جراند ماركيز 2007 افيدوني فيه يرحم والدينكم

شوف اذا انك بتكرفه كرف اشتريه حلو

لكن اذا بتبيعه قريب لا تشتريه خصوصا وانك راح ترشه

ترى رش البودي ينقص من السعر كثير

الله يكتب لك الي فيه الخير

دام فيها ذي منتب فاضي للصناعية تقعد تشرف ع الموتر دبر لك موتر ثاني واستخير ياخوك واهم شيء قير مكيننة شششاص دفرنس والله يوفقك ويرزقك وع البركهه ..^^

مدام بودي سليم توكل على الله وخذه لان صراحه سعره مناسب ما شاء الله وثاني شي قطعه رخيصه ما تخاف منه ان شاء الله والله يكتبلك مافية الخير 

جزاكم الله خير وانا يمكن ابيع قريب والمكينة نسبتها 92 بالميه القير والشاص والدفرنس سليم

اذا بتبيع او تستخدم انت خسران لنه مابيجيب لك قيمة مشتراه زايد تصليحه 2007 فل كامل على 50 و55 اذا مره طلعوه السما الفل كامل فما بالك بالاستاندر اسعاره بحدود 45 الي 48 الف نضيف وماتحط فيه ريال 
لف الماعرض وشوف اسعار الاستاندر والنسبه مشكوك فيها  لنه ممشاه 228 الف كيلو يعني مجلود جلد 
خلينا نجي للاصلاحات 
بويه 3500  
بواجي 80 تركيب 100
تربيط 500
تنضيف بخاخات 250
اقمشه 270 امامي و250 خلفي تركيب 100
زيت القير خمس علب العلبه ب20 ميكرون V وجه ب70  وحق التغيير 100
وجه كارتيل 70 اذا للقيروالتركيب لهم سعرهم تقريب 300  واذا للمكينه اعرف لازم فك المكينه من الكراسي ورفعها لنه الكارتيل مراح ينزل الا برفع المكينه 
صوفه دفرنس ممكن 200 وتركيب 200 او اكثر
كفرات الكفر اقل شي 16 بسعر 280 ريال مشي حالك جيد ب300 
صدام امامي وخلفي تجاري ب200 الواحد اصلي بحدود 1000 وفوف الخلفي قرابة 2000 
والاسعار تقريبا يعني ممكن اعلا من كذا لكن اعطيتك بحكم اني ملم بالفورد 
وبكذا بيصير طلعت عليك الصيانه ب6800 +34 = 4800 مع النقل وغيره فافضل زودها اذا عندك فلوس وتحصل شي نضيف خاصة الفورد الاستاندر ماله سوق زي الفل كامل سعره اقل بس لف كم يوم بالمعارض وتحصل اذا انت بجده عندك  
العواجي ومعرض السلطان اسعارهم مقبوله البيان انحش عنده موس حار وعندك بعض المعارض تحصل عندها 

قصدي 40800 بيطلع 

كلامك يا برنس ميه ميه ولك عليه لايك 

بالنسبه للموتر ياخوي انحش عنه ما يصصصصصصصصصصلح ابد 

لانك بتخسر فيه كثيييييييييييير وبعدين واضح ان الموتر ملعون جده نسبة المكينه 92 وموديله 2007 ؟؟؟؟؟؟؟؟؟؟؟؟ خبال هو انا موتري الكامري اللي بعتها ماشاء الله نسبة مكينتها 96 في الميه وهي 99 

ولو ما معك تتعدا هالمبلغ مالك الا 2002 او 2003 بتلقى واحد فل كامل نظيف احسن لك من هالخرده 

موفق ان شاء الله

والله نصيحة ياخوي تجنبها

موفق يالغالي
ومن وجهة نظري الشخصية اقول اشتر شي جاهز افضل لك هذا واضح من كلامك انه مكروف والله اعلم والشي الثاني ترى 1800 مااطن تسوي الاشياء اللي قلت عنها لان الكفرات بحالها فوق الالف الصيني
وعطيتك لايك لانك فصلت الموضوع بشكل ممتاز

نصيحه ابعد عنه وخذ لك شيء جاهز

إنت إشتريت علشان تستخدم وترتاح وإلا علشان تفرفر في الورش

وخذ قاعدة المشكلة الواحده في السياراة تفتح لك عدة مشاكل وهااااات طلبااااات

بهالمبلغ تاخذ لك فورد نظيف 2003

اشوفها غاليه ٣٤ . 
انا اخذت ٢٠٠٨ فل كامل ب ٣٠ .. بس فيها رشات متفرقه لكن السيارة نظيفه .. دور تلاقي افضل وبسعر احسن الله يرزقنا واياك