أضف سؤال أو موضوع جديد          

ذكريات تعلم السواقه........شاركنا

up 15 down 1
زيد الجهني 205
قبل 8 سنه و 7 شهر



السلام عليكم كيف حالكم عساكم طيبين 
راح اخش بالموضوع بسرعه الا وهو ذكريات تعلم السواقه اكيد اغلبكو مانسوها والسبب معروف ههههههههههه
ابدا في نفسي وتشرفني مشاركتكم 
قصتي قديمه اخبر الوالد الله يحفظه يوم دخل ونداني قالي يازيد هيا علشان اعلمك السواقه اخبر النظره على وجيه
اخواني كانت نظرة رعب مع ضحك وانا كنت ماعمري سقت الا مره وحده مع واحد من اخواني وصدمتلي حمار 
الله يكرمكو طبعا فالديره 
المهم قالي ابوي اركب السياره كانت هايلوكس 88 كانت ملكه اول وشغلت السياره 
قلي ابوي اضغط كلتش اخر شي وعشق بالاول وارفع رجلك شوي ودوس بنزين 
وانا مدري احسب الشغله سهله وعشقت ويوم جيت ابي ارفع رجلي السياره تحركت وارتبشت وارفع رجلي مره وحده
وطفت السياره وجيت ابي افضي واشغل مادريت الا الوالد مصعني بهذاك الكف وشفت النجوم القايله من جد
ومن بعدها وانا طاره  ههههههههههههههههه
شاركونا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نفس طريقة يازيد بس انا اول ماتعلمت السواقه في الرياض قبل 17سنة في حي الدار بيضاء كان مخطط
تعلمت على كرسيدا بوكس 92 كنت اشوف الويل اذا ماعرفت اسوق كنت استنى متى ياذن
المغرب عشان نرجع البيت


up 4 down 0
خالد2001 922
قبل 8 سنه و 7 شهر



هههههههههههه موضوعك شيق ولك لايك
المهم مالكم ومال الطويلة كنت انا والوالد الله يحفظه وأخوي على سيارة 85 غمارة وردة وقتها المهم الوالد وقف على جنب وقالي سوق طبعا عمري وقتها تقريبا 10 سنوات وهذي اول مرة اسوق المهم كنا بصحراء وأركب واعشق السيارة بالاول وارفع عن الكلتش ويوم مشت السيارة وانا اجلس الف يمين ويسار تقول محشش ههههههه
المهم جيت بين شجرتين كل وحدة تقريبا 10 متر عن السيارة من يمين ويسار وأنا ادعس على الفرامل بكل قوتي من الخوف وأخوي ماله عن مراية النص ويكسرها وأنا وابوي الحمد لله سلمنا تحياتي



up 4 down 0
أأبو نوااف 1641
قبل 8 سنه و 7 شهر



خخخخخخخخخخخ 

صراحه كل واحد له ذكرى بهالشي حتى لو ماتكلم تبقى في باله 

اما انا تلتطش تلطيش انواع المخمسات خخخخخخخخخ

تعلمت علىى الامريكي ونا صغير بالابتدائي ماعندي مشكله فيه
واشترى ابوي جيب ربع ٩٦ على ايامها

هذا الموتر لي تلطمت فيه  خخخخخخ سواقته للعليمي صعب

المهم كنا بنروح لواحد من الربع وشاف ابوي  رديمه او عقم او زبره باي لهجه خخخ
المهم قاسي وصلب 
قال وقف تحته  ووقفت قال طلع موتر ولا يقرص اخذنا نص ساعه وجهي تفقع والموتر ماطلع
خخخخخخ ياذاك الجيب مايداني الابنص يطييير بسرعه
وكل ماتذكرنا تعليم السواقه واخواني الصغار انواع الضحكوانا وابوي
بصراحه اول مره امسك عايدي ذاك اليوم وبساعه وحده معاد نسيته 

بالتوفيق


up 4 down 0
مدرس عاطل 4
قبل 8 سنه و 7 شهر



انا اذكر ابوي كان يعلمنا انا واخوي سوى يعطيني دورة ربع ساعه وانزل ويجي اخوي يسوق ربع ساعه وهكذا من العصر الى المغرب

وبعدها بفترة اخوي سحب على التعليم هههه وبقيت انا صامد في وجه المدفع ههههه لانه انا واخوي دايم نرفع ظغط الوالد

لانه جلسنا فترة طويلة وهو يعلم فينا.

ويا انه جانا تنتيف من الوالد   لين ما قلنا امين  واذاعصب علي نزلني وركب اخوي  والعكس اذا عصب على اخوي ينزله واجي اركب هه




up 3 down 0
العامري دوت كوم 2 455
قبل 8 سنه و 7 شهر



ويالله بس عوافي  


وفتلاة التعليم عدت على خير بدون حوداث او صدم  ولكن يوم شريت السيارة اليوم الثاني قبعت فيها  سبحان الله هههه 


up 0 down 0
العامري دوت كوم 2 455
قبل 8 سنه و 7 شهر



أنا أول ما تعلمت تعلمت على كابرس 96 LTZ 
صار لي موقف ما أنساه كنت أمشي وأنا فاهي 
وأمر في منعطف ولا ألف الدركسون وأصدم زباله
وأبوي يحشرني ويقول لي جنب خلني أسوق عنك


up 1 down 0



انا الحمدلله لا تلطشت ولا جاني شيء مثلكم ههههه انا علمني اخوي الكبير على تيرسل 97

تعلمت على طوووول من اول يوم لا طفت علي ولا نتعت الحمدلله من يوومي طاااره -_^

وبعدها صرت اطلع مشاوير قريبه البقاله الصيدليه الين تعلمت السواقه زين

والحين طاره ماغير تخييط بالسيارات الله يستر علينا ولك احلى لايك ي زيد


up 1 down 1
ali alfaqeeh 441 1119
قبل 8 سنه و 7 شهر



انا تعلمت في الجيش على سيارات الضباط   كنت كل يوم  اخذ  شووط   في السيارة ووشوط  عندهم  في البيت   هههههههه   
السوريين بيفهمو عليي :)
قررد  شوومت سوي   يا سيدي عم روضجلك المكينة  ههههههههههههههههههههههههه


up 1 down 1
abd_alrhmn 2352
قبل 8 سنه و 7 شهر



انا اول مره اتعلمت على كامري 94 
يوم كنا ماشين ماشي حول الميه وقال ابوي تجاوز هذا يحسب اني اعرف كيفف اتجاوز 
المهم مريت منن جنبي السياره وقال ارجع مسارك والف الدركسون زياده ما تشوف الا 
الوالد الله يحفظه يمسكك الدركسون هههههههههههههه
والله جاء كلامم اليمممممممممممم
ههههههههههههههههههههههههههههه


up 0 down 0
amahخf 344
قبل 8 سنه و 7 شهر



انا اذكر مئساتي كنت وانا اتعلم اروح للدورات مع اخوي الكبير وتطفى بي هههههههه وسط الدوار واقف قمة الدباشه 


up 0 down 0
دحيم٧٧٧ 2205
قبل 8 سنه و 7 شهر



تعلمت بمازدا بكس وكان سواقتي لك عليها وبعد شهر تقريبا من سواقتي حكيت راعي كابرس تسعاوي على ايامه والرجال نزل يبغى يصفقني ههه بس والله ما اثر بالكابرس وﻻ كاني حكيته والرجال معصب ههه الحمدالله انها جت على كذا ..


up 0 down 0
yazeed793 7884
قبل 8 سنه و 7 شهر



انا تعلمت قبل سنتين بجيب الوالد 97 ياهو عذبني كل شوي يطفي بس انا لما سقت كانت عندي خبره مروريه يعني كيف اللف وكذا واطالع باللي وراي .... بس تلعمت كيف اعشقه ويالله بدينا حبه حبه


up 1 down 0
م.بن عبدالله 2027
قبل 8 سنه و 7 شهر



هههههه انا ماحدا علمني بس اسرق السيارة كانت وانيت مازدا تعلمت فيها العادي 
بذكر مرة رضي الوالد يعطيني السيارة بعرفات فلفيت الطارة علاخر وصرت لف بدوائر ويوم زودت الدعسه كانت رح تنقلب
هههههه وبعدها لومينا 99 وتشوف انواع الدرفتات 


up 0 down 0
أنس البلخي 79
قبل 7 سنه