أضف سؤال أو موضوع جديد          

حكه المشيه البطيئة

up 10 down 1
م.بن عبدالله 2027
قبل 8 سنه و 2 شهر



سلام عليكم
حبيت اتكلم بموضوع يجيب لي الجلطه وتقفل الاخلاق وكل شيء
اللي هو
اكررررررررررررررررره اللي يجيك يلحم بصدامك وثم يبي يتجاوز ويعيطك حكه بالحركه البطيئه
اللحين صار اهتم باللي وراي اكثر من اللي قدامي وصرت اضطر احيان اللزق باللي قدامي على اساس اللي وراي مايحك سيارتي
اليوم صار لي موقف وقفلت الاخلاق ومالي خلق بشيء
سيارتي جتني بعد تعب وعناء
والشيء اللي جاء بعناء الواحد يحس بقيمته ويحافظ عليه
يجيك واحد عند اشاره يلزق بصدامك وشوي يبي يروح يمين ويعطيها المشيه البطيئه على اساس ايش بالله .!؟!!!
تحكني على الخفيف ولا حكه بسيطه على اساس حاك حاك ولا تبي تسمع صوت الحكه وثم توقف .!!!؟
كم اكرررررررررررررره هالنوعيه وتسبب لي ازمه نفسيه
ممكن البعض يقول تراها حكه وكذا
اقوله جلد ماهو بجلدك جرررررررررره على الشوك
واترك لكم التعليق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الغالي يوجد حل مناسب لهذه الاشكال
هو تركيب حماية شفافة في المناطق المهمة ( زوايا الصدام الخلفي و الوسط )
وان شاء الله الي بيصدمك راح يصدم في هالشفاف
والله الموفق


up 7 down 0
r4rec0in 1444
قبل 8 سنه و 2 شهر



صادق والله فيه ناس أعوذ بالله ماتحترم الي قدامه وماهو داري أصلا كيف جات السيارة يحكك وكانة مو شي .

لاكن ايش نسوي خلها على الله أهم شي العافية والحديد يتعوض ... ولك لايك أخوي .


up 6 down 0
مستر بن . 10379
قبل 8 سنه و 2 شهر



بصراحة اللي يشتري سيارة غالية في شوارع الرياض غلطان ثم غلطان ثم غلطان


up 3 down 0
شليطيح 5019
قبل 8 سنه و 2 شهر



وعليكم السلام 

انا مقدر شعورك وقهرك 

لاكن قل الحمدلله انها تعدي على صدام او خدش بسيط 
تذكر فيه ناس تصدم وتموت وفيه ناس تصدم وتنشل 

اما اذا كانت بسيطه الحمدلله ماله داعي التذمر 

وانا اعرف هاذي النوعيه الي يلحم فيك وسبب لك توتر 

لاكن الشكوى لله ابو طبيع مايخلي طبعه


up 3 down 1
دحيم٧٧٧ 2205
قبل 8 سنه و 2 شهر



يحكك وأنت ما دريت عنه ثمن إذا وقفت البيت شفت الحكه وقلبك يطقطق....ما انقرضت هذي النوعيه.... 


up 2 down 0
acura 3755
قبل 8 سنه و 2 شهر



الرياض أو السعوديه بشكل عام يبي لنا نرجع على الخيول والحمير لين يصلحون شوارعنا
وتزين سواقتنا


up 3 down 0
ابو خليل القحطاني 801
قبل 8 سنه و 2 شهر



وسع صدرك ,, كثير مثل هذي النوعيات المريضه ,, انا اذا شفته ملحم اعانده ومافتح له الطريق ,, اما اذا شفته ترك مسافه بيني وبينه اتجاوز وافتح له الطريق لانه يستحق اانك تحترمه وتفسح له المجال .


up 2 down 0
ابو سعود629 4706
قبل 8 سنه و 2 شهر



ياخوي تعودنا وصرت ما انزل لهم هههههههههه اخرها مره راجع اووم الريوس على واحد مدري من وين طلع خخخخخخخخ وصقعته ومشي حالك يارجال ياكثر الهمج بالشوارع


up 1 down 0
YASSER505 4173
قبل 8 سنه و 2 شهر



انا مايقهرني الا الي يلحم وراك مره لو مطب قدام ايش تسوي لو تهدي خش فيك بالله ايش هالعينه


up 0 down 0
خطاي الشوق 2532
قبل 8 سنه و 2 شهر