ماهو الأفضل للإستعمال الشخصي كامري 2010 أو ماركيز 2010 ؟

لاهنت يا غالي
ممكن الفروق بينهم وهل هي مهمه للغاية

هلا و غلا , . , . , 
أخوي الكامري والماركيز كلها تمسك سعرها , وكمان كلها عمليه , وإذا حافظت عليها راح تقعد معك اطول فتره ممكنه .. 
وأكيد فيه فرق في المواصفات وفي الراحه فرق كبير جدا , إذا الماركيز فل كامل وممشاه طيب وموديل حديث ونظيف جدا جدا توكل على الله وخذه .. 
غير كذا لاتفكر فيه ..
بالتوفيق ]

لاهنت وماقصرت يا عاشق الماركيز
أخوي كان معاه ماركيز 2005 سنتين ويمدحها واجد خاصة كان معاه قبلها كامري ويقول أنصحك خذها ولاتتردد
بس أنا خايف من حاجة إسمه أمريكي و خرابات و حراره مع الوقت
الموتر معروض علي ممشاه حول 90000 ويمدحه راعيه 
والكامري معاي زي الفل وممتازة 
خايف أتحسف لو أقبل البدل

طيب أخوووي كم موديل الفورد . . ؟ . . ؟ 

السلام عليكم 
اخوي من ناحيت القوه والراحه وكل شي الماركيز افضل وانت اذا جربت هذي السياره راح تعرف قيمتها واولا واخيرا استخير الله عز وجل ماخاب من استخار

ه̷̷َـَْـْْلابك .، أذا أنت مرتاح في سيارتك ومافيها  شي خلها 

الماركيز يبي له محافظه وصيانه والكامري تكرف أكثر من الماركيز وتتحمل  

أنا أنصحك تقعد موترك مادام أنك مرتاح وشكرا  

مادام أنك مرتاح ومافيها شي أنصحك تقعد موترك

اذا سياراتك الكامري على يدك وكالة
لاتبدل ولا تبيع
على يدك واستخدامك
والماركيز ممتاز ايضا اذا كان نظيف 

الكاااااااااااااااااامري

الله يجزاكم خير وما قصرتم جميعا
صحيح أن الآرآء مختلفة عن بعضها لكن اللي يتضح لي وعلى كلام أحد الزملاء أن كل السيارتين مناسبتين لكن الماركيز يحتاج متابعة و صيانة أكثر ،بعكس الكامري تاخذ لك 5 شهور مافتحت الكبوت
كذا كلامي صحيح وإلا فيه تصحيح يا شباب؟

كامري 2010 <<<<<<<<<< احسن بألف وثلاثمائة واثنين وأربعين مرة من الماركيز

إيه  الكامري كل ٥ شهور او سنه تشيك عليه كامل وكل شهر تغير زيت 

ماركيز افضل والاسباب
1فئة اكبر من الكامري
2البدي اقوى وامن بكثييير
3من الداخل اوسع وافضل ديكور واقل اصوات
4مكينة الماركيز اقوى وافضل عزم
5ارخص قطع غبار
6اريح من الكامري 
7والماركيز يمسك سعره افضل خاصة انها انقطعت
8الماركيز تأخذ ركاب اكثر لان التكاية الامامية متحركة ،،تجي حاجتها
9الماركيز دفع خلفي وتعتبر ميزة لقلة الاعطال وقوة التحمل بعكس الامامي
10واتوقع الماركيز اقل صرفية بلخطوط فل ب30 يمشيك 700كيلو بس على سرعة120 عن تجربة

وهاذي النقاط  حصرتها على السريع  وغيرها الكثير الكثير وكل ها الشروط ماهو قصور بلكامري لكن الماركيز اعلى فئة وطبيعي يصير فيه فروق كبيرة وكثيرة

وبتوفيق للجميع

الماركيز افضل واترك من الي يفتي وهو ماجرب السياره عندي اثنين وزي الحلاوه ماشيه ولا فكيت الكبوت الا نادر مادام سواقتك هاديه ورجلك خفيفه خذ ماركيز وماراح تندم راحه وهدوؤ وعزم قوي بدون صوت المكينه تسمعه مثل الكامري وقطعه رخيصه ومايستهلك وقود وهو 8 سلندر واسال اي واحد معه فورد كيف السياره عمليه او لا وراح يجاوب لك مشكلتنا انه بعضهم يفتي بسياره ماجربها فقط يسمع بعضهم يذمها وهو كمان ماخذ او جرب سياره مدموره 

والماركيز الان اغلا من الكامري ومابيك تقتنع بكلامي روح المعارض وشوف نفس الموديل السيارتين كم السعر

السلام عليكم اخوي صاحب الاعلان الاختيار بيكون حسب منطقتك اللي انت فيها وحسب استخدامك وهل انت راعي سفر وخطوط ... طبعا اذا انت من الغربية جدة او مكة فالكامري افضل لك لان المنطقة ماشاء الله كلها حفر ومطبات وماتستهلك بنزين مثل الفورد والفورد ماراح يتحمل مثل الكامري اما اذا منطقتك حلوة وانت راعي سفر فالافضل لك الفورد ... ان شاء الله اني افدتك

الله المستعان تتنافسون وانتم بعيدين عن القران