أضف سؤال أو موضوع جديد          

كيف أعرف كم باقي في الكفر من عمر؟

up 6 down 3
flammable 118
قبل 5 سنه و 4 شهر



السلام عليكم ورحمة الله وبركاتة 

يا اخوان كيف اعرف ان الكفر بدأ ينتهي خلاص وكيف اعرف كم باقي من عمر فيه؟
ارجوا تشاركونا ويستفيد الجميع وشكرا.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته

- تاريخ الكفر
- نقشة الكفر وعمق الدعسه ( جديده وعميقه - باقي فيها شوي - ممسوحه - الخ... )
- جوانب الكفر ( سليمه - او فيها شقوق - الخ... )
- خلو الكفرات من التحبيل والتشققات

ترى الكفرات تكرف 3 سنوات بالراحه ؛ اذا أخذت كفرات أصليه و تاريخها جديد + إستخدامك داخل المدن وشوي خطوط + تحافظ على ضغط هواء الكفرات يكون على 30 + ما تمشي على الكفر اذا كان ضغط الهواء فيه منخفض جدا .. عشان ما يخرب الكفر + تركب غطيان لبلوف الكفرات عشان تقلل أو تمنع تسريب الهواء

وكلامي من تجربه




up 11 down 0
speed for ever 3667
قبل 5 سنه و 4 شهر




 يعطيكم العافية يا اخوان , طيب ممكن اقولكم شئ وعطوني رايكم!
- انا شريت سيارة من شخص السيارة جديدة 2013 لاكن في كفر في الي يسمونها "صعرورة"
والمشكلة ان الاستبنة نفس الشئ فيها بعد , فهل لو اوديها لشركة هانكوك تشملها ضمان ولا شلون
او يخصمون علي نص السعر؟


up 2 down 0
flammable 118
قبل 5 سنه و 4 شهر



تكلمه لردي السابق

كيف تحافظ على الكفرات :

1) خل ضغط هواء الكفرات على 30 ؛ وحاول أنك ما تمشي على الكفر اذا كان الضغط منخفض جدا
2) تجنب التفحيط وسحب الجلنطات .
3) تجنب حرق الكفرات ( السيارات القويه V8 اللي تكون دفع خلفي .. مثل الكابرس واللومينا و الكومارو ) من قوتها اذا تدعس لها دعسة كامله للبنزين وخليت الكفرات تفحط من قوة دعس البنزين = تقلل عمر الكفرات
4) أبتعد عن خلطات تلميع المغاسل ( لأنها تضر جوانب الكفر ومع الوقت تتشقق بشكل خفيف ) .. اذا تبي تلمع كفرات سيارتك ( استخدم ملمع كفرات أصلي ) ولا تبالغ بالتلميع لأن أي شيء إذا زاد عن حده أنقلب ضده
5) اذا وقفت السياره حاول تخلي الكفرات مرتاحه ؛ يعني لا توقف السياره بحفر أو الخ...

واذا جيت تشتري كفرات جديده لازم :
1) تاريخها جديد
2) التحكم والثبات A
3) تحمل الحراره A
4) رقم الـ Treadwear كل ما زاد الرقم .. تكون دعسه ونقشة الكفر عمرها اطول
5) أنا عن نفسي ما أثق بالكفرات الصينيه

وأنا أستخدم كفرات هانكوك الكوريه الأصليه Made in korea لأنها لينه مع المطبات ومريحه ؛ ترى الهانكوك فيه كوري اصلي ؛ وفيه غير أصلي ... يعني انتبهوا

فيه كفرات أفضل من الهانكوك لكن مشكلتها غاليه .. مثل الميشلان الأصلي

أما بالنسبه للجيوب يمدحون وبقوة الدنلوب Dunlop الأصلي < هذا الكلام من واحد راعي جيوب



up 10 down 0
speed for ever 3667
قبل 5 سنه و 4 شهر



flammable

ترى " الصعروره " أو التحبيل .. يعتبر شيء خطر
لأنه ممكن ينفجر او يبنشر الكفر بأي وقت

أخوي أحد كفراته فيها " صعروره " على قولتك
ونصحته بأنه يخلي الكفر بالخلف عشان لو بنشر الكفر ؛ ما يؤثر على تحكم السياره والدركسون ويصير التحكم بالسياره أسهل

وللأسف أخوي مهمل كفراته ؛ لو تشوف الكفر تمسك راسك ؛ فيه صعرور وجوانبه متشققه شوي وحالته حاله




up 3 down 0
speed for ever 3667
قبل 5 سنه و 4 شهر



ماقصر اخونا سبيد بيض الله وجهه عالمعلومات المفيدة


up 1 down 0
ابو عبدالله احمد 3382
قبل 5 سنه و 4 شهر



تأكد من نقطتين

تاريخ الكفر والذي لا يزيد عن 5 سنوات لاستخدام داخل المدينة و 3 سنوات للاستخدام على الخطوط الطويلة

نقشة الكفر بعمق 3 ملم


up 2 down 0
أبو عبادة 4223
قبل 5 سنه و 4 شهر



اكثر ما اعجبني بلموضوع صعرورة ههههههه

طيب يا اخوان وكيل هانكوك بسعودية الي يبيعه مصنوع وين؟

طيب انا كفراتي هانكوك ولها اقل من سنتين لكن ماشي عليه اكثر من80الف لكن الاغلب خطوط ودايم فيهن فوق ال35هوا

هل باقي فيه عمر مع ان النقشه جيدة لكن يطير منها يطع بسيطة ويطلع الجزء الداخلي

والله يجزاكم خير

والمعذرة ياصاحب الموضوع 


up 0 down 0
ماشي بدربي 166
قبل 5 سنه و 4 شهر



السلام عليكم اخواني







الكفرات اسهل طريقة الدعسة بين النقشات لو في تشطيب معناها الكفر تعبان

لانه التشطيب معناه الكفر




منتهي








up 1 down 0
العمدة 1434 1101
قبل 5 سنه و 4 شهر



هنكوك تعطي ضمان سنة على الكفر
وانا عوضوني باكثر من نص القيمة بشرط الكفر مايتعرض لضربة او سوء استخدام طبعا يحسبو مدة استعمالك للكفر وتجيب الفاتورة حقت الشراء معاك


up 2 down 0
العمدة 1434 1101
قبل 5 سنه و 4 شهر



اسالة قل كم عمرك


up 0 down 5
الراس عالي 42
قبل 5 سنه و 4 شهر



بسم لله الرحمن الرحيم 
لاقدر الله وبنشر الكفر وانت ماسك الخط هناك اشياء لازم تعرفها 
1-ماتدعس لبريك ابد 
2- تحاول تثبت الدركسون 
3- تضغط لفلشر لتنبيه المركبات 
4- حاول انك تتجه لليسار 
5- باذن الله اذا وقفت السيارة وحاولت تغير الكفر وكان بالجانب الايمن للسيارة 
    حاول تحط شيء من مسافة مثل مثل الخطر لان كثير من الناس تموت في هذي الاماكن من قائدي الشاحنات 
6-وهي الاهم افحص كفراتك قبل لتشغل موترك لتجنب مايمكن يحدث
   وفي امان الله والله يحفظكم


up 3 down 0
tnen 15
قبل 5 سنه و 4 شهر



بسيطه م يبيلها ياخي 
تلاقيها فيها شقوق وفيها اجزاء مقطوعه والنقشه بدت تختفي 

او اذا قد رقعتها اكثر من ٥ مرات غير الكفر اامن لك وشكرا بعد الزحمه هههههههههههههههاي 


up 0 down 0
nawaf99599
قبل 2 سنه و 7 شهر