أضف سؤال أو موضوع جديد          

اسئلة خفيفه وبسيطه ..

up 9 down 6
برينسيزو 534
قبل 5 سنه و 6 شهر



السلآم عليكم ..

طبعاً اليوم الحمد لله خلصت اخر اختبار وهو اسوء اختبار الله يستر بس الحمد لله .. (فيزياء)

طيب انا يوم الاربعاء بكمل 17 ان شاء الله حسب شهادة الميلاد , ولكن ف الهويه باقي شهر يمكن غلطوا !! 

هل فيه امل انهم يطلعون لي تصريح حسب شهادة الميلاد ؟ ووش نصايحكم لي باختبار القياده وش يعطوني وش اسوي وكذا ..

طبعاً انا كل يوم اسوق ومافي احد علمني الحمد لله والله لا يوريكم اليوم شفت مرور سري كان طالع بيته اول ماشافني رفعت نفسي طبعا وقفلت المسجل وركدت واناظر بالمراية واشوفه ماسك المحول ويناظر سيارتي من ورى الله يستر بس المشكله بيتي قريب عن بيته ...

وبس ..~







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقدر تطلع تصريح

وانا الحمد لله وصلت 17 بس ما طلعت تصريح...مالي نفس

اختبر ودور واسطه خفيفه علشان تطلع التصريح....بس




up 2 down 0
ali-911 3027
قبل 5 سنه و 6 شهر



مافهمتوني يعني الحين انا بالأساس يوم الاربعاء اصير 17 يعني بتاريخ 3/4 حسب شهادة الميلاد ولكن ب الهويه ملخبطين حاطين 4/10 ..

وعندي ظروف صعبه ومحتاج اودي جدي عنده مواعيد بالمستشفى ومافي رجال بالبيت غيري وكل يوم ليموزينات لو قدمت تقرير برضو مافي امل ؟ وترا صعبه مرا اني انتظر شهر قدام ..




up 1 down 2
برينسيزو 534
قبل 5 سنه و 6 شهر



الله يعينك والله لو عندك واسطه لتمشي امورك مثل العسل


عندي واسطه بس مدري اذا تنفع عمي عسكري مدري اذا يقدر يضبطني .. ؟


up 1 down 1
برينسيزو 534
قبل 5 سنه و 6 شهر



انا عمري 16 ومطلع رخصه بس لازم يصير عندك واسطه الله يعينك 


up 0 down 0
الهن...ا 1707
قبل 5 سنه و 6 شهر



انتظر شهر ما دام تسوق مشي حالك لمده شهر 


up 0 down 0
abo3tb 511 1734
قبل 5 سنه و 6 شهر



خلاص اذا عندك واسطه طلع الرخصه و ريح بالك 


up 0 down 0
abo3tb 511 1734
قبل 5 سنه و 6 شهر



ابو عتب المشكله اني افرفر بالحاره لكن ماقد طلعت خط سريع مانب ناقص مشاكل ..

يعني العسكري يقدر يضبطني ؟ عشان اكلمه ..


up 1 down 1
برينسيزو 534
قبل 5 سنه و 6 شهر



لو انا مكاانك اصبر سنة واطلع رخصة ام 5 سنين افضل من القروشه عشان تصريح قيادة ..




up 1 down 1
بسدك 1371
قبل 5 سنه و 6 شهر



طيب اقرأ ثالث رد ..

انا محتاج التصريح مرا ..


up 0 down 1
برينسيزو 534
قبل 5 سنه و 6 شهر



ضروري تطلع تصريح لأني سمعت ان اي تفتيش وانت ما معك رخصه غرامه 500 ريال...


up 1 down 0
acura 3757
قبل 5 سنه و 6 شهر



طلع تصريح ي ولد لا يطرحونك


up 0 down 0
albrufesoor 2102
قبل 5 سنه و 6 شهر



اخر ردين موضوعي ف جهه وردكم ف جهه ثانيه ..

انا اصلاً ما ابي اسوق كثير لين اطلع تصريح ولكن عندي كم سؤال موجودة بالموضوع ..


up 0 down 1
برينسيزو 534
قبل 5 سنه و 6 شهر



{ برينسيزوو } نصيحه لك مني طلع تصريح بأسرع وقت ممكن .. قبل لاتتجمع عليك المخالفات .. ومن ناحية الرخصه .. دام في الهويه باقي شهر .. الله يعينك تصبر هالشهر وتروح تطلع .. لانهم مايمشون بشهادة الميلاد .. ضروري الهويه الوطنيه .. وإن كان عندك واسطه .. تقدر تطلع .. بس على حسسب الواسطه إن كانت قويه أو لا .. بالتوفيق .. وروووح موقع حراج .. برسلك في الخاص ورد علي .. أبيك في شغلله .


up 0 down 0
عاشقـ الماركيز {1991} 3493
قبل 5 سنه و 6 شهر



اهم شي انك رفعت نفسك يوم شفت العسكري وقفلت المسجل ولعد تشغل اغاني شغل لك قرآن لماهر المعيقلي وبتتيسر امورك من الله وماراح تنتظر واسطة من أحد 


up 3 down 1
أستشاري الحب 6464
قبل 5 سنه و 6 شهر



يطيب يعتمدون بسنة ترا مو بشهر ولا اليوم  و  تقدر تطلع تصريح بيومين


up 1 down 0
ابوعابد_1414 1201
قبل 5 سنه و 6 شهر



انا يوم 3/5 ألفرق بيني وبينك يوم


up 1 down 0
moody-ezzi 512
قبل 5 سنه و 6 شهر



ابو عابد مافهمت عليك وضح لاهنت ..!

يعني بيوافقو ان شاء الله ولا ؟


up 0 down 1
برينسيزو 534
قبل 5 سنه و 6 شهر