تحذير بعض الورش يفتي لك من راسه

فك الكارونه والا فك العكوس...

والا قصدك نزل الدفرنس كامل وفحصه؟

وش اسم القطعه اللي غيرتها 

القطعه اكيد رومنات الكارونه اوالفريولات تطلع صوت حنه 

وعليكم السلام,

هذي المشكلة, كل ما الواحد يطيح بمشكلة في سيارته و يروح على ذيك الورشة ويقول المكانيكي غير هذا و غير ذاك 

و المستخدم المسكين يغير و المشكلة ما زالت يعني غير قطعة اساسا ما هي خربانة.

عشان كذا الواحد لا يسمع من ورشة واحدة بل يسمع لأكثر من ورشة و حتى الوكالة رغم غلائهم بس احسن لك تروحهم لأنهم اكيد

فاهمين المشكلة.

لا بس فك الكارونه و فحصها لي وعطاني قطعه مدري وشسمها قالي جب زيها اتوقع انها رمان 

ياليت ترسلنا رابط لها ووين موقعها بالضبط
خل العالم تستفيد

يالغالي من جد على هونك علينا
احس موضوعك كله دعاية للورشة
 وش الرمان ذا ابو عشرين ريال  
ايام كان عندي فورد غيرت رمانات عكس خلفي  سعر الواحد ١٠٠ ريال
  وغير الصوف الوحده ٢٥ ريال وزيت العلبة الوحده ب ٦٥ ريال 
اسمحلي اقولك موضوعك ناقص كثير 
اما اذا بتقول لنا احذركم من الورش فهذا موضوع منتهي امره والكل عارفه ولكن هو شر لابد منه
اصلاً شغلهم كله على قولة الشيبان مره تصيب ومره تخيب  

طول الله عمرك ياحسين والله ماسويت دعاية ولا شي وانا قلت لك القطعه ماني متاكد منها قلت يمكن الرمان وانا ماكتبت موضوعي الا فيه فوردات كثير مثل حالتي ويروحون يغيرون دفرنس كامل ب 3000 ريال والموضوع بسيط م يحتاج كل هالصرف كله وبس هذا مقصدي ..وذكري للورشه مو لشي ولا دعاية في ذمتي الى يوم الدين لاكن عجبوني في شغلهم وماحكمو ع طول مثل الورش اللي رحت والله اني رايح لثلاث ورش كلهم يركبون معي ويسمعون صوت الونه ويقولون لازم تغير دفرنس ..الا هالورشه اللي ذكرت قالو بنفك لك الكارونه ونشوف وفحصوها وطلبو مني علبة زيت دفرنس ب ٤٠ ريال زايد القطعه ذي اللي ذكرتها فوق وسلامتكم 

والله صادق اكثرهم سباكين عندي اكورد اذا السياره واقفه المكيف مايبرد واذا مشيت ماشاء الله ولا اروع
المهم واروح عند اكثر من محل وكلهم قالو الكمبرسر خربان لازم يتغير مايتصلح واروح للي بعده واقول شيك عالمكيف يقول يحتاج فريون ماشاء الله الكمبرسر ضغطه ممتاز واذا علمته عن ان الهواء يقلب حار قال اجل غير الكمبرسر
ماعندهم سالفه اخر شي وديتها عند محل في الرياض بالشفا قال هذا مغناطيس الكمبرسر يفصل عليك ويقلب حار اصلحه لك ب 300 ريال مع تعبية الفيريون اصلي وشغل اليد ومن بعدها احيان اوقف الموتر وارقد فيه وماشاء الله والخبلان اللي قبله ماهمه يبي يغير ويستفيد واللي يقهرك اللي يقول عندي كمبرسر نظيف وياخذ حقك يصلحه ويبيعه لغيرك على انه نظيف
فعلا ياشباب تاكدو من كذا ورشه لا تستعجل

اسال الله ان يسعدكم ويوفقكم ويرزقكم وينور دربكم
قولو امييييييييييييييين يااااااارب العالميييييين

لاهنت ي كاسبر     

الله يعطيكم العافية وياريت ياكاسبر لو اعطيتني عنوان او تلفون الورشة لانو عندي نفس المشكلة تقريبا

بالنسبه للعنوان للي طلبه مني تخلي صناعية الشفا على يمينك ومحلات القطع على يسارك
تجيك اشاره لف من عندها يمين واول دخله يمين يجيك ورشتين صغار على يسارك
حق فريون ومكيفات وقف عند اول محل على يسارك
وماعندي والله له رقم جوال او حتى اسم المحل