لذوي الخبره بدبات الرصاص للماركيز

اخوي اهم حاجه تفك دبه الرصاص وركب بدلها مصوره ولو فكيتها بتريح المكينه + راح تروح حراره + عزم

اخوي بيسو انا فكيت الاثنين الاخيره اللي تحت الكبار وبدلتهم

بس سؤالي هل اذا بدلت اللي فوق الاثنين بيكون في ضرر لاسمح الله

شاكر لك اهتمامك

شرط ان ترجع بعد فتره تشتري دبات من التشاليح
بتفرق بتصير تحتمي على طول يعني اول تحمي 5 دقائق بتصير دقيقتين
بتحس السيارة انشط بتطلع ريحة بانزين تصرع وبتصير حوايف الشكمان صفراء
بتصير تصرف اكثر من اول

انا كنت مثلك باشيلها ثمن نصحوني كثير اتركها وفيه منهم قالي فكها لكن شفت فايدتها اكبر من شيلها هذا غير انك بترمي الدبات وعلى فكره الدبات هذي غاليه موب رخيصه وماحطوها عبث لها فوايد يفيدونكم الفاهمين انا ماعندي علم كبير عنها

ركب دبات وطنيه بداله سعر الدبه 180 ريال لاتفرغ الدبه ولا ترميها عند المحل لنه يبي الرصاص الي يداخلها وسعرها في الشركه غالي التفريغ مايصلح اما دبات من التشليح او دبات وطنيه 

كم موديل موترك وكم ماشي 

فيه واحد كريم في هالمنتدى


يعطي لايكات للشعب كله يالبى قلبه ههههههههه

اخوي شف دبات التلوث فايدتها هدوء الصوت + تقلل صرفية البنزين + تمنع رائحة الكربون
لو شلتها بيصير صوت السياره قوي تقول كابرس 89 وتصرف بنزين وتصير تطلع ريحه كربون لو تشغلها بالبايكه مده دقيقه تكتم البيت وتطبع في ثوبك الريحه انا كان معي فورد 96 وفرغت وصار الصوت الله لايورك مخيس وتصرف بينزين الحل ياتفكها وتنظها بس قروشه وصعبه او تركب من التشليح او تركب وطني بس الوطني مافيه مكان للحساسات وبتولع لمبه التشيك انجن
وزياده لاتقولي اللي تحت قصيتها وخليتها عند المحل ترى يطلع من وراها مبلغ وقدره لان فيها ماده الرصاص
انتبه وثم انتبه احرقها ولا تخليها بالورشه ... ارسلت لك على الخاص في حراج رابط لصوت موتري بعد التفريغ عشان تتأكد بس..

اخوي ماقدرت ارسلك لان اسمك بالعربي ... ارسلي رساله خاصه فاضيه ورد لك فيها بالرابط

جزااكم الله خير وشاكر لكم اهتمامكم جميعا

اكيد حبايبي اخذت الدبات معاي ماخليها لو يموت هو خلص شغل وحاسبته وقلت حذها بالشنطه ويتلون وجهه ههههههههههههه

بشوف اذا الوضع ماناسبني برجعها

بالنسبه لسيارتي 2003 ماشي 180000 كيلو 
بالتوفيق للجميع...

بالنسبه للصوت ماشوفه فرق معاي بصراحه

انا خويي فرغ الاربعه كامله وعنده صوت غبي شوي 

الى الان الوضع اشوفه طبيعي ولله الحمد بس احس السياره ارتاحت شوي بالدعسه وتبديل النمر

هل فيه فرق يعني لما تدوس تسمع صوت ضخم ولقلقه ولا الصوت مافرق ولا حاجه

مدام ماشي 180 الف خله على مهو عليه ولا تجلس تولف اذا مو شكمانين اشتر فقط اتش خلفي من التشليح الي هو الوصلتين كامله بدباتها الخلفيه من التشليح تريب ب400 او 500 ريال وهي تركب من نص السياره لين الصدام ورا 

لا ولله الحمد انا مالاحظت وجود صوت جديد مع الدعس

والحمد لله شكمانين عندي

ملاحظه :  يا اخواني انا قصيت الدبتين الكبار اللي تحت فقط

باقيه الدبتين الصغار اللي فوق ( الاقرب للمكينه ) 

وماواجهة مشكله بالصوت ولا علامة المكينه ( تشيك اينجن ) ولله الحمد

اناغيرت الدبتين الي تحت المقعد وطلع صوت خفيف لما ادعس عليها ولاكن احس السياره ارتاحت هل منها ضرر

ما اتذكر واجهت مشكله صراحه لين بعتها
بالتوفيق..