أضف سؤال أو موضوع جديد          

تغيير زيت القير مع الطنجرة ولا اللي في الكارتير

up 1 down 0
ameer-albader 60
قبل 8 سنه و 12 شهر



السلام عليكم شباب اليوم رحت بغير زيت القير و رحت لمركز كويك لوب و شاف الزيت والسيارة شغالة وقالي تقدر تغيير الزيت

و لما قلت له بغيرزيت الطنجرة قالي أنا أغير لكـ بس ما اتحمل المسؤولية إذا صار بالقير شي

أرائكم أغير اللي بالكارتير فقط ولا كامل مع الطنجرة ...

مع العلم السيارة لها معاي سنة ما غيرت زيت القير وماشي عليه 45000 وما ادري اللي قبلي كم ماشي مع إني زدته كم مرهـ



و بإذن الله بعد شوي بروح وأغير و انتظر أرائكم




سيارتي كراون فكتوريا 1999







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا فيك أ أخوي

طيب كم شغل اليد بالوكالة القطع مو مشكلة لكن أبغى شغل اليد لتغيير زيت القير


up 0 down 0
ameer-albader 60
قبل 8 سنه و 12 شهر



طيب أخوي يعني ما اغير زيت الطنجرة على طول و اكتفي باللي بالكرتير


up 0 down 0
ameer-albader 60
قبل 8 سنه و 12 شهر



ركز على رد الموظف اللي قالك ((( لما قلت له بغيرزيت الطنجرة قالي أنا أغير لكـ بس ما اتحمل المسؤولية إذا صار بالقير شي )))


يعني القير بيودع والدليل انه المصنع لغو صرة الطنجره من المديلات 2004 نهائيا واكتفوا بتغيير زيت الكارتير


والسبب انه تغيير زيت القير دفعه واحده يضرب ام القير


لذلك المصنع حدد تغيير زيت الكارتير فقط بحساب كمية اللترات


والسبب في الغاء صرة الطنجره هو انهم يتركون مجال عشان يختلط زيت الكارتير بزيت الطنجره القديم ويتعود القير على الزيت الجديد بدون اي ضرر


ولاتخاف من زيت الطنجره واللي يقولك انه فيه براد حديد كثير


لان الفلتر قده تشبع ومسك برادة الحديد وايضا المغناطيس يكون مسك نفس السالفه


لذلك الموظف قالك ترى انا مااتحمل المسؤليه اذا صار شي بالقير لانه عارف النتيجه ومجربها وماقالك هذا الرد الا وهو عنده علم بالامر


كثيرين يخافون وقت تغيير زيت القير لكن المصنع حل هذي المشكله نهائيا واكتفى بتغيير زيت الكارتير فقط



up 1 down 0



و كلامك صحيح سمعت أكر من واحد ضرب القير معاه

بس ما تعرف لي ورشة كويسة بالراض أغير الزيت عندها أو الوكالة كم سعر تغيير الزيت


up 1 down 0
ameer-albader 60
قبل 8 سنه و 12 شهر



خذ الزيت والفلتر ووجه الكارتير من الوكاله او من فروع الوكاله فالصناعيه وترى نوع زيت القير عندك TYPE M ولاتشتريه من برى منعا لتعرضك للغش .... بعد ماتغير زيت القير بدل النمر من اعلى الى فوق بعدين امش فدود 10 كيلو على مهل ولاتشد على السياره على بال ماتعطي مجال لاختلاط الزيت الجديد بالقديم


up 2 down 0



هلا بكـ أخوي شاقح يعني ما أغير زيت الطنجرة أبد و اكتفي بزيت الكارتير

زغذا تعرف ورشة بشرق الرياض او الوكالة كم تغيرهـ يا ليت تقولي


up 0 down 0
ameer-albader 60
قبل 8 سنه و 12 شهر



هلا بكـ شاقح موديل سيارتي 99 والزيت الموصى به ميركون v
أما تيوب ام هذا لـ 97 و تحت وتبديل النمر وضحها لي أكثر



up 0 down 0
ameer-albader 60
قبل 8 سنه و 12 شهر



الرياض انصحك تروح محل ( يول هات ) على طريق المطار او ( ريد كاب ) مقابل كبري الخليج مباشره او محلات العضيب لكن اشتر الزيت من فروع الوكاله او مراكز صيانه كبيره بس خل عينك عليهم لانه حبه حبه وتابع هالموضوع ... http://ford.montada.haraj.com.sa/7063/بالصور-كيف-تغيير-زيت-القير-وتنظفه-/


up 0 down 0



و أنا اشتريت الزيت والفلتر من الرميزان و وجه الكارتير من التقوى لإني ما حصلته




up 0 down 0
ameer-albader 60
قبل 8 سنه و 12 شهر



و الرميزان معتمد من وكالة فورد هو و التقوى


up 0 down 0
ameer-albader 60
قبل 8 سنه و 12 شهر



اذا غيرت زيت القير شغل السياره وانتظرها لين تحمى عشان زيت القير يرتفع مع الحراره وبعدها تقوم بالتعشيق من الدي الى ال ار الى اخر نمره وترجع النمر الى ال البي وتعيد هالحركه مره ثانيه عشان الزيت يتحرك فجميع اجزاء القير


بعدها تروح تقيس مستوى زيت القير


بعدها امشي على مهلك



up 1 down 1



مو مشكله اهم شي ماتاخذ الزيت من المحلات الصغيره او البناشر اما المراكز الكبيره ماعندك مشكله


up 0 down 1



اها فهمت عليكـ اجل بروح الحين وبغيره وبعطيك المستجدات

طبعا المركز اللي بروح له مركز كويك لوب على طريق خريص و انت متجه شرق داخل محطة الدريس بجنب شارع الاربعين النسيم غيرنا عندهم كذا مرة طبعا لكزس و لومينا و انا بغير لإنهم اقرب لي و يعطون ضمان شهر عن التهريب


up 0 down 0
ameer-albader 60
قبل 8 سنه و 12 شهر



هلا فيك أخوي شاقح

تم تغيير زيت القير 5 علب اللي في الكارتير وشلت فكرة تغيير زيت الطنجرة لإنها فيها خطورهـ و الحمد لله الامور تمام القير تعشيقاته صارت سلسلة و ناعمة

طبعا الزيت ميركون v و شغل اليد 150 ريال مع ضمان شهر عن التهريب و الامور طيبة ولله الحمد و كل الشكر للجميع والله يعطيكم العافية


up 0 down 0
ameer-albader 60
قبل 8 سنه و 12 شهر