استفسار عن التوروس نص فل

سياره تتندم اذا شريتها 

طيب فهمني اندم ليش ؟؟ قصدك لأنه دفع امامي ولا السيارة عامة ؟؟ 

انا معاي تورس ستاندر والله سيارة ماشاء الله تبارك تسارع وعزل ولا احلى سيارة هادية بمعنى الكلمة
مواصفات التورس نص فل انتبه ترا يجي منها نوعين نوع بفتحة ومقاعد جلد وشاشة والنص فل كلها فيها حساسات  شوف تقرير حسن كتبي نزله قبل يومين ع اليوتيوب
وشكل الجنوط يختلف بين الاستاندر والنص فل والفل والشو اتمنى اكون افدتك هذا اللي اعرفه

الاثنين معا وصيانه مقرفه ويالذات الدفع الرباعي بختصار هناك سيارات ارجل منها 

الله يسعدك يا قلبي ما تقصر .. 

فتى النرجس اختلف معاك في الصيانة .. كان معايا فورد .. والتوكيلات شالوني فوق راسهم في الصيانة والله .. 

ماعليك منه .....

حنا عندنا 2013 والمثل يقول اسأل مجرب .....روعه اللي عندنا ستاندر وهي الان سعرها 94 الف صدقني روعه ماشاءلله تعطيك شعور انها فل فيها بلوتوث وتسوي مكالمات وحركات واغاني وغيرها عن طريق الراديو وعزل ممتاز ومواد داخلية جودتها ممتازة وعداد ليد وكومبيوتر رحلات -بوصلة ودرجة الحرارة الفرق بين الستاندر والsel هي الشاشة والحساسات واليد اللي قدام اما مواصفات السلامة كلهم الستاندر والفل مثل بعض الفرق مواصفات الرفاهية وانا كتبت تجربتي عنها ورايي بامكانك تنقر على اسمي وتشوف موضوعي بعنوان فورد الجديدة

^^^
الجنوط نفس بعض الفرق ليمتد وشو بس

يعطيك العافية يا طلال ما تقصر انا ودي بنوع يكون فيه حساسات خلفية << غشيم شوية في الريوس .. وفتحة 
والباقي مو مهم .. 

افضل موتر من ناحية السعر بفئته السيدان كبيرة الحجم وانت قارن بنفسك الافالون بـ 144 التورس سيدان عليها عرض الان اعتقد ب 92 الف اللي عندنا 2012 نص فل دفع رباعي موتر فخم رزه هيبه رساوه وعزل ممتاز تطبق ال 200 والموتر راكد يعيبه الضيق من داخل فقط جرب استأجر وحده قبل لا تستعجل وبالتوفيق

خذ لك اس ايه ال ....كل طلبك فيه .....واي استفسار حاضر (:

انا محتار بينه وبين الماليبو التي زد فل ستة سلندر .. 
والتوروس يا اما ستاندر او نص فل .. 

جرب السيارتين وشوف تميل لمين ...وابحث عن تجارب وآراء المجربين ....تتوصل لقناعة ,,

يعطيكم العافية يا شباب ما تقصروا .. 
ولو اللايك شغال كان عطيتكم .. ^_^ 

اخوي موتر ماعليه غبار  ال نص فل دفع امامي اذكر111 والدفع الرباعي ب118  اذا تبي جلد وفتحه وكام خلفيه زود10الف على اي نوع تبي سواء رباعي او امامي



وبتوفيق

اوما تقارن ماليبو بتورس حراام عليك  التورس تقارن بالافلون او الكابرس او الجنسيس لانه نفس الحجم

والسيارة كل ما كانت اكبر كل مازاد الامان فيها والله الحافظ

التورس سياره ممتازه كعزل ورساوه وعمليه 

اللي مجرب التورس
او اللي بعرف 
وش قصدك اليد اللي قدام !!
وسؤال بعد المرايا سودا والا مصبوغه !!

شاكر لك