مكيف السيارة وكيفية صيانته؟؟؟

تبي الحل وتريح راسك

اذا انت فالرياض روح لورشة القحطاني فالصناعيه وبتدعيلي

اسمه خالد القحطاني متخصص فوردات

0560022121

صار معاي بالمرسيدس نفس قصتك نصف يبرد ونصف لا وطلع الفريون ناقص

وزوده وضبط

شيك على مراوح التبريد يمكن ما تعطي هوا زين للكمبروسور

المشكلة هذي صارت معي بكابرس اس اس 96 وطلعت المشكلة من المراوح دفعها ضعيف وأخر شيء أعدمت الكمبروسر

اللي عليك اللحين شوف أطرف ورشة وخلها يشيك على المراوح

وانا مشكلتي زيييك بالضبط والي يقهرك ان الفريوون مو ناقص وياخوي ابولافي لوالمرواح تعبانه تلقاء الحراره تلعب لعب ياليت الي عنده لايبخل

هلا بالإخوان اليوم الصباح روحت للصناعية وقالي الفريون ناقص وزوده ب100 ريال وسارت الفتحات تبريدها مثل بعض ويوم رجعت للبيت وشغلت السيارة مرة ثانية رجع كل شئ مثل ماكان !!!!!!

هو يبرد على خفيف لاكن تبريد لك عليه مايسوى يعني مثل الصحراوي هواء على رطوبة؟؟؟؟!!!

والله ياخوي حتى نفس المشكله عندي ماركيز 2005 والمكيف في الظهر على الدرجه الثالثه ويالله الخراج , أما في الليل طيب الى حد ما . مع اني عبيت الفريون قبل يومين فريون امريكي اصلي
, فياليت اللي عنده نفس المشكله لا يبخل علينا بالمعلومه

تبغى الصراحة يأخوك مكيف الفورد خيااااااااس مكاين كبيرة وصرفية بنزين على الفاضي معي شفر أوبترا كوري تبريده ثلج في عز الظهر وهي 4 سلندر ولايتأثر لابوقوق ولا بغيره العيب واضح السيارات الأمريكية ماتصلح للمدن نهائيا تبغاها للسفر خذ ولد . والظاهر المشكلة مالها حل.

^^^
هذا معناة اغلب ملاك الفوردات التكييف فقط بالخطوط واخوي نفس المشكله خرب مكفيه صار هواء لقى الكتاوت
نصيحة شيك على كتاوت المراوح يمكن ناتعطي كهرب يخليها تضعف المراوح فذلك مع الخط تبرد بحكم يخف الغط على الكتوت وينتقل لحساس الكمبروسر

شبك عليه وعلى المواصير يمكن فيها تهريب بالتوفيق وان شاء الله بسيطه

لا الله الا الله 
اخوي أنصحك انك تغير الكوبرسور كامل مع الليات كاملة و تروح تركبها عند ورشة الشريم 
ورشة كلها اتراك و اسأل عن زكي و خبره بكل شي...
هذا هو الحل الوحيد عشان تريح راسك

اذا كان المكيف يحتر مع الوقوف معناها شيئين لا ثالث لهما اللي هو _(الكمبروسر ضعيف او المراوح ضعيفه او ماتشتغل)
اما من ناحية التبريد نص بارد ونص حار اتوقع المشكله بالثلاجه فيها اوساخ .. بالنسبه لكلامك تقول عبيته فريون وصار تماام ويوم شغلته اليوم الثاني ورجع زي ماكان فمعناها عندك المواصير تهرب فريون مالك الا تشيك على المواصير وتشوف التهريب وين مكانه وتسوي لها كبس بسعر تقريبا على كل ماصور من 30 - 50 ريال وبعدها عبي فريون وشغل بعد التأكد من سلامة القطع الثانيه اللي هي الكومبريسر والمراوح وغيرها .ان شاء الله افدتك يالغالي والله يعينك السياره بدون مكيف معليييييييييييش ماتسوى

طيب انا عندي تاون كار 99 صوت المكيف قوي لكن الهةا ضغعيف واذا دعست يفصل ويرجع

والله يا جماعه الى يقول مكيف الفورد ضعيف غلطان عندي 2004 ماركيز ماشاء الله عز الظهر ركب معي اخوي قالي خفض المكيف برد مع اني كنت حاطه على النص < اللكتروني
لكن انصقع عين وخرب الكومبرسر

والله يا جماعه الى يقول مكيف الفورد ضعيف غلطان عندي 2004 ماركيز ماشاء الله عز الظهر ركب معي اخوي قالي خفض المكيف برد مع اني كنت حاطه على النص < اللكتروني
لكن انصقع عين وخرب الكومبرسر