أضف سؤال أو موضوع جديد          

لكل من يشكتي من اصوات الهربده والطقطقه في الفوردات الحل هنا

up 46 down 15



بدايه الموضوع : عانية من ظهور اصوات عطعطه وطقطقه وهربده من اماكن غير معروفه ولا قدرة اعرف لها مكان وبعض الاوقات تظهر وبعض الاوقات تختفي ....
ومثل العاده بدا المشوار مع ورش الصناعيه منهم يقول ( مساعدات - جلد مقصات - كراسي القير - كراسي المكينه - الركب ) ومافيه منهم احد اعطاني الحل المقنع بعدها توجهت للعضيب وشرحت لهم المشكله وقالوا الفحص 50 ريال



شيكو على السياره قالوا هذي جلد البدي تحتاج الى تربيط او شد اما عضلات السياره ممتازه والمساعدات ومافيها شي ... طيب العضيب ماعنده تربيط ولازم اروح للورش النصابين اسعارهم تربيط وشد ( 300 - 250 - 400 ) على حسب




فقلت ياولد دام العده معي خلني ادور اقرب حفره واجرب اصلحها بنفسي وانا من زمان احب افك واركب فالي اقدر عليه وقلت خلني اجرب هالمره دورة اقرب بنشري وعطيته 30 ريال مقابل اني استخدم الحفره ل15 وفعلا استاجرت الحفره وجبت العده وبدات في جلد البدي وهي تقريبا 15 جلده مو متاكد منها عدل .... والله ياشباب اغلب مسامير الجلد شبه مفكوكه وصرت اشدها بالمفك بكل قوتي الاول والثاني والثالث والرابع لحد ماخلصتها كلها واخذت مني تقريبا 11 دقيقه بعدها جربت السياره وماشاء الله تبارك الله راحت جميع اصوات الطقطقه اللي كانت تطلع وكئنه السياره مكسره والسبب :
انه شوارعنا الحبيبه حفر ومطبات وبتاثر على السياره وبعد فتره السيارات تحتاج الى تربيط عشان كذه انا لقيت المسامير شبه مفكوكه وحبيت انقل لكم تجربتي لان كثيرين سمعتهم يشتكون منها والحل معاها سهل مره كلها مفك وحفره وشد وماتستاهل 300 ريال وهذي صور جلد البدي ومساميرها واضحه وكلها تنشد يعني كل 4 شهور روح شدها وخلاص واي سؤال انا حاظر










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أكبس الاذرعة وشيك على جلد الشيال
الرج من ٨٠ الى ١٢٠ ترصيص
احيان يطيح مع الحراره اذ لصق


up 0 down 0
ابو ازهار 2
قبل سنه و 10 شهر



انا طلعت معي نفس المشكل وقالو غير جلد البودي وغيرتها كامله واختفت رلاصوات فتره واللحين رجعت مع العلم اللي عندي فكتوريا 2008


up 0 down 0
abadi2962
قبل سنه و 9 شهر