أضف سؤال أو موضوع جديد          

ليش الشعب مايهمه إلا الشكل وبسسس . . . ؟ . . ؟ . ؟

up 9 down 0
عاشقـ الماركيز {1991} 3502
قبل 6 سنه و 7 شهر



السلام عليكم ورحمة الله وبركاته : 
أخواني أعضاء وزوار منتدى { حراج } كيفكم .. ؟ .. ؟ عساكم بخير وعافيه .. ؟ .. ؟ 
لاأووصيكم اليووم جمعه وخير الأيام الجمعه كثرووا من الدعاء وإن شاء الله يستجيب لي ولكم .. 
ولاتنسووون الغدا خخخخخخ , أحلى غدا يوووم الجمعه < < < < طلع برا الموضوع .. 
المهم ياشباب اليووم موضوعي عن الشباب جميعا .. 
عندي سؤال , الواحد لما يقرر يبي يشتري سياره وش أول شي يخطر في باله .. ؟ .. ؟ 
الشكل .. ؟ الجووده أو الخدمه .. ؟ الأمان .. ؟ 
طبعا كلنا وبدون مبالغه ولا كثرة هرج نرووح للشكل بسسس , والله ماهمنا لا جوده ولا أمان , طبعا الأمان من الله سبحانه وتعالى , بس الواحد يعمل بالأسباب .. 
طبعا أكثرنا بيقوول الأمان في السيارات الألمانيه ومانقدر على سعرها .. طيب مو بس الألمانيه اللي فيها أمان , فيه سيارات فيها جووده وتخدم مثل الحمار الله يكرمكم وفيها أمان عالي جدا .. 
بس أحنا ماندور الا الشي الموجود والمنتشر واللي يحبه الشعب بسس .. هذي عقليتنا مانعرف نتطوور شوي .. 
سيارات كثير فيها الأمان عالي وطيب , عندك المتسوبيشي حلووه وخدومه لاأبعد الحدود والأمان فيها توووب , بس أحنا بس نسمع سيرتها نقووول لا لا لا , قطعها غاليه ومانقدر عليها . 
يعني السيارات اللي معنا قطعها رخيصه .. ؟ .. ؟ والله كلها سوا , وأساسا قطعها غاليه عشان مافي منها تجاري إلا قليل وكل هذا تركب القطعه وتنسى السالفه كلها .. 
عندي ولد عمي اشترى جالنت موديل 2007 على ايامها نص فل فيها 6 إيرباقات وللحين معاه عايشه ونظيفه جدا .. ماشيه حووول الـ 300 وعليها والله فيها خير وماقصرت .. 
عندك السوباروا , حلووه وعمليه وفيها أمان بعد الله , عندك الفولفو كمان حلووه ووالمشكله كلها صناعه اصليه وباقي ماحد لعب فيه يعني ياباني بحت , بس حنا نقووول لا .. 
خلاص تويوتا وبس لو صارت صيني ناخذها بعد , ومو قصدي أعيب في تويوتا , والله إن تويوتا في سيارات ماصنعت مثلها ولا شركه بس خلاص راح زمنها وجاء زمن ثاني .. 
آسف إني طووولت عليكم أعذرووني شووي انفعلت .. 
أتمنى من الكل يشارك ويضع رأيه لنستفيد ويستفيد الجميع .. 
تحياتي . 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لانه وانا اخوك محد يحب يغامر هالمغامرة يشتري سيارة ويحط فيها المبلغ الفلاني ولا يلقى خدمة بعد البيع يعني اغلب الوكالات هنا خدمة زفت

فيفضل انه يشتري سيارة منتشرة يرتاح فيها



up 1 down 0
fulloption 196
قبل 6 سنه و 7 شهر



السبب الاول والاخير طبعا الميزانية الفلوس الواحد اذا اشترى يفكر بالبيعه  او يمكن تسود وجهه 
بالنسبة ي اخوي انا ساكن بمحاففضة  حفر الباطن منطقة شبه نائية وقطع غيار  غير متوفر وغالي ولو تحصل قطعه تحصلة 
عند محل واحد بس 
 كانت معي كامري 2008 قير عادي وانخرب معي الجلنط والله فريت المحافضة فر حتى وكيل تويوتا ما حصلت  وصارت

لي روحه للرياض وششريته بسعر معقول بأأ285 ريال
المشكلة اخوي وقت البيع البيع يعني  لو تلاحض ما يمشي بمعارض الا التويوتا ونيسان وبالنسبة لي 
صعبه اشتري مثلا مازدا 6 بــ80 وكالة وامشيها 300 الف كيلو وما تجيب لي 20 الف 
وبالنسبة للقطع الغيار انا وانت وكل واحد  بمنتدى كم مرة اشترى  من خارج اوكالة او  درجة ثانية بسبب السعر 
اول يقولون قطع الياباني  فيي البقالة تحصله والله ما حصلته لا في البقالة ولا قطع الغيار ولا بتشليح


up 1 down 1
صوت العزاوي 526
قبل 6 سنه و 7 شهر



انا معك ان السلامة بالسيارة شي ضروري لكن سالفة اني اشتري فولفو ولا مستوبيشي ولا بيجو هذي اللي ماطرت سيارات يعيبها شكلها بس
عندك سيارات شكلها كويس وفيها ايرباقات مثل الماليبو 2010-2012 و2013 الفل كامل هذا بالنسبة للسيارة متوسطة الحجم وبالنسبة للسيارات الصغيرة عندك كروز فيها ايرباقات وماخذه اعلى تقييم بالامان وعندك الافالون والاكورد وغيرها



up 2 down 0
المحترف 2012 2125
قبل 6 سنه و 7 شهر



ياشباب الأيام هذي الوكلاء والشركات عامة منزلين السيارات مو عشان وخشتنا , منزلين عشان مكسبهم عكس أول , اليوم تشتري سياره . 
يقول لك يالله بعد شهر تعال صيانه وتدفع مبلغ وقدره وكل شهر صيانه غير قيمة السياره , عكس أول كان يرمي المفتاح ويقولك ضف وجهك خذ ضمان خمصتعشر سنه { 15 } وبعدين راجعنا .. 
والبعدين الواحد يبي يشتري سياره عشان يبيعها .. ؟ .. ؟ 
يبي يشتري عشان تخدمه ولو باع بخساره واكيد يخسر هذا حق الخدمه طوول السنين اللي راحت وسلامتكم .. 


up 2 down 0
عاشقـ الماركيز {1991} 3502
قبل 6 سنه و 7 شهر



طيب وش المشكلة لو اشتريت سيارة تخدمني وفوق هذا تجيب لي سعر لو بغيت ابيع ؟؟ اكد السيارة واكرفها كرف وبعدها اذا بغت تودع الحياة ابيعها ب40 و50 احسن من اني اطلع سيارة من الوكالة ماتمشي 500 الا وطاح من نص قيمتها ويمكن ماتلقى احد يشتريها



up 0 down 1
المحترف 2012 2125
قبل 6 سنه و 7 شهر



صادق المحترف فيه واحد بمنتدى مرسيدس شاريها وكاله بــ13000000 مليون وثلاث ميه اف ريال <-- تعبت وانا اكتب الاصفار
تصدق مشت اقل من 30 الف كيلو  وحادها بــ320 الف ولا جابت له قيمة 


up 0 down 2
صوت العزاوي 526
قبل 6 سنه و 7 شهر



الناس صارت واعية اللحين وعارفين نصب الوكالات 
ماعاد فيه سيارات محددة مثل زمان 
الحين الناس تشتري انواع مختلفة 
طبعا غير عن الالماني لانه سعره فيه 



up 1 down 0
ابو عبدالله احمد 3471
قبل 6 سنه و 7 شهر



انا ما يزعجني الا الي يقول قطع غيار  غاليه 
يعني كل يوم بتغير اقطع انت ؟؟؟  بتغيرها مره واقل شيء بتقعد  خمس سنين وخلاص حتبيع


up 0 down 0
صوت العزاوي 526
قبل 6 سنه و 7 شهر



صوت العزاوي قطع الغيار مهمة وخصوصا للي حالته المادية وسط وصح كلامك انها ماتتغير كل يوم لكن لو صار حادث بسيط يكلفك كثييير


up 0 down 0
المحترف 2012 2125
قبل 6 سنه و 7 شهر



طيب انا طالب ١ ثانوي تنصحوني بالكروز ٢٠٠٩ 
واذا كان لا اش فيه سياره تناسب طالب عاقل مو حق سرعه وتفحيط 
ومعليش يا راعي الاعلان على الشطحه 


up 0 down 1
فيليكس 205
قبل 6 سنه و 7 شهر



كل شخص وله ميول واكثر الناس يشتري السيارة اللي لها شعبية حتى لا جاء يبيع ماتنشب بحلقه
عندك مثلا شخصين واحد اشترى هايلوكس وواحد اشترى ميستوبيشي
نزلهم المعارض سواء وشف بعينك الاسوام
اعتقد ان مقصدي واضح



up 1 down 0
ابو راكان تبوك 955
قبل 6 سنه و 7 شهر



كل واحد يبحث عن اللي ينقصه ,, فتجد الشكل من الاولويات


up 1 down 0
fiqar 59
قبل 6 سنه و 7 شهر



تدري وين المشكله ؟ 
  
لاصارت سيارات تويوتا ماتخدمني بالمواصفات وش ازين وقتها ؟  
 
سيارات تويوتا اما تلقاها غاليه او شكلها قبيح او مافيها مواصفات 
 
هذا اللي يخليني ادور غير تويوتا 

 لاني اذا كرفت الموتر ٥ سنين وهو ب ٧٠ الف 
 
لاجيت ابيعه وجابت ١٨ بالنسبة لي عادي 

 اهم شي مثبت سرعه ومكينه كبيرة وعزل وراحه ومكيف ثلج وسعر معقول


up 2 down 0
فكوك 1684
قبل 6 سنه و 7 شهر



وش رايكم بالكروز


up 1 down 2
فيليكس 205
قبل 6 سنه و 7 شهر



وجهة نظري الشريطية وترفهم لبعض السيارت الي تنفع مصاااالحهم ،
ما نعرف نختار بأنفسنا ،
داييييم نسمع من هنا وهناك ،
مافي ثقة بالنفس ع الاعتماد ع ذوووقك ،
الي حولك من غبائهم يقعد يتريق عليك وع اختيارك ،
وش يمدحو الناس اخذ مثلهم عشان نكون في الخير والشر سوا ،
اذا انحلت هذي الامور ممكن يكون في ارتقاء



up 0 down 0
aziz..747.. 2423
قبل 6 سنه و 7 شهر



 هاذا شىء عالمي ترتيب شركات السيارات العالميه الاكثر انتشارا 


up 0 down 0
ابو الكار 32
قبل 6 سنه و 7 شهر



حبيبي طارق حياك الله .. 
أنا عارف ان الفولفو بريطانية الصنع .. ولكن اقصد بكلامي المتسوبيشي والسوباروا وغيرها .. 
وبالنسبه للصناعه الأصليه قصدي مو مثل تويوتا الياباني صار تايلندي أو ماليزي يعني باقي ياباني اصل .. .. تستاهل لايييك اصلي .. 
تحياتي .. 


up 2 down 1
عاشقـ الماركيز {1991} 3502
قبل 6 سنه و 7 شهر



انا استغرب من الواحد اللي يشتري سيارة واول شي يفكر فيه بيعة السيارة .. 
انا الحمدلله السيارة اللي اخذها .. اول شي افكر بسلامتي ورفاهيتي .. واخر شي افكر في بيع السيارة 
وانا ماني من الناس اللي الفلوس عندهم زايدة او مقتدر ماديا جدا .. لكن انا بشتري سيارة شكلها حلو وتخدمني وانبسط لمن استخدمها
عشان ما اقول يا ريتني اخذت مثل فلان سيارته حلوة .. 
يعني اشتري قرمبع ولا اتمتع به كلو عشان خاطر كم قرش ؟؟ الفلوس تروح وتجي والرزق من الله ما تدري ممكن تشتري كامري 
(مثال لسيارة مرغوبة ) وسبحان الله محد يبي كامري وما تحصل زبون ..
وممكن تشتري اكورد (كمثال لسيارة غير مرغوبة) وقررت تبيعها مضطر وفي يومين وانت بايعها وجاك زبون راغب واعطاك سعر كويس .. 
فالواحد لا يحرم نفسه عشان خاطر البيع .. ربنا رزقك عشان تمتع نفسك وحيرزقك وقت تشتري سيارة ثانية انشالله .. 


up 0 down 2
sosisos 613
قبل 6 سنه و شهر