ماهو الحل لمشكلة الماركيز؟

العطل من قفل الدركسون إذا كان مقفل اكيد السوتش ما يلف وبالتالي القير ما ينزل اكيد حاول تحرك الدركسون بحركة سريعة مع لف السوتش وان شاء الله يضبط معك

بالاول قفل السويتش والقير وحاولت كثير واللدركسون ماقفل الا بعدين ولفيته ولفلفته ومحاولات لمدة اسبوع 
وين اهل الخبره وين الشباب اعطونا حل

المشكله من مفتاحك جرب مفتاح ثاني يمكن المفتاح انعفط او تأكلت السنه 

حصلت معي نفس الحالة تقريباً في لنكولن 2010 قبل فترة طويلة اول ماشريتها .........
... المفتاح يركب مكانه ولاكن مايدور ولايشتغل السلف .. كلمت الشركة مباشرة وانا واقف وقالي ان عصا القير مامسكت مكانها بالظبط على P وعلشان كذا المتاح لايعمل .. وقال ارفع عصا القير بهدوء لمكانها في P حتى تعود لمكانها الطبيعي .. وجرب وفعلآ كلامه كان صحيح عصاء القير كانت نازله قليلآ بسسب اني ركبت الشمسية ولمست العصاء ونزلت قليلآ...................... المهم تأكد من عصا القير وحركها بلطف وعد بها لمكانها وجرب ان شاء الله خير

إذا جربت كلام الأخ theuk1984 وما جاب نتيجة مالك إلا السويتش اللي يركب فيه المفتاح تغييره وإن شاء الله تضبط أمورك

اشكر لكم تفاعلكم ياشباب  ومو مستعجل لان عندي سيارات غيرها 
المشكلة الان انحصرت في قفل عصا القير مع السويتش واتوقع ان السيارة متكيه على القير البارك والبارك ماقفل زين لان سلك الجلنط مقطوع
والان سؤالي كيف  ارجعه يقفل على البارك p تماااام 
او تنصحوني احرر القير من تحت السيارة او افكك رقبة الدركسون كاملة
واشكركم مرة ثانية 

هلا يا اخوي حصلت معي في فورد 2000نفس الطريقه حول ترفع 
عصا القير بقوه متوسطه وتدفها للامام والخلف حتى تمسك في مكانها
وشغل 

حي الله الشباب 
السلام عليكم ورحمة الله وبركاته
تم حل المشكله ولله الحمد 
طبعا حليت مشكلة مفتاح الماركيز مايدور ولايتحرك بالطرق التالية وبقلكم المشكلة فين كانت بالضبط 
1- فحصت جميع الفيوزات داخل السيارة وفي الكبوت سليمة 
2- محاولات رفع القير للبارك وتحريك الدريكسون لاجل يفك مع تحريك المفتاح ماتحرك
3- فكيت حساس التعشيق من اسفل السيارة مع الواير وفريت القير والمفتاح مايدور 
4- فحصت حساس الفرامل طلع سليم
5- عملت نسخه من المفتاح الاساسي مايدور المفتاح 
6- مابقى الا السويتش قلت بغيره ورحت لقطع الغيار ادور سويتش ماركيز 98 الا العامل يقولي عادي وطبعا الماركيز 98 السويتش بشريحه يعني لازم برمجه 
المشكلة والحل
رحت لشاب سعودي مصلح مفاتيح وشرحت له الوضع وماقصر طلع معي للسيارة ولقى المشكلة من المفتاح الاساسي وكذلك دقمة السويتش صلح سويتش السيارة وشغلت بالمفتاح اللي نسخته وانتهت مشكلة المفتاح مايدور 
اعتذر عن التأخير في الرد وكذلك الاطالة في الموضوع لاني حبيت اذكر كل شي بالتفصيل لان الموضوع غير موجود بالانترنت وحتى يستفيد غيري