أضف سؤال أو موضوع جديد          

خروج دخان -أزرق- من الشكمان؟

up 3 down 0
musclefreak 355
قبل 7 سنه و 12 شهر



السلام عليكم ورحمة الله وبركاته

الله يصبحكم بالخير اخواني

مارح أطول عليكم ورح أدخل سيييدة في الموضوع

السالفة ياجماعة الخير اني اليوم ان شاء الله اتفقت مع راعي موتر اني اشوف سيارته...لكن من الأشياء اللي قالها لي وبصراحة خوفتني ان الموتر يطلع دخااان "أزرق" مع الدعس!

هو قال انه شي مو مهم وانه يبيله تغيير شي بس والله نسيت وش هو "وجه كاردان أو شي من هذا القبيل" اعذروني والله نسيت..

انا بكل الأحوال بشوف الموتر اليوم ان شاء الله ..بس حبيت استشيركم وآخذ براي اخواني في السالفة..

هل الدخان الازرق شي خطير ولا شي عادي وتصليحه سهل وغير مكلف؟؟ أنا اعرف ان المواتر تطلع دخان أسود أو أبيض لكن أزرق؟ اول مره اسمع فيها!
يعني بالعربي ياشباب.. الموتر يستاهل اشوفه وافحص ولآ انحااااش من اولها؟؟


الله يعافيكم ويجزاكم خير

تحياتي لكم نفر نفر








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الدخان على طول اذا شغلت و اذا مشيت يدخن 


up 0 down 0
صالح ابو فارس
قبل 5 سنه و 2 شهر



انا معي فورشنر  اربع 2012 يطلع منه مويه سودا وزيت شوي من شكمان ودخان ازرق وسود شوي وش السباب حساس الشكمان



up 0 down 0
king_1999
قبل سنه و 4 شهر