عندي صوت في الدفرنس و ابا اعرف السبب

اذا كان مع الدعسه يبان الصوت ولما ترفع رجلك يختفي هذي الكورونه
بس انت تقول يختفي الصوت لما تدعس 
 عموما شيك على الرمانات والعكوس وتهريب زيت الدفرنس اذا كل شي تمام شيك ع لى الصلبان 

صباح الخير ... لازم تمر على ميكانيكي ويجرب الموتر ويعرف بعدين الخلل .

وللمعلومة .. عندك 3 أشياء تسبب صوت في الدفرنس وهي :

1 - الكرونة .. وهي أكبر ترس موجود وسط الدفرنس من الداخل اذا تأكلت السنون يسبب صوت .. واذا طلع منها أنصحك

تأخذ من التشاليح دفرنس كامل وتدور على النظيف ولو كان من موديلات 2002 وفوق .. لأن اذا غيرت الكرونة لحالها ماراح

تستفيذ شي خسارة على الفاضي ... هذا احتمال .

2 - رمانات العكوس الي ماسكة عكوس الكفرات الخلفية تجي في الجنبين اذا خربت تطلع صوت مستمر وعالي ... هذا احتمال .

3 - اذا تغير زيت الدفرنس الاصلي بزيت تجاري .. الزيت الغير أصلي مثل حق الوكالة يخلي الدفرنس حار ويطلع صوت .. هذا احتمال

أظن غير كذا مافيه وزي ماعلمتك رح لميكانيكي وبيعطيك العلم الأكيد .

قبل تغير الدفرنس أو الكارونه

أفتح كتالوج سيارتك وأبحث عن أي كلام بخصوص زيت الدفرنس
بتلقى النوع المناسب والمواصفات المناسبه واللزوجه المناسبه , اكتبها بورقه خارجيه

ثم رح للوكاله وخذ منهم الزيت وشيء ثاني بعض الناس يسمونه دواء دفرنس Friction Modifier ( بس ما ادري اذا ينفع لكل الدفرنسات أو لا .. بتلقى بكتالوج سيارتك اذا تحتاج Friction Modifier او لا )

واذا مالقيت زيت مناسب عند الوكاله , بتلقى ان شاء الله عند بترومين أو فوكس .. عندهم زيوت انواع واشكال وبمواصفات ولزوجه مختلفه

المهم فرّغ الدفرنس من الزيت واحتفظ بالزيت القديم .. بجيك أو علبه مناسبه ( للاحتياط .. اذا ما ضبط معك الزيت الجديد .. ترجع الزيت القديم )

وعب زيت جديد بنوع مناسب و مواصفات مناسبه و لزوجه مناسبه .. الدفرنس له فتحة لتعبئة الزيت وفتحة لتفريغ الزيت

اذا فتحت صرة التعبئة وعبيت زيت , اصبر ألين يفيض ( يطلع ) الزيت الزائد

لأن معروف الزيت اذا كان زائد , ممكن يسبب تهريب ويعدم أشياء كثيره

والزيت اذا كان ناقص جدا , يسبب تآكل


يعني قبل تغير الدفرنس أو الكارونه , حاول تصلحه بأشياء بسيطه ورخيصه .. يمكن الزيت المستخدم حاليا بدفرنس سيارتك غير مناسب , يمكن عندك تهريب وناقص زيت الدفرنس , ويمكن ويمكن

يعني لا تستعجل بالتغيير وتخسر مبلغ كبير

Friction Modifier = مُعَدّل الإحتكاك

يعني يعدل الإحتكاك


Modifier = معدل - مغير
Friction = الإحتكاك

شيك على كرسي القير

مشكورين  جميع الاخوة و ان شاء الله امر على الميكانيكي بكرة و اشوف وش المشكلة

بس انا سألتكم اول لان الميكانيكيين نصابين الا من رحم ربي و ممكن يكون الخراب شيء بسيط و يطلع عندي خرابات الدنيا كلها