استفسار ضروري ربي يسعدكم عن ساهر عمان والامارات حاليا

8 5

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 8 سنه و 8 شهر

السلام عليكم ورحمة الله وبركاته

كيفكم عساكم طيبين إن شاء الله

عندي استفسار بسيط الله يحفظكم

أنا وصلت الأمارات والحمد لله على سلامتنا ورحت مباشره لعمان ..وبعدها بازيد ارجع للامارات

لكن يوم دخلت للامارات .. ممكن ثلاث سواهر من خمسه صادوني من سواهر الامارات من حقت الحدود

ماهو تهاون فيني..حسبت الشارع 120 وطلع 100

وما انتبهت الا لما جا الرابع و نزلت السرعه الى 100 وعديت الرابع والخامس

طبعا كل 5 كيلو ساهر 

وقبل مفرق بني ياس صادني وبعد المخرج صادوني والله يعوضنا..السرعات تختلف..شارع 4 مسارات حسبته 120 وطلع 80 وبعدها يسير 100 واعتقد بسبب التحويلات

فهل ساهر الامارات الآن ينزل مخالفات على اللوحات السعوديه

أذكر قبل 4 سنين .. رحنا انا والاهل..و كان عادي..وصادني اكثر من واحد..ورجعت للسعوديه..ولا وقفوني ولا دفعوني مخالفات

فياليت الاجابه لان بعد ما اخلص من عمان ابرجع لها و بأطول فيها وما بأسلم من ساهر

+ توي الآن وصلت لعمان ولله الحمد ومطول فيها .. وصراحه أول مره أروح لها .. وما ادري عن ساهرهم .. هل المخالفات تنزل علي او لا

اعيد واكرر .. أنا محترم للانظمه وخصوصا لدول مجلس التعاون...حتى يوم رحت لقطر مع إن كل شوي لوحه جديده بسرعه جديده و كل كيلو ساهر..الا اني منتظم..لكن ما سلمت منه وانلسعت منه كذا مره .. لاني ما اعرف شوارعهم من قبل وسرعاتها .. لكن الحمد لله ما نزل علي شيء..

فالآن أنا سهو مني وجهل فيني .. ما اعرف سرعه كل شارع بالامارات .. يمكن 5 كاميرات صادتني وكلها على خطي وانا رايح للعين ومن العين للحدود وماتعديت 135 كم ..فهل المخالفات تنزل..لاني سمعت كلام لكن مجرد كلام..إنهم سو نظام جديد بالامارات..لكن لا أعلم صحته..ابغا من شخص مجرب قريب بالهعطله

وايضا يوم دخلت لعمان .. صادني ساهرهم على سرعة 135 .. لان الجو ظلام ولا اعرف فيها كثير ومعي اهلي ووالديني وآملي بالله كبير انها ماتنزل .. حاولت اهدي على اللي اقدر لكن صادني مرتين او 3 بالكثير....

أتمنى الاجابه بارك الله فيكم..

طبعا فيه بعض الناس ماني حاب ترد على موضوعي واللبيب بالاشاره يفهم.. الا ان كانه يدور مشاكل مثل كل مره ..فالله يسامحه ويفكنا ويفك المسلمين شره..


ودعواتكم نوصل ونرد بالسلامه .. والله يكتب اجر من بفيديني ويسعده دنيا وآخره

إبلاغ

الردود