هل اذا شريت سياره امريكيه اغير كفرات ؟

اذا هي نظيفه وفيها عمر لاتغيرها بس تأكد انها ماهي محبله من كثر الوقفه وشيك ع ضغط الهوا .

المفروض تغييرها لان تعرضة للوقفه وتعرض ةللرطبوه اثناء النقل البحري واذا منت براعي سرعه عادي تمشيك داخل المدينه لحد ماتخرب بس اذا راعي خطوط لازم تغيرها على العموم ترى فيه فوردات جديده عند توكيلات الجزيره سعوديه ليه ماتاخذلك واحد منها افضل واضمن !!!

موشرط ممكن تلاقيها نظيفة .. وبعدين شيك على الكفرات اذا شفت فيها مسحية أو تشققات في الكفر حزتها تقول خربان .

مرة شريت فورد ماركيز 2004 امريكي قبل مايتمنع الاستيراد المهم لقيت عليه طقم كفرات مع الاستبنة والله بشوكهم باقي

وكرفت الموتر سنة وبعتة ولاغيرت الكفرات وكنت راعي مشاوير كثير واغلبها طويلة والحمد لله ماصار شي ... موفق .

بخصوص الخطوط لا والله مانيب راعي خطوط طوويله بس اعتقد ان كفراتهم ماتتحمل الحراره مثل قودير الامريكي شقوووحي لب قلللبك وش سالفة الفروود اللي بالتوكيلات ؟ كم موديلاتها واسعارها لاهنت ضررووري

شكلين مابحكي لك رساله على الخاص

تأكد من نوع او فئة الكفر اذا يمشي بالاماكن الحارة او الاماكن الباردة ، ومثل ماقالو الاخوان لاتطلع خطوط طويلة احتياط ، مبرووووك والله يعطيك خيرها ويكيفك شرها ( حصنها)

اخذت فورد امريكي وشفت كفراته جدييده واستخسرت اغيرهن والان الحمدلله سنه عدت والامور طيبه + سفريات على سرعات متوسطه

اخوي pt2011 انا شريت ماركيز لخوي وكمل سنه الحين معاه تقريبا وكفراته امريكيه ويعلم الله انه شكلها يخوف واخوي مطنشها يقول انا ماني حق سرعه ويسافر كثير لكن مايسرع وسالكه معاه بس الواحد لازم يحرص خصوصا اصحاب الخطوط

لا

يعطيكمممم الف عاافيه جممميع والله لا يهيينكممم وبيض الله وجييهكممم تمم التقيييم

التغيير افضل لانها ممكن تكون في ولايات بارده ويكون تصنيف الكفرات مو مطابق لاجوائنا الحاره

ترا اغلب مواتر الصالات تصير مبطية واقفه 
بعضها تقعد شهر واكثر احيانا 

يعني حتى لو الكفر تاريخة جديد الوقفه تأثر فيه 
لكن تفحص الكفر 
اذا تاريخه جديد وخالي من التحبيل والمسوح لا تغيّر

وانتبه تروح للبناشر وتسألهم لأنه بيقول غيّر 100%
مب كلهم لكن اغلبهم للأسف يستغلون هالشي

على حسب استخدامك اذا بلد مشيها ولا تغير اذا انك تسافر خطوط غيرها وبيع الكفرات بالموقع تحصل ناس تشتري تجيب لك سعر حلو بدل ماترميها 
مقاس كفرات الفورد 235\55\17 افضل شي 
عندك ميشلان الفرنسي والامريكي افضل شي كلها نفس الجوده لكن الامريكي اقل بالسعر ولاتاخذ الا تاريخ 2012 انتبه من النقطه هاذي
وشوف تاريخ كفراتك ممكن توها جديده وممكن انها 2010
نقطه اخرا حبيت اذكرها الزيت استخدم 30-10 انتبه من الثقيل
والله يعطيك خير الموتر ويكفيك شره وشر الناس
عندك منتدا فورد العربيه اذا حبيت تستفسر عن اي شي  

اهلا

المشكله مو من الوقفه الطويلة

ان الكفر يكون مواصفاته للثلوج مثلا ولا يناسب اجواء السعودية

ادكر قبل 5 سنوات تقريبا اشتريت كامري 2000 وارد ارمريكا و يوم اشيك على السيارة في البنشري يمني مباشرة سألني سيارتك من امريكا قلت ايه قال لي الكفرات ما تصلح للسعوديه ولازم تغيرها

انا بالصراحه كذبته و قلت يمكن يريد ان اشتر من عنده جديد ويوم انا امشي و ادا هو ينفجر و يتقطع لقطع صغيره و بعده الثاني نفس الشي

غيرت الكفرات و سلامتكم