أضف سؤال أو موضوع جديد          

ياخوان ارجوا الدخول ضروري بخصوص الفورد

up 12 down 4
camry grandi 99 7274
قبل 8 سنه و 3 شهر



السلام عليكم ورحمة الله وبركاته 

كيف الحال عساكم طيبين روعتكم بالعنوان صح ههههههههه 

الموضوع ومافيه ان لمبات المكيف طفت فجاه ولا ادري وش منه فما ادري هل هي لمبات احترقت او شيء وهل اقدر افكها واغيرها ولا منها خوف ارجو الرد باقرب وقت 

وهذي الصوره 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههههههه فكرت الفورد احترق توقعي فيوز لااكثر والشباب بيفيدونك ولايك


up 6 down 0
brake 1306
قبل 8 سنه و 3 شهر



اللمبات أحترقت الظاهر

لاكن دق الديكور بيدك شوف بتشتغل ؟؟؟ إذ أشتغلت دليل على ان اللمبات على وشك وتحتاج تغيير

وإذ ماشتغلت فغيرها أحسن


up 3 down 1
ls caprice 2078
قبل 8 سنه و 3 شهر



فال الله ولا فالك اخوي بريك ههههههههه 

والله وانا اخوك خبطت الديكور لين داخ ولا فيه فايده انا اعتقد انها ودعت لانها بعض الاحيان تنهبل وتطفى بس هالمره خلاص بركت 

عاد اتمنى تعطوني حل او محل تعرفونه بالرياض اروح له يركبها لي والله طلع شكل الموتر سفيه


up 4 down 1
camry grandi 99 7274
قبل 8 سنه و 3 شهر



أخوي كامري جراندي حياك الله ,
بغيت أقولك اللمبات إذا ماأشتغلت مره حاول تشوف علبة الفيوز اللي تحت الدركسون , وإن كانت سلميه ومافيها شي شيك ع الفيوز اللي في الكبوت قريب من علبة الفرامل ,
وإذا سلميه الله يعينك تشتري القطعه هذي نفسها وتلقاها في الشاليح أو المحلات اللي تستورد من برا ولو إنت من جده والله أخدمك بعيوني تستاهل
وترا شغلة فكها وتركيبها بسيط جدا عشان ماتخسر تقدر تفكها بنفسك
أول شي تفك الديكور الخشبي اللي تحت ريش المكيف بشويش لانه كلبسات عشان يرجع مضبوط ويطلع معاك الوصله السودا اللي محوطه ع الجهاز , وبعدها تحصل أربع مسامير أتوقع إنها مفتاح8 أو 10 والله أعلم 2 في اليمين و2 في اليسار
تفك المسامير وبعدها اسحب الجهاز على برا وأفصل أفياشه وركب الثاني بنفس الطريقه ,
وبالتوفيق يالغالي ولك لاييك .,



up 13 down 0
عاشقـ الماركيز 3498
قبل 8 سنه و 3 شهر



اهااا يعني لازم اغير الديكور حقه ؟؟؟؟؟؟؟ ماقدر اغير لمبات هههههههه والله مشكله كذا 

طيب اخوي مافيه اي مشكله يعني ما يلتمس المكيف وينهبل انت تعرف الفورد مكيفه غثيث ارجو الرد 

بالنسبه للفيوز شيكت عليها كلها سليمه وصارت تشتغل حقت on & max هذي اللي تشتغل لمباتها والباقيه طافيات 


up 5 down 1
camry grandi 99 7274
قبل 8 سنه و 3 شهر



وتستاهل الطيب اخوي عاشق الماركيز وشكرا لك على اخلاقك العاليه 

ارفع القبعه احترام لك ولجميع من في الموقع 


up 4 down 1
camry grandi 99 7274
قبل 8 سنه و 3 شهر



عفوا ****max& off


up 5 down 1
camry grandi 99 7274
قبل 8 سنه و 3 شهر



هذي صعوبة الصيانة في السيارات الامريكية يا محاربي تويوتا


up 2 down 12
r4rec0in 1443
قبل 8 سنه و 3 شهر



^ ^ ^ ^ ^ ههههههههههه يالله صباح خير ,, وش جاب تويوتا في الموضوع الله يشفيك ,
أخوي قراندي ,,
أشكرك على حسن أخلاقك وتسلم حبيبي , أنا اساسا توي أفهمك أحسب إن المكيف مايشتغل يعني الجهاز كامل خرابان , لكن الحمدلله ,
ع العموم اللبمات إذا خربانه مالها دخل في تسوي إلتماس أو شي غيره إذا الكهرب عندك سليم . لكن أكيد لو وديتها عند واحد فاهم يفك لك الوجهه حق الازرار ويغير لمبات يكون احسن , أهم شي دور وشيك ع المشكله , ولاتشيل هم إن شاء الله خير


up 8 down 0
عاشقـ الماركيز 3498
قبل 8 سنه و 3 شهر



اذا المبات محروقه مر محل اي مسجلات تصليح يغيرونها  لايكون انكب عليها عصير او شاي 


up 2 down 0
princ 18875
قبل 8 سنه و 3 شهر



اسف على تاخيري بالرد ياخواني 

اخوي عاشق تسلم على التفاعل وهذا مو غريب عنك وجزيت خيرا وزوجت بكرا يارب والحمد لله انك فهمت ههههههه وانا كنت اقصد اللمبات وانت الله يهديك شطحت بي ههههههههه والحمد لله انها لمبات بس مو التماس او شيء بالمكيف والله يجزاك خير ويوفقك ان شاء الله 

اخوي برنس شرفت الموضوع بحضورك وشكرا لك على المعلومه الطيبه تعرف الواحد يخاف على موتره وما يبي يوديه الا اذا عرف وين يوديه ودامكم قلتوا لي وده لمحل المسجلات او كهربائي شكلي بوديه اليوم وان شاء الله يلقون لي حل 

موفق حبيبي برنس ولاهنت يالغلا 


up 2 down 1
camry grandi 99 7274
قبل 8 سنه و 3 شهر



اخوي عندك اللمبات الصغيره داخل لوحة التحكم بالمكيف يمكن انها خربانه وتقدر تغيرها بس بعد ماتتأكد من الفيوزات اذا هي سليمه او لا ,, 


up 2 down 0
ابو سعود629 4705
قبل 8 سنه و 3 شهر



أخوي camrt grandi99 ماعندي خبره بالفورد لكن إذا عندك بالسياره أكثر من لمبه في ديكور المكيف وكانت الفيوز سليمه

يكون عندك خلل في الكهرباء لأنها مستحيل تطفي كل اللمبات في وقت واحد دور المشكله وجرب تفصل البطاريه 10 دقايق

يمكن يضبط معك وإذا ماظبط ربي يعينك على فحص الكمبيوتر وبالتوفيق 


up 3 down 0
ابــو ســنــد 10639
قبل 8 سنه و 3 شهر



قد صلحت هالمشكله بس ماعرف كيف اشرحها لك .. تفك الديكو كامل وهو سحب بعدها تفك اربع مسامير حقت جهاز تحكم المكيف كامل بعدها تسحب جرم المكيف وتفصل الاسلاك من ورى بعدها تفك غطى جرم المكيف وتفك كل المسامير اللي بتلقاها لحد ماتوصل لشاشه نفسها وتفك الشاشه بالمره قطعه قطعه راح تلقى 5 لمبات هذي ممكن ماتلقاها برى او تلقاها فالوكاله لكن على العموم الفك سهل مره والتقفيل شوي صعب ويحتاج خفة يد اما اللمبات فانصحك تروح لكهربائي وتقوله يفك ويغيرها لك لانها تحتاج تلحيم يعني تفك المحروقه وتركب الجديده ... يمكن ماوصلت لك الفكره لكن هي 5 لمبات بتكون مثبته على الشريحه الخضراء حقت الدائره الكهربائيه واذا انت ماعندك خلفيه ولا عده كامله فروح لكهربائي اغلبهم يعرفها وقيمة اللمبات فحدود 15 ريال بس المشكله راح ياخذ حق شغل اليد


مشكورين اخواني على الردود

 ابو سند مشكور وما قصرت وانا فحصت الموتر والحمد لله مافيه مشكله بس هي صارت من اللمبات لما اليوم رحت قالو اللمبات خربانه 

اخوي شاقح مشكور ونورت الموضوع وبالنسبه لتفكيك انا ماعرف افك شيء اخاف اعفسه احب اوديه للمحل وهو يعرف له ههههههههه لاني متعامل مع هندي من اكثر من 8 سنين وكهربائي ممتاز ورحت له قال انا اقدر افكها واركبها بس ما اظمن لك يمكن ينعفس عليك المكيف او يلتمس لانه قد جربها قبل مع واحد والتمس الكهرب وغير الجهاز كامل حق المكيف 

وقال لي نصيحه خلها كذا لين تبيعه وشكلي بخليها هههههههه والله يعين ان شاء الله 
 
اخوي ابو سعود لا هنت يالغالي وفعلا اللمبات الصغيره هي الخربانه ولكن تصليحها قلق شوي 

مقدر لكم تعاونكم وحسن تقبلكم للموضوع 

موفقين ان شاء الله 


up 2 down 1
camry grandi 99 7274
قبل 8 سنه و 3 شهر



تستاهل الخير ياطيب .


up 2 down 1
مستر بن . 10379
قبل 8 سنه و 3 شهر



الله يجزاك خير ويكثر من امثالك 

ارفع القبعه احترام لك ولاخلاقك العاليه 


up 2 down 1
camry grandi 99 7274
قبل 8 سنه و 3 شهر



يااخوان انا عندي نفس المشكله عندي ماركيز ٢٠٠٩ نفس الشي المبات محرقه وماخليت محل زينه الا دورت ورحت الصناعيه كذالك مالقيت وش الحل 


up 0 down 0
bandr007_1
قبل 5 سنه و 4 شهر