ضروري ياشباب لاهنتم بخصوص الفورد ...
1
1
إضغط هنا للإخفاء
السلام عليكم ورحمة الله وبركاته :
أخواني أعضاء وزوار منتدى { حراج } كيف حالكم .. ؟ .. ؟ عساكم بخير وبصحه وسلامه .. ؟ .. ؟
ياشباب أمس قلت خلني أنظف بوابة الثروتل حق الفورد وأغلبكم يعرفها لان عندي تفتفه خفيفه وقلت بالمره يتنظف معها منظم الهوا ..
المهم كان معي بخاخ اي سي ديلكو وفكيت الهوايه ونظفتها وخليت خوويي يدع ع البنزين عشان البخاخ يدخل جوووه ..
وبعد ماخلصت أشغل السياره وكويسه .. المهم مشيت شوي إلا والسياره شاده حيلها تمشي من نفسها وأرجع أوقف وصوت الماكينه عالي .. رجعت فكيت الكبوت نزلت من ضغط الهوا ومافي فايده صوتها عالي ..
قلت خلني أوقف السياره يمكن بكره تهدا ..
واليوم أشغل السياره نفس المشكله صوتها عالي .. ولما أدعس ع البنزين احس الصوت يعلق ويرجع يهدأ ..
فما أدري وش المشكله ياليت يفيدونا الأخوان .. جراند ماركيز ..
إبلاغ
الردود
2
0
1
0
2
1
جرب تفصل الفيش حق المنظم الهواء والسيارة شغاله وشوف الموتر اذا خف الصوت الله يعينك تفك المنظم وتنظفة ثاني مرة وتنشفة من اي بنشري بالهواء وتركبه ثاني مرة بس لازم تفصل اصبع البطارية
1
0
فعلا فكيت منظم الهوا ونظفته بالهوا عند البنشري وربكته وصارت السياره تمام ..
مشكورين ..
0
0
عندي مشكله تعليق في المكينه عند اتشغل ومريت مكانيكي قال المنظم يبي تنظيف نظفه وضبط الموتر بس صارفيه الاشيا ء التاليه:
1)تاخر dلاn
2)اذا هديت ورجعت لدعسه بي 1/2تقطع كان السيارة طفت ثم مشت عادي مع احيان يطلع صوت المكينه فاضي
3) تبديل القير 100%
اللي عنده خبره يرد تكفون
0
0
وعليكم السلآم ورحمة الله وبركاته ..
يوم نظفت منظم الهواء كنت فاصل البطارية ولآ شآبكها ؟!!
على العمومــ .. إفصل البطارية وإن شاء الله ترجع زي أول ..
المشكلة أن يوصى أنك تفصل البطارية قبل ما تنظف المنظم أو تغييره حتى ما تحصل لك مشآكل ببرمجة الوكالة .. وبعضهم يقول لآزم إذا صآرت لك مشآكل تروح الوكالة ويبرمجون السياره من جديد ..
بس أنت جرب تفصل البطارية لمدة لآ بأس فيها .. وشوف وش يصير معك ..
الله ييسر أمرك .. ويسهل دربك .. قل آمين !
قبل 12 سنه