مــهــم جــدا زيــت الـدفـرنـس

أخوي الفورد لها زيت دفرنس خاص جالون منموتر كرفت ولا تشتريه من البنشري رح اشتريه من الوكاله ورح للبنشري خله يغير لك ونت واقف ع راسه وعيش حياتك بعدها 

وكم سعر الجالون .. ؟ .. ؟

زيت الدفرنس مايغير..
يزود ان كان ناقص بس..

اخوي مثل ما قال الاخوان فيصل وغريبه
 لا تغيره فقط افحصه وزيده اذا كان ناقص

زيت الدفرنس ما يتغير اذا ناقص زيده

مشكورين ياأخوان .. وتسلموووون ع الفوائد ..

زيت الدفرنس لا يتغير لنه تخليقي بالكامل يزاد فقط اذا ناقص ومايصير نقص الا اذا فيه تهريب من بلف التبخير او  وجه الكارونه او خلل بالعكس التغيير يكون بسبب خراب الدفرنس او غرقه وقتها يكون لابد تغييره واضافة معالج احتكاك مع الزيت والزيت من الوكاله لنه الي عند البناشر نوعيه ردئيه 

الزيوت اللي بالبناشر ما تصلح للدفرنس
لأنها تجي بس 90 و 140

زيت 90 اللي يكون مكتوب عليه GL-4 ينفع للقير

.. لكن GL-5 ما ينفع للقير ويسبب تآكل وخراب القير ( إلا إذا كان مكتوب بكتالوج سيارتك استخدم GL-5 ) ..


أنا أنصحك أول شيء تفتح كتالوج سيارتك (دليل المالك) تلقاه بدرج السياره
ثم شف وش الزيت المناسب لدفرنس سيارتك .. والنوع واللزوجه المناسبه

وابحث بالسوق عن زيت بالمواصفات المكتوبة بالكتالوج بالضبط .. أسأل بترومين اكسبرس أو فوكس ون ستوب اذا عندهم هالزيت وتأكد من العلب انها بنفس المواصفات المكتوبه بكتالوج سيارتك ... واذا مالقيت رح خذ زيت موتور كرافت أو GM

و زده بس ... لأن موديل سيارتك 2000 واتوقع ماشيه كثيييييييييييييييييييييييير بدون تغيير زيت الدفرنس .. واذا غيرته يمكن يخرب الدفرنس او يصير فيه ونه أو حنه

واذا تبي تغير زيت الدفرنس حط طاسه تحت الدفرنس ثم اجمع الزيت القديم بعلب << عشان لو طلع عندك صوت ترجع الزيت القديم

وأرفق على الدفرنس شوي شوي الين يتعود على الزيت الجديد

نصيحة اخ الى اخوانه الاعضاء لاحد يقرب زيت الدفرنس ابد دام الموتر يمشي وما منه مشاكل توكل على الله وخله لانك لو بتتعبث فيه بيخرب مليون بالميه 

وسلامتكم 

شف يخوي اذا السيارة متعودة ع تكمله الزيت وغيرت الزيت بيخبط عليك الدفرنس 

واذا ع ايد واحد ومستمر ع تغير زيوتها اول باول هذه تعيش معك 

انا غيرت زيت ايس ديلكو الاصلي 

ويطلع فيه صوت اووو ووو عند 80 و 70 تقريبا 

وش الحل 

غيرت لاني غيرت رمانات وعكس

والله يا اخوان الظاهر راحت علينا يا اصحاب الموديلات القديمه 

في كتالوج السياره قبل فتره افتحه ومذكور جميع سوائل السياره تتغير حتى مويت اللديتر لازم تتغير كل فتره مو تزود 

واول ما استلمنا السياره وكلام ناس والله لا تغير بيخرب وبيطلع اصوات يعني بسس زود وتغير لا تفكر ابد 

والان اكتشفنا ان زيت الدفرنس يتغير لانه يتعرض لحركه وحراره ومع الوقت اللزوجه 0% وتبدا خرباته 

لذالك انبه ع شغله معينه

عندكك كتالوج الوكاله لذالك امش عليه لان اغلب الناس هداهم الله يفتيك من كيسه والذمه وسيعه وسرى الليل واحنا ماسرينا 

كلامك صح  كل سوائل السياره منها زيت الدفرنس والفوردً معروف كل٦٠ الف يتغير مع زيت القير 
انا اغير كل٥٠ الف موتري فكتوريا٢٠٠٥الحمدلله مايشتكي من شي 

يارجل حتى زيت الفرامل يتغير

أغلب اللي يشتكون من سماع أصوات بعد التغيير لأنهم غيرو الزيت الموجود في الب ناشر
وربما لاتتوافق مع سياراتهم !!!
لذلك انصح من اراد تغيير زيت الدفرنس أن يختار الزيت المخصص
لسيارته ويشتريه من الوكالة مع معالج الاحتكاك والوجه فقط.