني خويهم هو 
المهم الدوريه تاخرت ماجت وراحو هم للمعرض ولقيتهم متجمعين بالمعرض كلهم الا هو ماهو معهم كانهم قايلين له لاتجي وقعدت اهددهم والله لرفعع عليكم قضيه ومن هالكلام وروحت 

ونا من هالكلام ابيكم تنتبهون اذا الواحد باع سيارته قبل كل شي العربون 

طبعا هاذي حركه جديده يشري السياره وهو مايدفع عربون ولا شي وبعد نص ساعه يدخلها اذا جابت مكسب باعها وذا ما جابت مكسب راح وركب سيارته وروح 

وعندي استفسار 
الحين لو اروح ارفع قضيه على المعرض لانهم هم الي كتبو ورقه بيننا ومتفقين معه ما اخذو العربون لان العربون الحين من حقي 
مدري لو ارفع بهم تنفع ولا لا 

طبعا انا رجال فاضي وادور المطالبات بالمحاكم وودي ارفع بهم بس ما ادري لي الحق اني ارفع ولا لا 

وأسف على الاطاله 

إبلاغ

الردود