الرغبه في بيع السياره للتغيير هل من نصيحه

ياشيخ خلك على فورك وانت ادرى بسيارتك من خرابات وتصليحات 

المثل يقول (  خلك على قردك ولا يجيك اقرد منه  )

ؤانا بعد زيك وعندي ماركيز أفكر أبيعه واشترئ لي موتر ثاني 
لـ تغير 

انا انسان ما احب التغيير واحب اني اخذ السيارة على انها رفيقة لي اعرفها واتعلم منها وادرسها واعيش عشرة العمر فيها 
لو احببت التغيير اخذ موتر ثانوي ان كان فيه امكانية 
انا انصحك تخليك على موترك ان كان زين ويجمل ولو خربان بعه وخذ زين ولو مثله احسن لانك خابز السيارة زين

ماشاء الله خويي ايضا أشترى ماركيز من الداخل جلد بيج ومن الخارج سمني يقولي السيارة ماتعرف غيرعبي بنزين وغير وزيت وماتشتكي بس شئ واحد ماعجبني فيها بكل صراحة العداد هههه لأنها إستعمال

وانا بعد معي ماركيز وافكر نفس التفكير  
طبعا للتغيير فقط

ابقول لكم السبب وهو ان السياره ممله سواقتها ويغلب عليها الطابع الهادئ ولا يوجد بها اكسسوارات وبنفس الوقت مايستطيع الشخص ان يغير من جمال السياره شي مثلاً مايقدر يظيف جناح / جنوط / الخ مثل باقي السيارات ف يفكر الشخص ببيعها لانه مل منها لكن نصيحه قبل لا تبيعها جرب تستأجر السياره اللي تبي تاخذها جرب سواقتها فلرربما تكون الماركيز افضل بمراااحل

اقول لكم هالكلام وانا محتار مثلكم هههه معي فكتوريا وابي ابيعها وابي ازود عليه وآخذ ماركيز 2011 او هونداي سنتافي او كيا سورينتو

جربت الكامري والاكورد والابيكا وكان لي رغبه فيهن لكن وجدت الماركيز اريح منهن

كان عندي قبلها 98 وغيرتها ب2008 وارتحت لها فتره لان الشكل تغير علي
بس اللحين ودي اغيرها بلون ثاني او سياره نوع ثانيه

هل فيه انواع ثانيه تنصحوني فيها

وش لك بوجع الراس ونقل ملكيه ورح دور وعربون وافحص وارجع وانقل
هذا اذا قلنا انك صملت ولا طلع فيها شي خلك بس على موترك

يعني رايكم اخليها عندي

انا معي ماركيز 2004 وكنت ابي اشتري 2010 ls بس فيه واحد نصحني ماخذ فل كامل كمبيوتر ولمس المكيف والعدادات رقميه راح تتعبك قالي خليك على 2004 gs ورهمها تجديد ............ وبالفعل رهمتها جنوط 2010 ونجدت الكراسي جلد الماني من شركه 3m مع التلميع والتلبيس نايلون وركبت اسطبات + عدسات + شبك الصدام جديد )))) لذالك مانصحك اخوي تغير اذا مضايقك لون الاسود للكراسي سوي تنجيد من شركه 3m لون مميز وسوي تعديلات ماتكلفك 2000 او 3000

بما انك تبي تغير سيارتك فقط للتغيير وش الفائدة اذا السيارة ماشية معك وزي العسل ليش تغيرها 
انصحك تخلي سيارتك معك لاتجيك سيارة ثانية تتعبك 

وش سالفتكم ياراعين الفوردات هههههههههههههههههههه
 حتى انا بعد ابي اغير معاي جراند ماركيز 2008 

حتى انا معي ماركيز 99 خخخخخخخخخخخ

ههههههههههههههههههه   اجل يا اصحاب الفرود طفشتوا انا والله معاي ماركيز2006 وافكر ابيعه واخذ جمس سييرا    بس والله الماركيز عز ماتعرف غير بنزين و زيت