أضف سؤال أو موضوع جديد          

الرغبه في بيع السياره للتغيير هل من نصيحه

up 2 down 1
shuja1410 72
قبل 5 سنه و 5 شهر



عندي رغبه في بيع السياره وهي من نوع قراند ماركيز امريكي من داخل اسود ومن الخارج سمني من اجل التغيير هل من نصيحه ؟

ميزت السياره خدومه
ولله الحمد خدمتني اكثر من سنتين ولا غيرت فيها الا الفحمات والكفرات
لكن ودي اغيرها بسعودي داخليه بيج وموديل احدث تكون الازرار سحب ماهو ضغط
لانها 2008 ومن 2009 تغيرتصميم الازرار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياشيخ خلك على فورك وانت ادرى بسيارتك من خرابات وتصليحات 

المثل يقول (  خلك على قردك ولا يجيك اقرد منه  )


up 3 down 2
مكاوي يامكاوي -140
قبل 5 سنه و 5 شهر



ؤانا بعد زيك وعندي ماركيز أفكر أبيعه واشترئ لي موتر ثاني 
لـ تغير 


up 1 down 3
a.h.y 1121
قبل 5 سنه و 5 شهر



انا انسان ما احب التغيير واحب اني اخذ السيارة على انها رفيقة لي اعرفها واتعلم منها وادرسها واعيش عشرة العمر فيها 
لو احببت التغيير اخذ موتر ثانوي ان كان فيه امكانية 
انا انصحك تخليك على موترك ان كان زين ويجمل ولو خربان بعه وخذ زين ولو مثله احسن لانك خابز السيارة زين


up 3 down 0
edgam 611
قبل 5 سنه و 5 شهر



ماشاء الله خويي ايضا أشترى ماركيز من الداخل جلد بيج ومن الخارج سمني يقولي السيارة ماتعرف غيرعبي بنزين وغير وزيت وماتشتكي بس شئ واحد ماعجبني فيها بكل صراحة العداد هههه لأنها إستعمال


up 1 down 2
المستلج 1234 747
قبل 5 سنه و 5 شهر



وانا بعد معي ماركيز وافكر نفس التفكير  
طبعا للتغيير فقط


up 0 down 3
أأبو نوااف 1636
قبل 5 سنه و 5 شهر



ابقول لكم السبب وهو ان السياره ممله سواقتها ويغلب عليها الطابع الهادئ ولا يوجد بها اكسسوارات وبنفس الوقت مايستطيع الشخص ان يغير من جمال السياره شي مثلاً مايقدر يظيف جناح / جنوط / الخ مثل باقي السيارات ف يفكر الشخص ببيعها لانه مل منها لكن نصيحه قبل لا تبيعها جرب تستأجر السياره اللي تبي تاخذها جرب سواقتها فلرربما تكون الماركيز افضل بمراااحل


up 3 down 0
شكلين مابحكي 3148
قبل 5 سنه و 5 شهر



اقول لكم هالكلام وانا محتار مثلكم هههه معي فكتوريا وابي ابيعها وابي ازود عليه وآخذ ماركيز 2011 او هونداي سنتافي او كيا سورينتو


up 1 down 0
شكلين مابحكي 3148
قبل 5 سنه و 5 شهر



جربت الكامري والاكورد والابيكا وكان لي رغبه فيهن لكن وجدت الماركيز اريح منهن


up 0 down 2
shuja1410 72
قبل 5 سنه و 5 شهر



كان عندي قبلها 98 وغيرتها ب2008 وارتحت لها فتره لان الشكل تغير علي
بس اللحين ودي اغيرها بلون ثاني او سياره نوع ثانيه


up 0 down 1
shuja1410 72
قبل 5 سنه و 5 شهر



هل فيه انواع ثانيه تنصحوني فيها


up 0 down 1
shuja1410 72
قبل 5 سنه و 5 شهر



وش لك بوجع الراس ونقل ملكيه ورح دور وعربون وافحص وارجع وانقل
هذا اذا قلنا انك صملت ولا طلع فيها شي خلك بس على موترك



up 1 down 0
ما بنكسر صابر 2690
قبل 5 سنه و 5 شهر



يعني رايكم اخليها عندي


up 0 down 1
shuja1410 72
قبل 5 سنه و 5 شهر



انا معي ماركيز 2004 وكنت ابي اشتري 2010 ls بس فيه واحد نصحني ماخذ فل كامل كمبيوتر ولمس المكيف والعدادات رقميه راح تتعبك قالي خليك على 2004 gs ورهمها تجديد ............ وبالفعل رهمتها جنوط 2010 ونجدت الكراسي جلد الماني من شركه 3m مع التلميع والتلبيس نايلون وركبت اسطبات + عدسات + شبك الصدام جديد )))) لذالك مانصحك اخوي تغير اذا مضايقك لون الاسود للكراسي سوي تنجيد من شركه 3m لون مميز وسوي تعديلات ماتكلفك 2000 او 3000


up 1 down 1
majid511 70
قبل 5 سنه و 5 شهر



بما انك تبي تغير سيارتك فقط للتغيير وش الفائدة اذا السيارة ماشية معك وزي العسل ليش تغيرها 
انصحك تخلي سيارتك معك لاتجيك سيارة ثانية تتعبك 


up 1 down 0
hamad2008 1554
قبل 5 سنه و 5 شهر



وش سالفتكم ياراعين الفوردات هههههههههههههههههههه
 حتى انا بعد ابي اغير معاي جراند ماركيز 2008 


up 0 down 0
عبد الناصر 1770
قبل 5 سنه و 5 شهر



حتى انا معي ماركيز 99 خخخخخخخخخخخ


up 0 down 0
برينسيزو 542
قبل 5 سنه و 5 شهر



ههههههههههههههههههه   اجل يا اصحاب الفرود طفشتوا انا والله معاي ماركيز2006 وافكر ابيعه واخذ جمس سييرا    بس والله الماركيز عز ماتعرف غير بنزين و زيت


up 0 down 1
xابوهلالx 26
قبل 5 سنه و 5 شهر