أضف سؤال أو موضوع جديد          

رأيكم بالفورد ايدج ؟

up 2 down 1
sosisos 613
قبل 5 سنه و 10 شهر



السلام عليكم ورحمة الله وبركاته 
ودي بفورد ايدج بطاقة جمركية فل كامل حصلته باحد المعارض بجدة موديل 2008 
بس باخذ رأيكم فيه .. من ناحية الاستخدام اليومي ( كرف ) 
من ناحية القطع ( توفرها - غالية رخيصة معتدلة .. ) صيانتها ( بالشركة فقط ام في ورش متخصصة فيها ) 
والسيارة بشكل عام كيف ؟ علما بأن سواقتي رايقة وما احب السرعة ولله الحمد ( احافظ ع السيارات ) 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف انا نظرتي للفورد من ناحية قطع الغيار الكروان فكتوريا والماركيز هم المتصدرين برخص قطع الغيار في الفورد وباقي سيارات الفورد لك وعليه واسال اي واحد يشتغل بقطع غيار الفورد وقول له وش ارخص سيارة بالفورد قطع غيار


up 1 down 1
أبـو دجــانــه 52
قبل 5 سنه و 10 شهر



اعرف لك واحد متبهدل في ايدج يقول خرباتها كثيره .. وقبل اسبوعين راح للدمام وتعطل عليه في الخط ورجع مع كداده والموتر على سطحه ..




up 1 down 3
اسير الاحساس 22
قبل 5 سنه و 10 شهر



بس اعرف ناس تمدح فيها ما عدا الموديلات الجديدة يقولون صيانتها غالية 


up 1 down 0
sosisos 613
قبل 5 سنه و 10 شهر



طيب وش رايك بتويوتا فورشنر تراها حلوة وشكلها ابداع وخاصة اذا كان لونها اسود وداخليتها بيج تدخل جو معها وقطعها رخيصة ومتوفرة ونفس فئة الايدج


up 3 down 9
أبـو دجــانــه 52
قبل 5 سنه و 10 شهر



امم بالنسبة للفورتشنر احسه مو شبابي ممكن عائلي اكثر واخوي يقولي القديم اسياته مو مريحة مدري عن الجديد .. وما اختلف معاك انه تويوتا جودة وقطع رخيصة 
بس الفورد تعرف دلع بانوراما وشاشة وجلد .. الخ


up 1 down 1
sosisos 613
قبل 5 سنه و 10 شهر



حبتين يا الشبابي ههههه
والله انا اشوف انه مب ذاك الزود الي يغلب عليه الطابع العائلي يعني تقدر تقول الخلفية بس
اما الواجهة فشكلها ابداع
وخلفية 2013 ابداع ثاني
ويكفيك ان فيها دبل تعزك اذا طعست بالبر وفي الطلعات والنزلات
وانا والله انصحك باعتباري اني اخوك دم ولحم ولو اخوي بنفسه ما راح انصحه بالايدج
شوف اذا كانت دراهمك متوفرة خذ تويوتا اف جي يغلب على ابو شكلها الطابع الشبابي هههههه والحق ينقال حق كرف كرف والقطع رخيصة ومتوفرة



up 3 down 3
أبـو دجــانــه 52
قبل 5 سنه و 10 شهر



والقرار الاول والاخير بيدك وانت ادرى بنفسك


up 0 down 2
أبـو دجــانــه 52
قبل 5 سنه و 10 شهر



هههههه مالي بالبر وانا اخوك .. و الاف جي ما عليها كلام بس اسعارها غالية 
وتسلم ع النصييحة اخوي ^_^


up 2 down 0
sosisos 613
قبل 5 سنه و 10 شهر



والله يا اخوك انا كنت محتار بين الإيدج والإف جي والحمدلله استخرت وشريت ايدج سبورت من ناحية الراحه والفخامه وعزل الهواء بالطرق السريعه هو افضل من الإف جي الي تركبه من الداخل كأنك راكب صندقه صح إنه موتر بر بس الداخليه سيئه وتفتقر للتكنولوجيا وحنا بعام 2013


up 3 down 1
asd2ksa 102
قبل 5 سنه و 10 شهر



صراحة مافي مقارنة بين الادج والاف جي .. في المواصفات والشكل والداخلية.. اكيد الادج يتفوق .. لكن الاف جي عملي اكثر وقطع رخيصة 


up 1 down 1
sosisos 613
قبل 5 سنه و 10 شهر



والله فكرة اني اخذه وكان هو احد اهتماماتي لكن نصحني شخص ادخل موقع ملاك فورد ودخلت وشفت اشياء شوي غريبة
قطع غيارة غاليه 2007 قريت من كذا شخص انه صلح فيه وكلفه
واكتشفت انه ماتقدر تغير فلتر زيت القير لانه مايتغير لازم تفك القير 
خش الموقع وتشوف


up 0 down 1
سلطان سعد 1010
قبل 5 سنه و 10 شهر



بسم الله
انا اجاوبك لان معي ايدج 2008 بدون بانوراما و التقيم من 10
1-الراحه: 8
2-العزم و التسارع:9 ما شاء الله عليها تسارع من 0 الي 100 في 7 ثواني
3-العزل:8 يوجد صوت هواء بعد ال 120
4-الشكل الخارجي:7 الخلفيه ممتازه لكن الواجه من الممكن تكون افضل و لكن مجمل السياره رشيقه المظهر
3-الداخليه:7 يوجد اجزاء بلاستيكيه كثيره
4-الرفاهيه:6 لا يوجد شاشه دي في دي و سعرها وكاله 4500 ريال
5-الامان و الوسائد الهوائيه:9 يوجد 8 وسائد هوائيه
6-الاعطال الميكانيكيه: الاكثر انتشار هو صوت حنه من الدبل بعد 90 الف كم من الاستخدام ممكن يظهر و ممكن لا حسب استخدامك لو انت بتقرص(بتقاوم) علي الجير اما لو استخدامك طبيعي فلن يظهر معك العيب و تكلفه اصلاحه 5000 ريال تغيير كامل
7-الاستخدام اليومي: ممتازه و انا امشي في اليوم حول 60 كيلو داخل المدينه
8-قوة التحمل:جيده جدا
9-قطع الغيار و توفرها:القطع متوفره في الوكاله و خارج الوكاله في محلات مثل التقوي و غيره
10-اسعار القطع:القطع الاستهلاكيه اسعارها متوسطه مثل الهوندا و الكامري الجديد من 2007 و انت طالع اما قطع الاكسيسوار مثل الصدامات و الشمعات غاليه يعني سعر الصدام الامامي 1700 ريال القطعه العلويه فقط و لو كاااااامل بـ 5000 ريال يشمل القطعه العلويه و الشبك النيكل و القطعه السفليه بكشافات الضباب و الكساحه السفليه و قاعده الشبك النيكل وصدر الرادياتير
11-الصيانه: الافضل في الوكاله و لكن لو انت من سكان جده عندك ورش متخصصه في الفورد في شارع المكرونه و شارع الامير سلطان
12-السياره بشكل عام : اعطيها 8.5 من 10 للمستخدم
نصيحه اخويه ابعد عن الاستخدام الامريكي و اذا نويت خذ سعودي و ابعد عن البانوراما لانها تعلق بعد فتره
اتمني اكون وفيت و التقييم لموديل 2007-2009 الشكل القديم


up 4 down 0
m_eidarous 68
قبل 5 سنه و 10 شهر



يعطيك العافية اخوي .. بس ايش يفرق السعودي عن الامريكي ؟ قريبي مطلع همر اتش 3 امريكي ومبسوط به 


up 0 down 0
sosisos 613
قبل 5 سنه و 10 شهر



الله يعافيك
الامريكي يجي فيه مشكله ثلاجه المكيف الا لو كان استيراد من ولايه جوها حر بالاضافة الي انه بعض الأوقات يكون مجدد بويه و لا يبين في الكارفاكس
و المشكله الاكبر انه لا يقبلونه أبدا في الوكاله لأي سبب صيانه او إصلاح
الافضل سعودي او إماراتي وكاله الطاير يقبلوه في توكيلات الجزيره عادي
واحذر الاستخدام الامريكي وارد الامارات


up 1 down 0
m_eidarous 68
قبل 5 سنه و 10 شهر



خير انشالله عسى احصل نظيف بس .. ومشكور مرة اخرى اخي العزيز 


up 0 down 0
sosisos 613
قبل 5 سنه و 10 شهر



يقولون فيه عيب مصنعي في الباكم ...


up 1 down 0
aazz1989 -18
قبل 5 سنه و 9 شهر



بالفعل الكثير يشتكون من عيب مصنعي في باكم الفرامل


up 1 down 0
إبراهيم41 145
قبل 5 سنه و 4 شهر



انت مقتنع بالسيارة خذها


up 0 down 0
al-farhan -1
قبل 4 سنه و 9 شهر