أضف سؤال أو موضوع جديد          

كيف أعرف إن عمود الدوران و الصلبان فيهم مشكله

up 0 down 0
ameer-albader 60
قبل 9 سنه



السلامـ عليكمـ

مرحبا شباب

شباب عندي رجه و أنا ماشي على سرعة 60 إلى 80 و خصوصا لما أطلع على الكبري و اشد على السيارة و حتى لو أبغى أتجاوز و أنا ماشي وأشد تجي رجه لكن أخف من لما أكون بطلعه

الحاصل بسألكم عن عمود الدوران أنا رفعت السيارة عند ورشة قبل فترة عشان أغير قطعة ثانية و لما جيت لعمود الدوران وقفت تحته و أحركه يتحرك يمين يسار شي بسيط مره هل هالشي طبيعي أنا سألت الميكانيكي قالي عادي بس قالي عند صليبات العمود تحتاج تغيير


أتمنى تفيدوني بالعمود و مشاكله و الصلبان إذا منتهية وش تسوي ..


السيارة كراون فكتوريا 99







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


افضل حل افحص كمبيوتر عند محل ممتاز 


ايذا عشقت وسمعت طقه حديد من الاسفل اعرف ان الصلييبات تعبانه وتحتاج لتغيير


ثانيا ايذا فيه رجه بالسياره وانت ماشي كذا تعرف ان الصلبان تعبانه لاكن اما الرجه تاكد قبلهات ان الاذرعه موزونه والكفر مو محبل والسياره مرصصه ايذا شيكت على ذا كله والرجه باقي اعرف وتاكد ميه بالميه ان الصليبات منتهيه


up 2 down 0
جرحني رحيلك 72
قبل 9 سنه



اخوي ايذا كانت وانت طالع بطلعة لما ترفع رجلك عن البنزين وتدعس مره ثانيه تختفي او ايذا غير في نمرة اثقل تختفي هذا يكون حساس قير هي ماهي برجه هي عباره عن نفضه خفيفه



up 2 down 0
جرحني رحيلك 72
قبل 9 سنه



تحس ان السياره ترج وخصوصا من عند الدفرنس هذا حسب خبرتي الطويله مع الامريكي انه حساس القير


up 1 down 0
جرحني رحيلك 72
قبل 9 سنه



السلام عليكم اذا الرجه خفيفه وتشبه المطب اصناعي الذي يجيك صغير ومتكرر هذا من زيت القيروالفلتر غيره تغير كامل 12 علبه وشكراا


up 1 down 0
m1m1 5
قبل 9 سنه



السلام عليكم اذا الرجه خفيفه وتشبه المطب اصناعي الذي يجيك صغير ومتكرر هذا من زيت القيروالفلتر غيره تغير كامل 12 علبه وشكراا


up 0 down 0
m1m1 5
قبل 9 سنه



هلابك أخوي أنا كان عندي صوت اذا عشقت الريوس صوت طقة حديده وبرضوا اثناء المشي فيه رجه ورحت لكذا ميكانيكي وكلهم اتفقوا على الصليب ولكن كلهم يقولون غير الامامي والخلفي ورحت لاخر واحد ونزلت تحت معاه وهز عمود الدوران من قدام اهتز معاه وهز العمود من الخلف ثابت مايهتز المهم قال لي روح جيب صليب امامي وتعال ورحت لقطع الغيار ودورت لقيت كذا نوع من ضمنها نوع اسمه موج اسعارها في حدود 60 ريال سألت عن الاصلي قالوا مافيه الا بالوكاله رحت لصاحبنا توكيلات الجزيره قبل الخصم بي لاتعصب علي معليش ((400 وعليها)) وبعد الخصم وبعد طلوع الروح بي 364 والله شريته لان الصليب وانا اخوك ضروري يكون اصلي لان اللي بالسوق ماتضمنه تخاف ينفك عليك وتعرف عمود الدوران اذا انفك وانت ماشي مصيبه فقلت الله يعين وشريته وتركيبه بي 70 ريال ينزل العمود ويوديه للمخرطه علشان يمسح الصليب اخذ المخرطه علي 40 ريال يعني الاجمالي ((474)) وأي استفسار انا مستعد طبعاً أنا من تبوك ..


up 0 down 0
mah9009 42
قبل 9 سنه



من 60 الي 80 شيك على عضلات السياره بالنسبه لزيت القير اساس يتغير 5 علب فقط 12 علبه ممكن يضرب القير لنه الزيت قديمه بالنسبه لنفضه تجي على سرعات عاليه الخاصه بالقير 


up 0 down 0
princ 18873
قبل 9 سنه



غير الصلبان واذ ماراحت شيك على كرسي الجربكس واما اللي يقول القير 5 علب مع البطيخه (الطنجره) كرتون كامل يعني 12 علبه بس الفلتر والزيت مالها شغل بالرجه


up 0 down 0
ق ق س 342
قبل 9 سنه



يعطيكم العافية يا شباب على الردود و الله يقويكم

أنا من شريت السيارة صارلي سنة تقريبا و مشيت حدود 45000 ألف كيلو و ما غيرت زيت القير نهائيا الحين الزيت فيه حراق بسيط جدا ولا يذكر هل أغامر وأغير كامل مع زيت الطنجرة 12 علبة ولا أغير 5 علب اللي في الكارتير ..

و بالنسبة للأخوان اللي يقولون عندي طقة إذا عشقت ريوس أسمع طقة و إذا عشقت دي تتأخر ثانيتين و بعدين يلقم القير و العمود أنا بنفسي حركته قبل فترة من النص يتحرك شي بيسط

السؤال يا شباب عمود الدوران إذا حركته الطبيعي يتحرك شيء بسيط ولا ثابت مرة ؟؟




up 0 down 0
ameer-albader 60
قبل 9 سنه



مشكلتي مثل ما قال اخوي 1m1m

لما اكون على طلعة الرجه خفيفه وتشبه المطب الصناعي الذي يجيك صغير ومتكرر


هل أغامر بتغيير زيت القير كامل مع الطنجرة ولا أغير 5 علب اللي في الكارتير...

أخاف أغير كامل و يضرب القير لإنه صارت مع واحد من الشباب

و لما شريت السيارة قبل سنة فحصتها بعد ثلاث شهور من شرائها

و ركب معاي الفني و جهاز الكمبيوتر مشبوك و مشى بالسيارة لين سرعة 70 و طلعت الرجة وقالي هذا من الطنجرة و من يومها أنا طنشت الموضوع و ما ادري هل المشكلة لازم تغيير طنجرة ولا أغير زيت الطنجرة يمكن هو اللي مسبب الرجة الخفيفة هاذي




up 0 down 0
ameer-albader 60
قبل 9 سنه



يا شباب انتظر إفادتكم أغير زيت القير مع الطنجرة لإني ناوي أنزل القير و أغير صوفة المكينة الخلفية لإنها تهرب زيت

انتظركم


up 0 down 0
ameer-albader 60
قبل 8 سنه و 12 شهر