أضف سؤال أو موضوع جديد          

يالذيبان افكر اشتري موتر ومحتاج شوية نصائح

up 3 down 0
musclefreak 355
قبل 5 سنه و 8 شهر



بسم الله الرحمن الرحيم اعضاء ومشرفين منتدى حرآج..السلام عليكم ورحمة الله وبركاته صبحكم الله جميعا بالخير المهم..زي ماقريتو في العنوان انا بأذن الله مقبل على شراء سيارة...شفت سيارة عجبتني وكلمت راعيها بشكل عام الموتر على كلام راعيه مايشكي من شي ماعدى شيئين الاول..قالي اذا بتاخذ الموتر يبيلك ترشه كامل عشان فيه كم حكة وبهتان وان مرتبة السواق متشققة الشي الثاني وهو المهم...ان عداد السيارة موقف..يعني ممشاها غير معروف <<< ادري هذا الشي يخوف عالعموم انا قلتله ان شاء الله بشوف الموتر الويكيند الجاي طبعا في حال ان الموتر عجبني ان شاء الله بفحص كمبيوتر...مستحيل اخذ اي شي بدون فحص لكن قبل كل شي حبيت استشيركم بما انكم خبرة ماشاء الله....هل في طريقة معينة اعرف فيها ممشى الموتر؟؟ طبعا الموديل اللي ابيه اغلبه يوقف العداد يعني مو شي جديد ثاني شي...لما اشوف الموتر ان شاء الله... في اشياء معينة اركز فيها وانا اجرب الموتر؟ لان بصراحة ماعندي ذيك الخبرة علما ان الموتر فورد 97 وبصراحة في اثنين من الشباب خوفوني منه...سيارة عمرها 16 سنة ومشاكل والفورد يهرب زيوت ومن ذا الكلام... ايش رايكم فهالكلام؟؟ تكفون ساعدوني وتعرفون "من استشارك دخل في ذمتك" الله يعطيكم العافية واحد تلو الآخر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هو قاللي الايرباقات سليمة وانه من يومين غير الركب والمقص وغير زيوت الموتر وان حرارته ماتزيد عن النص

الشي الوحيد المخوفني هو الممشى..يعني حتى لو الموتر نظيف بس لو ممشاه كثير بيكون مستهلك ومو زي صفاوة الممشى القليل



up 1 down 0
musclefreak 355
قبل 5 سنه و 8 شهر



أنا عن نفسي ما أنصحك فيها

لو أنا بمكانك ما راح أخذ سياره عدادها مفصول أو موقف , يفصل العداد ويكد عليها خطوط ولا تدري كم ماشي بالضبط

المحركات تتآكل من الممشى العالي جدا , وهذا شيء طبيعي

يعني فيه فرق بين سياره ماشيه 150 وسياره ثانيه ماشيه 300 ألف


يا اخي اللي يوقفون العداد يقهرون ويرفعون الضغط , هذا يعتبر غش وتدليس واحتيال
والله ما يبارك بالمال الحرام

انا لو تمشي سيارتي مليون مستحيل أفصل العداد , واذا جيت ابيعها ان شاء الله بيبارك بمالي لأني اخلصت النيه لله

عشان كذا انا غسلت يدي من المستعمل , ولو أبي اشتري سياره مستعمله باخذها من واحد اعرف كل صغيره وكبيره عن سيارته واذا جاها حوادث أو لا .. مثل أخوك

ولا تنسى الفحص




up 6 down 1
speed for ever 3665
قبل 5 سنه و 8 شهر



كم ميزانيتك ؟




up 1 down 0
speed for ever 3665
قبل 5 سنه و 8 شهر



اخ speed عشان مااظلم احد الموديل هذا معروف ان العداد يوقف يعني مو هو الي فصله

وبالنسبة للميزانية تقدر تقول في العشرينات


up 0 down 0
musclefreak 355
قبل 5 سنه و 8 شهر



musclefreak

معليش والله توي أدري ان العداد يوقف من نفسه < ما عندي خبره بالفورد
طيب وش سبب توقف العداد ؟؟

الفورد انقطعت يعني اذا تحب الفورد خذها وجددّها و حافظ عليها

لأن ممكن أسعارها ترتفع وممكن لا


up 2 down 0
speed for ever 3665
قبل 5 سنه و 8 شهر



والله سبب توقف العداد مادري عنه والله بس اللي اعرفه انه منتشر بالفورد القديم وبالذات الموستنج

انا لسى ماشفت الموتر عن قرب واتوقع ان بيبين عليه اذا هو نظيف ولا مكروف

واذا صار وعجبني اكيد راح افحص


up 0 down 0
musclefreak 355
قبل 5 سنه و 8 شهر



شف حبيبي 

انا استخدمت فورد كراون فكتوريا ٩٦
وماركيز ٩٧
الفكتوريا ااخذ معي سنه وسلمته للسواق

الماركيز اخذ تحت رجلي مايقارب ست سنوات 
استعملته وانا طالب بالجامعة 
وشاريه في صدمه بسيطه بالوجه خارجيه فقط وطالعه ايرباقاته ١٦٩٠٠ مانساها ليومك
المهم خلال فترة استخدامي كان يطق الزيت في بطنه سته شهور سبعه شهور
المهم اني اسحب ولا اغيره لين اشوفه مثل المربى خخخخخخ

الزبده غيرت الاقمشه كذا مره. وكنت اشتريها ب ٦٠ ريال

وغيرت دينمو وباخر سنه استخدام ٣٥٠ ريال نوعيه وسط تمشية حال

ثم توظفت واكرمني االله ولا جحدت عشرته

سحبت مبلغ وقدر ١١ الف وقمت بعمل الاتي
١/ توضيب كامل للمكينه بالاظافه اصلاحات متنوعه كويل خربان علبة دركسون ليات تعبانه
٢/تغيير عدت المكيف بالكامل كمبريسور ثلاجه بلف ليات مع تنظيف مع تركيب الاغراض مع شغل يد
٣/تغيير زيت قير والفلتر وكذلك الصوف
٤/ تغيير هوبات واقمشه كامل مع تغيير الانوار الاماميه بالكامل
٥/ تغيير عكس خلفي ايمن مع خرط مدخل العكس بجرم الدفرنس
٦/ تركيب اربع كفرات مع وزن وتغييرات بعض القطع الخفيفه ذراع وملحقاتها
٧/ تضبيط التماس بالظفيره من قبعه قبعتها مع تشششيك كامل ع الانوار

والان له سنتين شغال على سنقه عشره لو تبي خرخير دق سلف وتلحف بطانيه
ومع السواق بعد
------------------------
كل هذا بالمبلغ المذكور وعلى قولتهم حد اعلى هالمبلغ

اللي عليك اللحين وابيييك تركز فيه
١/ اللون الخارجي والداخلي المرغوبه
ابتعد من الداخليه الخضراء والزرقاء
٢/ تماسك الموتر اهم شي تماسك الموتر لايكون الديكورات الداخليه متهربد ومتكسسسسره
٣/ وقفة الموتر اذا كان شاد حيله وراكز يكون ممتاز
٤/ فحص المكينه والقير والدفرنس
----------------- اعتقد هذي امور اساسيه

غير كذا سعر لايتجاوز ١٠ الاف الى ١٢ الف بالكثير
في حاله سلامه المكينه والقير والدفرنس
وتماسك ديكوراته ووقفته

بخصوص البويه ٤ الاف ريال رشه محترمه بس انتبه كل يوم. لازم تكون بالورشه وتشغله
عشان. ماتنشف جلد البلوف



القديم متعب نوعا ما بلصيانه لكن الامريكي سيارات تقبل التجديد والترقيع ومن المواتر المعمره
في حال سلامه الظفيره والداخليه وكذلك وزنيات المقصات مع لشاص 

وبالتوفيق

 



up 3 down 0
مدرس عاطل 28
قبل 5 سنه و 8 شهر



لك رسالة ع الخاص


up 1 down 0
ابو راكان تبوك 955
قبل 5 سنه و 8 شهر



انا احس اني سويت حوسة هنا لاني نسيت اذكر نوع السيارة

الموتر موستنج ياجماعة الخير

اعذروني نسيت


up 0 down 0
musclefreak 355
قبل 5 سنه و 8 شهر



بدري ي الطيب ^__^


up 2 down 0
ابو نمر07 476
قبل 5 سنه و 8 شهر



والله داري... يوم شفت الموضوع مرة ثانية وشفت الردود حسيت اني مخبص..

اعذروني اليوم سبت والفهاوة شغالة

بس تكفون اللي يعرف شي لايبخل على اخوكم


up 0 down 0
musclefreak 355
قبل 5 سنه و 8 شهر



اتوكل على الله وخذها ما عليك من الاشاعات 


up 0 down 0
abo3tb 511 1734
قبل 5 سنه و 8 شهر



موديلها قديم ممكن تصير تنام بالورش


up 0 down 1
00700 536
قبل 5 سنه و 8 شهر