أضف سؤال أو موضوع جديد          

جراند ماركيز 2007 افيدوني فيه يرحم والدينكم

up 4 down 0



السلام عليكم ورحمة الله وبركاته اخواني بارك الله فيكم ورحم الله والداينكم قدر الله علي بشتري جراند ماركيز 2007 امريكي GS مخمل لون سمني ماشي 142 الف ميل لون الداخل اسود
ملبس ابيض
البويه مقشرة وتحتاج رش كامل

فحصتها بين ان البودي سليم والاربقات سليمة والشاص سليم مطلوب 34 الف لكن تحتاج الى صيانة

1800 ريال من بواجي +تربيط +اقمشة +وجه كارتير +صوفة زيت القير + صوفة الدفرنس +تنظيف بخاخات +تغير كفرات +تغير زيت المكينة +زيت القير +فلتر بنزين


+ صدام امامي وخلفي يحتاج تغير+سمكة يمين بس هذا الي طلعلي بالفحص
لكن ابي رايكم يااخوان مادري اتوكل على الله واخذها ولا ادور غيرها افيدوني جزاكم الله خير باسرع وقت لان الرجال مستعجل في البيع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف اذا انك بتكرفه كرف اشتريه حلو

لكن اذا بتبيعه قريب لا تشتريه خصوصا وانك راح ترشه

ترى رش البودي ينقص من السعر كثير

الله يكتب لك الي فيه الخير


up 1 down 0
sultan-q 466
قبل 9 سنه



دام فيها ذي منتب فاضي للصناعية تقعد تشرف ع الموتر دبر لك موتر ثاني واستخير ياخوك واهم شيء قير مكيننة شششاص دفرنس والله يوفقك ويرزقك وع البركهه ..^^


up 2 down 0
راكان-505 7169
قبل 9 سنه



مدام بودي سليم توكل على الله وخذه لان صراحه سعره مناسب ما شاء الله وثاني شي قطعه رخيصه ما تخاف منه ان شاء الله والله يكتبلك مافية الخير 


up 1 down 0
se3o 189
قبل 9 سنه



جزاكم الله خير وانا يمكن ابيع قريب والمكينة نسبتها 92 بالميه القير والشاص والدفرنس سليم


اذا بتبيع او تستخدم انت خسران لنه مابيجيب لك قيمة مشتراه زايد تصليحه 2007 فل كامل على 50 و55 اذا مره طلعوه السما الفل كامل فما بالك بالاستاندر اسعاره بحدود 45 الي 48 الف نضيف وماتحط فيه ريال 
لف الماعرض وشوف اسعار الاستاندر والنسبه مشكوك فيها  لنه ممشاه 228 الف كيلو يعني مجلود جلد 
خلينا نجي للاصلاحات 
بويه 3500  
بواجي 80 تركيب 100
تربيط 500
تنضيف بخاخات 250
اقمشه 270 امامي و250 خلفي تركيب 100
زيت القير خمس علب العلبه ب20 ميكرون V وجه ب70  وحق التغيير 100
وجه كارتيل 70 اذا للقيروالتركيب لهم سعرهم تقريب 300  واذا للمكينه اعرف لازم فك المكينه من الكراسي ورفعها لنه الكارتيل مراح ينزل الا برفع المكينه 
صوفه دفرنس ممكن 200 وتركيب 200 او اكثر
كفرات الكفر اقل شي 16 بسعر 280 ريال مشي حالك جيد ب300 
صدام امامي وخلفي تجاري ب200 الواحد اصلي بحدود 1000 وفوف الخلفي قرابة 2000 
والاسعار تقريبا يعني ممكن اعلا من كذا لكن اعطيتك بحكم اني ملم بالفورد 
وبكذا بيصير طلعت عليك الصيانه ب6800 +34 = 4800 مع النقل وغيره فافضل زودها اذا عندك فلوس وتحصل شي نضيف خاصة الفورد الاستاندر ماله سوق زي الفل كامل سعره اقل بس لف كم يوم بالمعارض وتحصل اذا انت بجده عندك  
العواجي ومعرض السلطان اسعارهم مقبوله البيان انحش عنده موس حار وعندك بعض المعارض تحصل عندها 





up 3 down 0
princ 18875
قبل 9 سنه



قصدي 40800 بيطلع 


up 2 down 0
princ 18875
قبل 9 سنه



كلامك يا برنس ميه ميه ولك عليه لايك 

بالنسبه للموتر ياخوي انحش عنه ما يصصصصصصصصصصلح ابد 

لانك بتخسر فيه كثيييييييييييير وبعدين واضح ان الموتر ملعون جده نسبة المكينه 92 وموديله 2007 ؟؟؟؟؟؟؟؟؟؟؟؟ خبال هو انا موتري الكامري اللي بعتها ماشاء الله نسبة مكينتها 96 في الميه وهي 99 

ولو ما معك تتعدا هالمبلغ مالك الا 2002 او 2003 بتلقى واحد فل كامل نظيف احسن لك من هالخرده 

موفق ان شاء الله


up 3 down 0
camry grandi 99 7274
قبل 9 سنه



والله نصيحة ياخوي تجنبها


up 1 down 0
mohammed shareef 1092
قبل 9 سنه



موفق يالغالي
ومن وجهة نظري الشخصية اقول اشتر شي جاهز افضل لك هذا واضح من كلامك انه مكروف والله اعلم والشي الثاني ترى 1800 مااطن تسوي الاشياء اللي قلت عنها لان الكفرات بحالها فوق الالف الصيني
وعطيتك لايك لانك فصلت الموضوع بشكل ممتاز


up 1 down 0
أأبو نوااف 1641
قبل 9 سنه



نصيحه ابعد عنه وخذ لك شيء جاهز

إنت إشتريت علشان تستخدم وترتاح وإلا علشان تفرفر في الورش

وخذ قاعدة المشكلة الواحده في السياراة تفتح لك عدة مشاكل وهااااات طلبااااات

بهالمبلغ تاخذ لك فورد نظيف 2003


up 1 down 0
يزيد 955 588
قبل 9 سنه



اشوفها غاليه ٣٤ . 
انا اخذت ٢٠٠٨ فل كامل ب ٣٠ .. بس فيها رشات متفرقه لكن السيارة نظيفه .. دور تلاقي افضل وبسعر احسن الله يرزقنا واياك


up 0 down 0
abdulmajeed4099 -2
قبل 6 سنه و 6 شهر