أضف سؤال أو موضوع جديد          

تجربةغبن معارض السيارات المستوردةفي ظل غياب حمايةالمستهلك

up 7 down 0
albazi 34
قبل 6 سنه



معارض السيارات المستعملة كان لي فيها تجربة وربنا ستر ، مرة كنت بأشتري ماركيز من معرض( العواجي) والسيرة تشوفها ماشاء الله شي اللون الخارجي سمني والداخلي كلها هلوز حتى الطبلون وماشية في حدود 32ألف ميل وسعرها تقريبا 84ألف ريال  المهم أخذت رقم الشاصي وأرسلته للي يقدمون خدمة تقارير الكارفيكس والاتوشيك ، وطلعت السيارة مصدومة في أمريكا وفيها كذا بلوة ، ربنا ستر إني ما اتورطت وردفعت المبلغ وقعدت بها
أنا مو داري ليش بعض النس ماتتقي ربها ، يعني ألحين الواحد مننا يا الله يا الله يجمع له الفلوس ويروح بدل الحراج للمعارض على باله إنه أنظف من اللي تحت المايكرون ، إلا يلاقي حالتها حالة بعد ما انصدمت جابوها وضبوها وضبطوها وقال لك هاك ادفع بس 84 ألف .
وين حماية المستهلك وحفظ حقوقه وفلوسه اللي تندفع على شي مضروب ؟
كيف يسمح لسيارة تدخل البلد وهي كانت مصدومة وتم تصليحها وبيعها على أنها لم تتعرض لصدمات ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


http://www.cars.com/go/search/detail.jsp?tracktype=usedcc&listingId=108813173&aff=aol


تابع الرابط وشوف النظيف ... والسيارات فامريكا النظيف غالي واغلى من عندنا والمضروب رخيص والتجار مايجيبون الا المضروب لانه رخيص ويبيعون بالغالي


والله حنا شعب ملعوب علينا 

الاستيراد موضوع سهل وبسيط ولكن حنا نصدق كلام الوسطاء الي بعضهم نصابين عشان يقول انا بريحك وبستورد لك 

بعض الاعيبهم 
تروح تدور موتر في النت وتلقاه وترسل له الرابط عشان يستورده لك تتفاجأ ان الموتر زايده قيمته 15 الف 
بحجة الشحن والعمولة ويقولك بعدين ترا هالسعر مايشمل الجمرك ؟؟؟
ويشدد على عمولته الي يحاول يوهمك بأنها 3000 الاف فقط عشان تصدق انه رجال امين وما اخذ غير عمولته 

وبعضهم يروح للبائع ويفاوضه عشان يحط الزياده في جيبه 

مب كلهم لكن الاغلب بهالطريقه 

انا قاعد ارتب موضوع كامل متكامل ان شاء الله وهو عن طريقة الاستيراد المباشر من امريكا وانت شاجلس في بيتك 

ولله الحمد انا بعد ما شبعت من هالوسطاء شريت موتر من امريكا وانهيت الاجراءات والموتر يبيله 40 يوم ان شاء 
كلها بدون وسيط وبدون عمولات وقلة حيا 

فقط انتظر الموضوع يخلص على خير وانزل الموضوع


up 7 down 0
naac 2 2717
قبل 6 سنه



تصحيح
شاجلس = جالس 


up 5 down 0
naac 2 2717
قبل 6 سنه



ترا مو شرط ان راعي المعرض يكون مشتريها مصدومه يمكن الرجال مثلك انصبوا عليه بها
ياخي اذا بعض شريطيتنا المسلمين يحلفون ان السيارة نظيفة وهي بها مليون علة وش تتوقع من كافر ؟؟!



up 0 down 2
المحترف 2012 2124
قبل 6 سنه



تأمين امريكا قوي احيانا بس السيارة تنصدم رفرف ويحوطها تالفه
عموماً اي سياره صار عليها حادث بأمريكا اكتب رقم الشاص في محرك قوقل واختر خاصية البحث بالصور يطلع لك اعلانها مصور بحالتها اللي كانت عليها وصور الحادث


up 0 down 1



اخوي المحترف 2012  
اسمحلي أخالفك الرأي
في امريكا صحيح انهم غير مسلمين ولكن يتعاملون بكل صدق وعن عدة تجارب شخصية 
الشيخ عايض القرني يقول وجدتهم يتعاملون بتعاليم الإسلام ولم اجد مسلمين 
يكفيك انهم وضعوا شركات مثل الكارفكس والاوتوتشيك بمجرد وضع رقم الشاص تقدر تعرف كل شي عن السيارة 
اخوي البلا منا وفينا ومن المستوردين عندنا الى كل همهم الكسب المادي



up 3 down 1
hussain4 828
قبل 6 سنه



اغلب مواتر الصالات من مزادات لازم تلقى فيها عيب .. يادقات برد او الديكور مخرم والخ..
ولاجت يلمعونها تلميع شامل ويحطونها تحت الكبوس وتشوفها تقول وكاله وهي مزاد


up 0 down 0



Nacc 


انتظر موضوع بفارغ الصبر


تتبعت موضوع الاستيراد منذو مبطي 

وقرات وسالت ولفيت ودرت لين


العائق الاساسي بالنسبه لي

التعامل مع البائع مباشره (اللغه)

لغتي ركيكه في التحدث نوعا


وكذلك مافهم تمام بالتعامل المالي الالكتروني 
 عن طريق الباي بال والخ الخ وتتبع الشحنات في الموانئ

لكن في تصفح مواقع لسيارات سواء كارز كوم
او اوتو ترايدر.  الخ الخ من المواقع امريكيه
بالاظافه الى الالمانيه وكذلك اليابانيه 

لو تنزل موضوع خخخخخ

تصير احلى واحد

وسلامتك
ولايهونون باقي الربع


up 0 down 0
مدرس عاطل 31
قبل 6 سنه



حتى لو كان نصبواا على راعي المعارض يبيعه بسعر تعجيزي ولاينصب على واحد بالعقل


up 0 down 0



مدرس عاطل 

الموضوع ابسط مما تتصور 

كل المطلوب منك 
لابتوب او جهاز مكتبي 

تفتح قووقل وترجم يا مترجم 

تحتاج لجواز سفر عشان ترسل لهم نسخه بالاسكنر عشان نقل الملكية والتصدير 
وتحتاج توكيل الكتروني تسويه في خمس دقايق 

وشركات الشحن كثيره وفيه شركات واجد بمجرد ما تقولهم شحن للسعودية يقولون لك الاجراءات كلها 

مافيه دفع الكتروني 
الدفع حوالة مصرفية فقط 

العربون ياخذونه من البايبال

ان شاء الله بحط معلومات كاملة متكاملة قريب 


up 0 down 0
naac 2 2717
قبل 6 سنه



والله يافيه شريطية تقدر انت تنصب عليهم مايعرفون الخمسة من الطمسة تخيل مرة ساموا سيارة خالي لنكون 98 ب35 وهو شاريها ب18 ويحسبها كادلاك !! والثاني قال تبدل بيوكن 2002 وازيدك !! لكن خالي ماكان ناوي يبيع


up 0 down 1
المحترف 2012 2124
قبل 6 سنه



عموما المستورد كله مخيس يعني تقدر تقول 99 % مرشوش ومصدوم او سيارة شرطة ويبيعونه على انه شد البلد

والدليل ان السيارة ممشاها بالكيلو مايوصل 70 الا ومشتغله لمبة التشك انجن وانواع الخرابات تهل عليك


up 0 down 3
المحترف 2012 2124
قبل 6 سنه