أضف سؤال أو موضوع جديد          

ََ وش رأيكم في إعلانات زمان ََ

up 12 down 2
عاشقـ الماركيز {1991} 3502
قبل 6 سنه و 6 شهر



السلام عليكم ورحمة الله وبركاته : 
أخواني أعضاء وزوار منتدى { حراج } صبحكم الله بالخير / مساكم الله بالخير .. 
طبعا شفت المنتدى مافيه مقاطع للتسليه قلت خليني انزل اعلانات لسيارة قديمه , منها نتذكر الزمن الجميل . 
ونتذكر قووة سيارتهم ويمكن يكون الموضوع مكرر والله أعلم أعذروني ع القصور ولو كان مكرر .. 
ماأبي أطوول عليكم لكن منتظر آراكم , بلا شك سيارات زمان ماراح أحد يصنع مثلها ولو دار الزمن ..
لاحظو إن الصابونه موديل 1991 وفيها ABS وعمر السياره الا الان 22 سنه وفيه سيارات جديده مافيها  
http://www.youtube.com/watch?v=-tnlbQEtiic
 http://www.youtube.com/watch?v=O6csNy_ZsoE 
 http://www.youtube.com/watch?v=9jV2augPUkk 
 http://www.youtube.com/watch?v=THSckvqbCA8
 http://www.youtube.com/watch?v=TILPYmAINjY 
http://www.youtube.com/watch?v=PgVLjn6xfUY
 http://www.youtube.com/watch?v=HUNhdvH1few
 http://www.youtube.com/watch?v=4w16jDBIoKw







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله عل زمان واعلاناته


تسلم يمينك ولك لايك يحبه قلبك


up 2 down 1
aboamani 1147
قبل 6 سنه و 6 شهر



ايام الخير والبركة ..... ايام الماضي الجميل ...... يعطيك العافيه ولك احلى لايك ........ :)


up 1 down 0
سيف الهاجوس 912
قبل 6 سنه و 6 شهر



السلام عليكم,ياليت ياراعي الموضوع تحط سيارات أقل شعبية أو مهمشة بالأحرى ونفس الوقت ذات جودة عالية ومواصفات عالية كذلك ,سيارات يابانية مثلاً, أحسن من الهيونداي الأخيرة اللي انت حاطها, وبعدين السيارات الشعبية تكررت صورها 100مرة وما يخالف سيارات ما تنمل شوفتها, لكن من باب التجديد ممكن تحط معاها صور سيارات ثانية تستاهل


up 1 down 0
nader2002 1656
قبل 6 سنه و 6 شهر



يعني اعطيك مثال, ميتسوبيشي [فخر الصناعات اليابانية] سيغما موديل 1990 سيارة العام اليابانية, ودخلت السعودية بموديل 1992 ومواصفاتها من وكيلها: نظامABSمانع انغلاق المكابح,نظامTCLللتحكم بالجر,نظام هيدروليك, محرك6سلندر بخاخات, مثبت سرعة, مكيف لمس, كراسي كهرباء,, وجالانت 1986 فيها مثبت سرعة وعداد الكتروني ومراية تعتيم, والله العالم وش باقي! واعتبر سيارات ميتسوبيشي مظلومة من وكيلها الله..........بس


up 1 down 0
nader2002 1656
قبل 6 سنه و 6 شهر



مشكور أخوي عاشق الماركيز على استجابتك وتنزيلك لمقطع دعاية الميتسوبيشي باجيرو1988, لكن حبذا لو نزلت مقطع دعاية للباجيرو موديل 1992 الجديد كليًّا فيه مواصفات متطورة أكثر ويظهر وهو يطعس في النفود, وياليت للسيغما بعد, وأنا عندي شريط فيديو مخزن لدعاية ميتسوبيشي باجيرو وسيغما ساعة تقريباً, وودّي أنزل مقتطفات منه لكن ما اعرف كيف لأني جاي من العصر الحجري خخخخخخخخخ


up 2 down 0
nader2002 1656
قبل 6 سنه و 6 شهر



ترى زمان اول كل شيء فيه اتقان وامانه
شوف اغلب السيارات القديمة الى الآن عايشة
مايعجبني بالسيارات القديمة غير مراااتب الكاديلاك
 تقول غرفة نوووم موب مراتب من زود الامانه بالصنعة


up 2 down 0
Yaser1 669
قبل 6 سنه و 6 شهر



تعقيبا ع الرد اللي فوووق , مع إنهم كفار لكن عندهم أمانه وذمه وضمير في الصناعه . 
ويانادر لاشكر على واجب , وترا مانزلت الدعايات الا للتسليه وسيارات ميتسوبيشي سيارات غنيه عن التعريف .. 
وصدقني انها افضل من تويوتا بكل شي , ولكن الناس تمشي ع السمعه والوكيل ماعرف يسوقها مضبووووط ..
مع ولد عمي باجيرو موديل 2005 اشتراه جديد واليوم ماشي معاه حوول الــ500 الف وماشاء الله ماتوضب لاقير ولاماكينه ..
ويمشي مايقوووول شي ..  


up 3 down 0
عاشقـ الماركيز {1991} 3502
قبل 6 سنه و 6 شهر



والله كلامك يااخوي عاشق عين الصواب, والميتسوبيشي رقم1 بين الشركات اليابانية والهوندا الثانية من تجربة,لأن الوالد معاه ميتسوبيشي جالانت 1986 اشتراها في سنتها وماشية 200 كيلو فقط بقراطسيها وفي قطع ماغيرها إلا بعد 15 و20سنة! وكم تحملتنا واحنا نعذبها مسكينة عشان كذا قلت للوالد لاتبيعها وماراح تجيب قيمة أصلاً وللآن وهي شغالة ما شاء الله بس يبلها بعض الشغلات مثل رش بوية بسبب حكات وبهتان وتنجيد وإصلاح القزازات الكهرب, وناوي أظبطها وأعرضها في الموقع إنشاء الله في الوقت المناسب وأقهر كل واحد يستحقر سيارة قديمة ويعشق أي جديد حتى ولو كان أقل مواصفات وصيني بعدّ!!


up 1 down 0
nader2002 1656
قبل 6 سنه و 6 شهر



لاهنت والله يسقي زمان اول ....


up 0 down 0
عبدالله 711 788
قبل 6 سنه و 6 شهر