الاكسبيدشن عام 2014

اللي فهمته من كلامك انك تنصح اللي ناوي يشتريه يصبر لين 2014
جزاك الله خير

مشكور كل سياره لها رغاب 
لكن كلامك صحيح 

اﻻكسبديشن بيرتفع سعره وﻻيغرك تراها اطنخ من التاهو واليوكن الي محتلين سمعه بس فورد شركه امريكيه عريقه والكل يشهد والتاريخ يثبت 

موديلات 2007 وتحت كلها طارت اسعارها 2007 النظيف يباع اللحين بسعره أصفار 145000 وفيه موضوع قبل سنه ونص بحراج واحد شاري لاند بنك البلاد 2007 أصفار بـ 205آلف

هذي فوتو شوب انا قد خشيت موقع مدري وش هو لقيت الصورههذي مكتوب تحت بيانات المعدل

سيارات فورد العائلية 

الاكسبدشن 
والاكسبلورر الشكل الاول ( 2007 - 2010 )

في الرياض ما ادخل شارع الا واشوفها اكثر سيارة تمشي فيه 
والسبب ان سعر الاكسبدشن خلال السنتين الاخيرة يخلي الواحد يطمع فيه 

الفرق بينه وبين اليوكن حول الـ 30 ألف
وبينه وبين التاهو حول الـ 20 ألف واكثر
وبينه وبين الجكسار حول الـ 50 ألف

كلها عوامل خلت الاكسبدشن ينال شعبية كبيرة 
بالاضافة إلى انه عملي قطع غياره أرخص من منافسينه

قارن قطع غيار الاكسبدشن مع منافسينه من
جي ام
والتويوتا 
والنيسان 
والدودج

والاكسبدشن الان صار ماسك سعره في السوق 
وينافس اليوكن بالرغبه 

مشكور عالخبر .بس ما تلاحظون ان فيه شبه من اكسكيرجن موديل  2002.

هـذا اسممه f150 فئة لمتد مكبرين وجهـيته ومع بعض التعديلات لتحويله من بك آب الى سيارة عائلية

يصلح للجلوف هالموتر

ياحبيبي اكسبدشن مايقدر يسنافس الكبار علشان كذا نزلو سعره وهو اصلا غير مرغوب في امريكا زي التاهو واليوكن واسكاليد وهذ فوتوشوب فورد الجاهلة

ااحد الزملاء معه هالموتر جديد
وركبت معه في أحد الايام وهو شاري الموتر وكالة
فأسمع صوت طقة بالقير
سئلته قلت صوت موب طبيعي قال لا عادي يقولون الوكالة ما يضره
قلت والله لاقينك باللفه ولا هالصوت موب طبيعي
لكن الله يعوض عليه
والله على ما أقول شهيد

الصووورة مفبركة فوتوشوب !! هاذي فقط واجه الحوض سوبر ديوتي (super duty)  لا يضحكون عاليكم 

فوتوشوب الوجه لـ f150 والخلفية بعد 

ما تلاحضون اامسافه بين الكفرات بعيده

ما اتوقع ان هاذا شكلة لانه ما اعتمدوه روحوح موقع شركة فورد الامريكية و تشوفون لان هاذا نقل جماعي وليس اكسبدشن

من الاخر الاكسبدشن سياره ويشهد عليه كل الشركات صراحه غطت على اليوكن والتاهو انا مجرب اليوكن وبعته وجربت بعدها الفورد صراحه في الخطوط وقطع الغيار والاستهلاك ريحتني جدا الاكسبدشن وان شاء الله اذا ناوي ابيعها بعتها وجبت حق السنه غير فورد ماراح اغير مع العلم اني استخدمت اليوكن من عام ال 2000 الى 2008 والان من الاكسبدشن من عام 2008 حتا الان 2013 صراحه مووووووووووووترررر

معايه اكسبدشن 2006 بيدي من الوكاله الى الان معي ولا يشتكي من أي شى الاكسبدشن ما في مثيل له