أضف سؤال أو موضوع جديد          

ماهو رايكم

up 1 down 1
سلطان_28 269
قبل 7 سنه و 10 شهر



معي كراون فكتوريا 2000 .. بديه نظيف لا تعديل ولا سمكره .. بويته باهته حيل من الشمس
وقفت الموتر نظيفه ..
ناوي ارشه واقلبه بوليسي 2010 .. مفكر بـ لونين أبيض او رصاصي غامق(رمادي)
وش تنصحوني بـاي لون ..
وش احتاج من قطع عشان اخلي شكله بوليسي 2010 وهل لازم اغير الصدامات .. ووش غير الصدمات اللي عنده خبره الله لا يهينه يفيدني
ويعطيكم الف عافيه .. سلطان








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي
رشه نفس الون وجدد الوجه والخلفيه لمديل احدث مع الجنوط ومن داخل يكون مشروعك ناجح بكذا وجهة نظر ولك الاختيار.


up 0 down 0
al-aziiz 640
قبل 7 سنه و 10 شهر



مشكور ياخوي al-aziiz بس لونه بايخ بالمره وحارقه الشمس بويته مره .. انا ابي اجدده واخلي شكله بوليسي ..
بس متحير بالفروق .. هل تفرق صدامات البوليسي عن العادي ..والجنوط انا بشترى جنوط بوليسي وجنوطه جديده وشكل جنوط 2004 ومشكور مره ثانيه على رايك ننتظر باقي الاخوه


up 0 down 0
سلطان_28 269
قبل 7 سنه و 10 شهر



طيب ياسيدي
جربت صور على قووقل ترا العم قوووقل طيب .


up 0 down 0
al-aziiz 640
قبل 7 سنه و 10 شهر



والون الابيض مايحتاج ملك الالوان .


up 0 down 0
al-aziiz 640
قبل 7 سنه و 10 شهر



جربت صور وانلحس مخي شوي ياخوي بعضهن المساكات تختلف وبعضهن الازياق الخلفيه انلحست شوي
والصدمات بعد .. مدرى الصدمات الاماميه والخلفيه تفرق ولا نفسها .. وهل لو اشترى صدمات 2010 بوليسي تركب على الموتر او لا ..وسؤال اخير اقدر اغير الدرقسون ولا لا .. لان افكر اركب دركسون 2005



up 0 down 0
سلطان_28 269
قبل 7 سنه و 10 شهر



محل قطع الغيار يفيدك في الصدمات لانه يعرف الفرق .
والله ضحكتني يوم انلحس مخك المشكله سؤالك بحر في التعديل.


up 0 down 0
al-aziiz 640
قبل 7 سنه و 10 شهر



شلون بحر في التعديل .. وشكراَ


up 0 down 0
سلطان_28 269
قبل 7 سنه و 10 شهر



أخوي بالنسبه للصدمات الأختلاف في الموديلات السابقه من 2002 وتحت يجي الصدام فيه زيق نيكل وفووق 2002 يجي بدون زيق فقط لاغير مافيه اختلاف ثاني .. 
بالنسبه للدركسوون يتغير نعم .. 
ويبغالك تجدد بوويه .. 
وتشتري شمعات واسطبات أركان اماميه وشبك وإسطبات خلفيه كذالك وصدامي امامي وخلفي إذا تبي التعديل يضبط .. طبعا كلها موديل 2010 أو فوق وبراحتك .. 
ودورلك في التشليح جنووط حديد وركب طيس نيكل وتوكل على الله ولاحق الناس وفجعهم خخخخخ .. 
بالتوفيق .. 


up 0 down 0
عاشقـ الماركيز 3498
قبل 7 سنه و 10 شهر



هههههههههههههههههههههههههه
لا مالي ب الناسس ولا فجعتهم الله يجعلهم دوم بامن وامان ..
والله ياخوي ما قصرت ويعطيك الف عافيه
بس يعني لو اشترى شمعات وشبك واسطبات خلفيه وصدمات خلفيه واماميه حقات 2010 يركبن على موديل 2000
انا اللي لحس مخي .. شفت صور مواتر بوليسيه ب النت بعضهم يجي الازياق الخلفيه اسود كامل وبعضهن اللي على الشنطه اسود وبعضهن تجي المساكات اسود .. هذا اللي حاسني شوي .. والله ما قصرت يالغالي .. والف شكر


up 1 down 0
سلطان_28 269
قبل 7 سنه و 10 شهر



البوليسي حلو بس يحدك ع شكل واحد بدون ملامح كل شي اسود خلك متفائل خخخخ ،، لان طمس نياكلها يفقدها حلاتها وهيبتها وهذي الي يميزها
اشوف انك تركب الشبك الي يجي 3 صفوف نيكل بالعرض وترش اطرافه ع لون السيارة وحافظ ع النياكل حتى مقبض الابواب خله نيكل وغيير الشمعات بعدسه او بدون والاسطبات وصدام ماركيز بكشاف 2006 وخلفي عشان النيكل ،
وجلود الابواب الي فيها نيكل والجناح والوصلات حق الشكمان الرياضي . واللون اشوف الازرق البترولي او الي اسمة نورسي حتفرق معك السيارة للحلا وفيها لمسة انيقة و ذووق


up 0 down 0
aziz..747.. 2420
قبل 7 سنه و 10 شهر



والله ياأخوي ماأقدر أفتي وأقولك تركب , 
أتوقع والله أعلم تركب , وإنت أسأل وجرب وماأتوقع تفرق في شي .. 


up 0 down 0
عاشقـ الماركيز 3498
قبل 7 سنه و 10 شهر



aziz747 مشكور يا خوي على نصايحك .. بس الصراححـةة انا مصمم على البوليسي لان الموتر فكتوريا ستاندر يعني م يليق عليه الا 3 الوان .. اسود و ابيض و رمادي غامق .. ما يضبط شكله با الاكسوارات .. وانا قلت بقلبه بوليسي ..لان نويت ارشه أبيض .. بس تحيرت فيه بعض المواتر البوليسيـة يجي المساكات اسود وبعضها نيكل وبعضهم تجي الازياق الخلفيه اسود وبعضهم نيكل وبعضهم الشبك يجي خليه والبعض شبك عادي .. يعني تحيرت شويَ ..
وثانيا ابي اغير الدرقسون لانه منتهي وابي دركسون حق موديل 2005 لان شكله جميل بس ما تعرف كم سعر الدركسون بالتششليح .. وشكرا ..
اخوي عاشق الماركيز مشكور على مرورك


up 0 down 0
سلطان_28 269
قبل 7 سنه و 10 شهر



ادخل منتدا فورد العربيه وضع موضوع في قسم الاكسسورات وتحصل الافاده بالتفصيل عن الي تغيره والتكلفه 
بالنسبه للجنوط ترا جنوط 2003 وفوق ماتركب 


up 0 down 0
princ 18876
قبل 7 سنه و 10 شهر



جابك الله ياخوي princ انا اول كنت بنززله بفورد العربيه بس مدرى شفيه ما يفتح معي المنتدى ولا هناك قريت كثير سوو ترهيم لسياراتهم وفاهمين الشغله بس المنتدى له 9 شهور م يفتح معي حتى بالتصصفح مدرى وش السبب ..ومشكور على الررد


up 0 down 0
سلطان_28 269
قبل 7 سنه و 10 شهر



صباح الخير




يا اخون بسالكم عندي موستنج موديل 1997 هل اقدر ارهمه موديل 2000 او 1999 ووش الي احتاج له با الظبط ووش الفرق بينا موديل 1999 و موديل 1997


up 0 down 0
rakan2199
قبل 6 سنه و 3 شهر