أضف سؤال أو موضوع جديد          

عندي صوت في الدفرنس و ابا اعرف السبب

up 1 down 0
sal.11 185
قبل 8 سنه و 9 شهر



السلام عليكم و رحمة الله و بركاته 

اسعد الله اوقاتكم بكل خير 

انا معي ماركيز 98 و فيه صوت خفيف يطلع من تحت الموتر لما ارفع رجلي من دواسة البنزين 
و انا امشي بسرعة من 60 كم/س و طالع اما اذا دست بنزين يختفي الصوت
ممكن اعرف السبب ؟
و الصراحة انا ما كنت مهتم لها الصوت اول ( كنت احسبه صوت الهواء )
لين ما ركب معي اثنين من اخوياي و قالوا لي ان هذا الصوت من الدفرنس 

فياليت اللي عنده خبره بها الموضوع يفيدني و يقول لي وش الخراب و كيف ممكن اصلحه 

و تقبلوا تحياتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا كان مع الدعسه يبان الصوت ولما ترفع رجلك يختفي هذي الكورونه
بس انت تقول يختفي الصوت لما تدعس 
 عموما شيك على الرمانات والعكوس وتهريب زيت الدفرنس اذا كل شي تمام شيك ع لى الصلبان 


up 3 down 0
موووت احبك 1625
قبل 8 سنه و 9 شهر



صباح الخير ... لازم تمر على ميكانيكي ويجرب الموتر ويعرف بعدين الخلل .

وللمعلومة .. عندك 3 أشياء تسبب صوت في الدفرنس وهي :

1 - الكرونة .. وهي أكبر ترس موجود وسط الدفرنس من الداخل اذا تأكلت السنون يسبب صوت .. واذا طلع منها أنصحك

تأخذ من التشاليح دفرنس كامل وتدور على النظيف ولو كان من موديلات 2002 وفوق .. لأن اذا غيرت الكرونة لحالها ماراح

تستفيذ شي خسارة على الفاضي ... هذا احتمال .

2 - رمانات العكوس الي ماسكة عكوس الكفرات الخلفية تجي في الجنبين اذا خربت تطلع صوت مستمر وعالي ... هذا احتمال .

3 - اذا تغير زيت الدفرنس الاصلي بزيت تجاري .. الزيت الغير أصلي مثل حق الوكالة يخلي الدفرنس حار ويطلع صوت .. هذا احتمال

أظن غير كذا مافيه وزي ماعلمتك رح لميكانيكي وبيعطيك العلم الأكيد .




up 5 down 0
مستر بن . 10377
قبل 8 سنه و 9 شهر



قبل تغير الدفرنس أو الكارونه

أفتح كتالوج سيارتك وأبحث عن أي كلام بخصوص زيت الدفرنس
بتلقى النوع المناسب والمواصفات المناسبه واللزوجه المناسبه , اكتبها بورقه خارجيه

ثم رح للوكاله وخذ منهم الزيت وشيء ثاني بعض الناس يسمونه دواء دفرنس Friction Modifier ( بس ما ادري اذا ينفع لكل الدفرنسات أو لا .. بتلقى بكتالوج سيارتك اذا تحتاج Friction Modifier او لا )

واذا مالقيت زيت مناسب عند الوكاله , بتلقى ان شاء الله عند بترومين أو فوكس .. عندهم زيوت انواع واشكال وبمواصفات ولزوجه مختلفه

المهم فرّغ الدفرنس من الزيت واحتفظ بالزيت القديم .. بجيك أو علبه مناسبه ( للاحتياط .. اذا ما ضبط معك الزيت الجديد .. ترجع الزيت القديم )

وعب زيت جديد بنوع مناسب و مواصفات مناسبه و لزوجه مناسبه .. الدفرنس له فتحة لتعبئة الزيت وفتحة لتفريغ الزيت

اذا فتحت صرة التعبئة وعبيت زيت , اصبر ألين يفيض ( يطلع ) الزيت الزائد

لأن معروف الزيت اذا كان زائد , ممكن يسبب تهريب ويعدم أشياء كثيره

والزيت اذا كان ناقص جدا , يسبب تآكل


يعني قبل تغير الدفرنس أو الكارونه , حاول تصلحه بأشياء بسيطه ورخيصه .. يمكن الزيت المستخدم حاليا بدفرنس سيارتك غير مناسب , يمكن عندك تهريب وناقص زيت الدفرنس , ويمكن ويمكن

يعني لا تستعجل بالتغيير وتخسر مبلغ كبير



up 2 down 0
speed for ever 3708
قبل 8 سنه و 9 شهر



Friction Modifier = مُعَدّل الإحتكاك

يعني يعدل الإحتكاك


Modifier = معدل - مغير
Friction = الإحتكاك




up 1 down 0
speed for ever 3708
قبل 8 سنه و 9 شهر



شيك على كرسي القير


up 1 down 0
ابوحمد00 7
قبل 8 سنه و 9 شهر



مشكورين  جميع الاخوة و ان شاء الله امر على الميكانيكي بكرة و اشوف وش المشكلة

بس انا سألتكم اول لان الميكانيكيين نصابين الا من رحم ربي و ممكن يكون الخراب شيء بسيط و يطلع عندي خرابات الدنيا كلها


up 0 down 0
sal.11 185
قبل 8 سنه و 9 شهر