توروس 2013 امريكي

كانت معي وحده جننت فيني خرابات اخويائي معهم سعودي ماشي معهم حلاوه الان عرض عند الوكيل وكالة 2015 مع باقة صيانة مجانية 3 سنين ب 86 نصيحة انحش من المستعمل وخاصة الامريكي

ستاندر سعودي بي 80

نصيحه... انت طالب ومصروفك محدود... خذ لك سياره صغيره اقتصاديه


اذا صامل ع التورس خذ لك جديد

ي روائع ايش الأعطال اللي واجهتك،،

عندي احد اقاربي معه موديل 2011 امريكي و مرتاح فيها اهم شي تأخذ نظييييف

افحص الموتر اذا هو نظيف خذه ولا تشاور حتى قيمته حلوه على ممشاه بس اهم شيء يكون بودي وكاله لا رش ولا سمكرة

وبالنسبه للعيوب الموتر شوفة عينك مليان بالشوارع ويكفيك علامته بس FORD انجح السيارات الامريكيه على مر العصور

الموتر طيب والسعر طيب
لاكن عليك برقم الهيكل وتقرير الاتوشيك مبدئيا
وبعدها افحص كل مسمار طلع كل شي تمام توكل على الله وخذة

التورس سيارة تطفش منها سريع أنصحك بالابتعاد عنها 
حدها مناسبات أو سفر 

الاعطال سلمك الله كالتالي
ارتفاع حرارة وغيرت قربة موية الليديتر وضبطت
رجعت خربة وهربت طرمبة الموية وغيرتها كلها لانها ماتتصلح
حساس الكهرباء خرب علي مره ولا عاد تشتغل الين غيرته
انوار الاشارات انحرقت وغيرتها مرتين
السيور والبطارية وكراسي المكينة غيرتها وبتضطر تسوي كذا مع الامريكي والمستعمل والكفرات والبواجي والفلاتر هذي كلها فوق 6000 يعني الي توفره منا بتدفعه منه المعارض وكالة ب82 واقل

راجع مواضيعي بتحصل تجربتي وبالتوفيق

وانصحك بالسعودي النظيف

السيارة جيدة وممتازة للاستخدام اليومي .. ولا يعيبها شيء .. وموتر حق كرف لكن يبيله محافظة يعني ركود ماهو سرعه وتفحيط واكل مطبات
الموتر مميزاته كثيره ولكن خرباته بحسب السيارة ونظافتها وممشاها .. اذا كانت مصدومه من الواجهه بتواجه مشاكل ميكانيكه بعدين .. اذا هي نظيفة وفحصتها وطلع مافيها شيء توكل على الله
ولكن الافضل تاخذها دفع امامي .. لأن الدفع الرباعي فيه دبل مستمر ونادر يخرب ولكن احتياط لك خذ الدفع الامامي اخف وافضل ..
ولي موضوع عنها بتجربتي لها والاعطال اللي مرت علي فيها .. ولكن مثل ما قلت لك يبيلها واحد راكد ورجله بارده ماهي حاره ..
ويبيلك كل فتره تشيك عليها وتغير الامور اللي يبيلها تغيير ..
قطع غياره (ألاستهلاكية) مناسبة وفي متناول اليد ومثل الكامري والالتيما وغيرها يعني معقوله لا هي غاليه ولا رخيصة متوسطة ..
اما قطع البدي ( غاليه ) يعني اذا صدمت عليها وماعندك تأمين شامل .. الله يعينك على الدفع اما جديد او تشليح اغلبها غاليه ..
يعني الصدام الخلفي تلاقيه بالوكالة بـ 4 الاف كامل وبالتشليح من الف الى الف وخمسمية .. والشمعة الامامية تلاقيها بالوكالة اصليه بـ 2600 وبالتشليح بـ 1000 او تجاري بـ 1600 ريال
يعني لازم تحسب حساب قطع غيار البدي
واذا انت بتستخدم وامورك المالية قليله او متوسطة اعمل حسابك على هالامور .. واولا واخيرا الحوادث لاسمح الله هي مكتوبه ومقدره والاهم هو راحتك النفسيه للسيارة ورغبتك لها .