نصيحتكم لي بالفورد الاكسبلور

وعليكم السلام
الجيب ممتاز لكن في نقطه مهمه لازم اقولها انتبه من القير لانه دايم يخرب
لكن افحصه واجرب التغيراات..واذا كلها سليمه توكل على الله 

تحياتي

هلا اخوي

توكل ع الله لو فيه مشاكل كان ما شفته مالي الشوارع
وانا استخدمت ٢٠٠٦ و ٢٠٠٨ كلهم ممتازين

وفالك طيب

اخوي توه موظب قير 2004 عند قيركو بالصناعية القديمة 8500 مغيرين كل القطع فقط الجرم باقي ويقولون شغل يدهم 1200 ريال وما ادري عن صدقهم السواريا

افحص نضيف حلو واعطاله قليله اهم شي نضيف 

مشكوريين .. طيب على كم سعره ؟ وهل دبله ممتازه ؟

المشكلة في القير كانت في موديلات ٢٠٠٥ وتحت 
وانتهت في ٢٠٠٦ 
انا مجربه شخصيا ٢٠٠٦ بطاقه جمركية امريكي 
الصراحه اكثر سيارة ندمت اني بعتها راحه ماكنه جيب ورساوة وتكييف بس دور النظييف 
وبعطيك ملاحظة بسيطة 
اذا حبيت تاخذه بدبل فتراه يطلع صوت طقه لمن تنقله من ال D الى R 
وهذا طبيعي جدا 
بالتوفيق 

أسعاره تختلف حسب المواصفات 
يعني اذا كان ثلاث مراتب راح يكون فيه تكييف خلفي للصف الثاني والثالث وهذا سعره اعلى من ابو مرتبتين 
واذا كان دبل بيزيد وهكذا حسب المواصفات 
ولكن اتوقع والعلم عند الله انه اسعاره تبدأ من ٤٥ وانت طالع حسب المواصفات والممشى 

اللي كان عندي موديله ٢٠٠٦ وثلاث مراتب ودبل اخذته ب ٥٥ الف 
وبعته بعد سنه ب ٥٦٥٠٠
هذا الكلام قبل سنتين 

 

ابو عبدالله يعني قير الاكسبلور 2007 و2008 ممتاز ولا فيه عيوب ؟ ووشي العيوب اللي ممكن تصادفني ؟

الموديلات من ٢٠٠٥ وتحت كان فيها عيب في القير والدفرنس لكن انحلت المشكلة من موديل ٢٠٠٦ وطالع 
انت بالنسبة لي اللي كان معي ٢٠٠٦ ولاشفت فيه عيب سوى انه ثقيل في القومه فقط ومن بعد ٨٠ تحس السيارة تصبح اخف دعستها 
واعتقد ان هذا بسبب الدبل يفصل بعد ال٨٠ 
عموما انت اذا نويت تشري جرب السيارة اول وامش فيها لحد سرعة ١٠٠ 
وبعدها افحص وشاور نفسك 
واسأل الله سبحانه أن يسهل لك مافيه خير ويصرف عنك كل شر 

الله يجزاك خير يابو عبدالله ,, وابدعيلك ان شاء الله