أضف سؤال أو موضوع جديد          

ونقول بسم الله ونسوم ونفتح الباب بـ 15 الف

up 14 down 5
شكلين مابحكي 3160
قبل 8 سنه و 2 شهر



السلام عليكم ورحمة الله وبركاته ،،، ونقول بسم الله ونفتح السوم ب 15 الف والموتر يسوى دبل دبل دبل السووومه ،،، ياكثر مانسمع هالكلممه من ناس معينين ناس والله لو تنفضهم مافي جييبه 500 ريال ويجي يقط سومته ويفتح باب الموتر ياخي لا تفتح بابه خله مسكر واكفنا شرك اجل موتر يسوى 50 تجي تفتح سومته ب 15 ؟ الى متى هالعينات موجوده وتلقاه في كل اعلان نفس الطرييقه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا مرض وانا أخوك الله يكفينا شره


up 3 down 0
ـآبوفيصـل 3
قبل 8 سنه و 2 شهر



ودي اذبح مثل هالعينات احس ان الذبح فيهم حلال ...


up 1 down 1
nabel.ale 17
قبل 8 سنه و 2 شهر



العينه الثانيه اللي تزايد على السلعه وتعطيها اكثر من حقها 

يعني سياره قيمتها بالسوق 50 الف ويجيك واحد يسومها 70 الف والمسكين صاحب السلعه يضن هذي قيمتها ويطلب الزود


up 4 down 0
طلال الشريعبي 221
قبل 8 سنه و 2 شهر



يارجال والله مره معي سياره عليها سوم مكرفون 40 جاني واحد في البرحه قعد يبربر معي ساعه يقول اعطيك فورد 95 وتزيدني 25 اقسم بالله يارجال لو ماشككت بالرجال لاحك وجهه على الاسفلت ( تكرمون )

هذا اغبى انسان بحياتي مر على حتى المسطول مايقول كلامه

افضل حل اذا سيارتك نظيفه وقفها في معرض مشهور وقول لهم الصامل يدق علي


up 2 down 0
ابو راكان تبوك 956
قبل 8 سنه و 2 شهر



ابو راكان هههه لا والمشكلة وتزيدني
بس اتوقع يقصد انه راح يزيدك 25
لانه لو كان زي ما قلت اتوقع ان الرجال شارب شي


up 1 down 1
أبـو دجــانــه 50
قبل 8 سنه و 2 شهر



يارجال انا مثلك كنت متوقع اول ماسمعته لكن الصحيح هو طلب الزياده

ادري السالفه ماتخش مخ عاقل لكن والله يا اخوان هاذا اللي حصل


up 3 down 0
ابو راكان تبوك 956
قبل 8 سنه و 2 شهر



ابو ركان اجل المفروض تسوي نفسك ما سمعت زين وتقول له تبي تبادل موترك بالجنط حقي؟ ههههه


up 2 down 1
أبـو دجــانــه 50
قبل 8 سنه و 2 شهر



فيه حركة دايم يسونها الشرطية لازم الواحد ينتبه منها اللي هي اذا جو يرجون على سيارة طبعا الشريطي يعرف راعيها يقول كم تبي فيها ويقول مثلا 20 تلقاهم يفتحون بابها 20 او ب19 واول واحد يزيد يبيعونها عليه


up 0 down 0
المحترف 2012 2123
قبل 8 سنه و 2 شهر



هي جت على السيارات هي على كل شي تقريبا اطفال النت فسدوا في الارض يسوم وهو مثل ماقلت مامعه حق السومه
يا بزيادة وتجنن راعي السيارة وتوقف بيعته يا بنقص وتجنن راعي السيارة والي يخش الاعلان يحسب السيارة فيها شي 
والله يعيننا ومالنا الا الصبر 


up 0 down 0
سلطان سعد 1014
قبل 8 سنه و 2 شهر



هو يسوي هالحركة عشان الشريطية اللي بالموقع ما يبعدون عن هالسعر 
فمثلا يجي واحد يعرض اف جي 2011 فل كامل ,, الموتر معروف يجيب فوق ال 120 
لكن خوينا يبدا السوم من 100 الف ,, و يجيك الثاني و يزود 500 و يجي الثالث و يقول 105 
عاد بعدها يتفقون على شي ! الا وهو  (("بيع السيارة" "و الله ما تجيب اكثر" احمد ربك جابت هالقيمة"))
و المسكين يصدق ان ذي قيمة السيارة ولا تجيب زود و يبيعها على هالحرامية

انا اقول هالكلام بعد ما تابعت الكثير والكثير من الاعلانات على هالموقع و كلهم على نفس الطريقة !!


up 0 down 0
abo naser5061 209
قبل 8 سنه و 2 شهر



قال تعالى (ويل للمطففين الذين اذا اكتالوا على الناس يستوفون واذا كالوهم اوزنوهم يخُسرون)
ويل وادي في جهنم

للاسف ياخوان البعض جعل الدنيا مكسبه وراس ماله وكل شيء عنده

واللي يشوفه يقول انه مخلد فيها..

نسال حسن الخاتمه


up 0 down 0
عبدالله المفلح 1
قبل 8 سنه و 2 شهر



هذا يهون
يجيك واحد السيارة ساموها مثلاُ 70 الف
يجي ابو الشباب يقول 40 الف والله مابخست موترك (ويحلف بعد) بس هذا الي معاي وهذي فلوسي
ويتشرط بعد يقول بعد الفحص يعني لو فيها شي ممكن ما يشتريها وهو كاسر الحياء قبل يكسر قيمتها
هذا اللي ماله حل وياكثرهم بالموقع


up 1 down 0
abo kayan-55 652
قبل 8 سنه و 2 شهر



ياما عانيت منهم .. الله يهديهم بس ..


up 0 down 0
الـقـنـاص 1210
قبل 8 سنه و 2 شهر



المشكلة انه يعطيك اقل من نص سعر الموتر ويقولك اذا ماجازتلك اعتبرها فتحة باب الشريطية والله مشكلة ونفس ماقال اخونا يجيك واحد من ربع الشريطي يقول ب20 ويجي المسكين لو يزود ريال باعوه الموتر (والمشكلة ياليت بتاخذ موتر بتكره حياتك مع هالموتر ورش وصناعية وبلشة )


up 0 down 0
saleh54321 88
قبل 6 سنه و شهر