وين الامــانه يا ناس وين الاخلاص لاخوك المسلم

22 3

لايمكنك التصويت حتى الحصول على 20 نقطة على الأقل
إضغط هنا للإخفاء

bes0 731
قبل 11 سنه و 11 شهر

بسم الله الرحمن الرحيم ...اهلين في اخواني كيف حالكم ان شاء الله باحسن الاحوال...بقولكم قصه كامله واتمنى منكم انكم تنتبهو على كلامي وتفهمو مزبوط وتنتبهو من العالم الحراميه ذي الاشريطيه ولي عارض سيارتو في سوبر ماركت يعني انتبه من دولي الناس من جميع الاتجهات المهم خليني ادخل في القصه (يوم التلوت الساعه 12 في الليل رحت سوبر ماركت الصواري بجده الي في خط الملك لقيت موستنج 2004 ماشي 144 لونو اسود كشف المهم قولت يولد خليني اتصل صحيح اخر الليل بس عادي لاني شوفت السياره حاره قولت خليني اتصل واتصلت الو الو السلام عليكم عليكم السلام كيف حالك اخوي تمام الله يسعدك اخوي انتا عارض موستنج في الصواري قلي ايوه كم طالب عليه قلي والله مسيوم بي 27 وطالب عليه 30 الف بس لاني مستعجل لانو عندي سفر ولا لو مني مستعجل بيجلي زبون بي 36 براحه طيب قولتلو كيف المكينه والجير والدفرنس والعضلات قلي بحاله الوكاله دافع عليه 17 الف ريال شديتو من الصدام للصدام ولو تبغى تفحصو روح التوكلات العالميه افحصو قولت ماشاء الله تبارك الله قولت خلاص انا شراي بس متى نتقابل قلي بكرا بعد المغرب والله واتصل عليه بعد المغرب قلي كنت دحين بتصل عليك ضحكت انا وقولتو دحين جايك والله واروح لقيت الرجال شكلو ابن ناس ومحترم وكبير في السن كلمتو قلتلو كم سعرك النهايه قلي 30 قلت والله انا معايه 27700 قلت 27 الف ليك و700 نقل ملكيه ومعقب قلي والله ما تنفع انا خسران على السياره كتير ومافي نزلني خليني اروح افحص السياره انا طالب جامعه من هنا لهنا بعد محايله قويه ووافق الرجال قلي الله يباركلك قولتلو الله يبارك فيك قلت انا من نفسك قلي ايوه والله من نفسي الله يوفقك ويعطيك خيرها ويكفيك شرها قولتلو يلا نفحص قلي اعرف مهندس مزبوط قولت لا ابغى انا اروح افحص عند صاحبي لانو ما شاء الله فاهم مزبوط المهم شكيت شويه عشان عندو مهندس قولت لا حرام رجال كبير وابن ناس ومحترم يبغى يساعدني و المهم رحت ركبت السياره شغلتها السياره سخنتها شويه ركب صاحب السياره ومشيت شويه الاقي شويه اصوت قولت دحين صاحبي المهندس يكشف السياره كامله وان شاء الله خير طبعا في بالي قولت كده والمهم جالس يتكلم يتكلم جنن راسي في كلامو عشان لا اسمع الاصوت وشغل المسجل عشان لا اسمع الاصوت ولي هيا اصلن طالعه الاصوت المهم وصلت عند صاحبي كلمتو ابغى افحص السياره من الصدام للصدام قلي اوكيه والله ودخل الورشه وجاب جهاز حق الفحص فحص مكينه وجير ودفرنس والكهرباء وبودي المهم رحنا رفعنا السياره من تحت طبعا جلس يكتب يكتب يكتب يكتب يكتب قولت ايش مالو ده المهم بعد ما فحص وقلب السياره كامله من شنطه وكبوت وكل حاجه في السياره اعطاني الورقه وياريتني ما شوفتها انصدمت لدرجه ما تتوقعها اكنو بصراحه اعطاني 100000000000 كف شوفت الخربات...(حساسات المكينه+حساسات الجير+الارباج طالع+مكينه الكشف خربانه+العضلات كلها خربانه+تهريب زيت مكينه + تهريب مبرد جير+ تهريب في الدفرنس+ماكله واجه وخلفيه ومضروب الشصي ضربه جامده) لمن وريت الرجال الورقه ما عرف يتكلم يا عالم ووجهو حمر قولتو وين كلامك الامين وليه تكذب عليا قولتلو انتا مو دافع 17 الف دافع 17 ريال قولتلو اقسم بالله لو انتا مو اكبر مني كان فكيت وجهك في مفك يكذاب قولتلو انا مني مسامحك على حق الفحص حسبي الله ونعم الوكيل فيك يا كذب ركب سيارتو السكراب ومشي واليوم رحت اشوف السياره ما لقيتها الكذاب وياخواني انتبه من الناس الي يقولو والله عندي مشاكل عشان كدا بعتها انتبهو احد يقولكم عندي تسديد شقه اجار انتبهو من الي يقولكم والله بعتها عشان ادفع دفعه اوله بسياره عشان اخد سياره اقساط دولا كذابين يبغو يفتكو من السياره حقتهم باي طريقه لو شوفتو السياره افحصو مزبوط من الصدام للصدام ولو تبغو ادلكم على صاحبي ماشاء الله عليه شاطر لدرجه ما تتوقعوها ولو شوفتو سياره افحصو افحصو افحصو افحصو افحصو حتى لو تدفع 200 عادي ولا تدفع 30 ولا 50 الف ايش بيستفاد لمن يكذب على الناس بالله مو حرام عليه يعني مو حرام يغشني ويغش العالم يعني مو حرام ياكل مال حرام وياكل عيالو يعني مو حرام ينصب على الناس والمشكله انا تعبان على الفلوس وعندي حصاله ك ما تجيني فلوس احطها واشتغل واتعب وفي الاخير ابن حرام ذ ده يخدها على البارد المستريح والله حرق دمي امانه ي عالم فتحو عيونكم اولاد الحرام كترو انتبه الله يحفظكم

إبلاغ

الردود