ماهو افضل زيت للمحرك للاكسبيديشن 2008

راجع الكتالوج وبس ماعليك من قيل وقال 

ممكن الزيت يختلف من جو بارد الى حار خصوصا الامريكي فاول مايعطل عندنا طرمبة وبعدها مكينة 

 الزيت المناسب للمكينة للاكسبيديشن 5-w 20 

موتر كرافت هو مخصص لسيارات فورد ولنكون
اللزوجات
5/20
5/30
10/30

شوف غطاء المحرك تلاقي اللزوجة الموصى بها منحوته عليها ،،

نوعية الزيت ماتفرق لكن الاغلب لملاك فورد بيستخدموا موتر كرافت،،

افضل زيت لاكسبدشن موتر كرفت واللزوجه مكتوب على غطاء زيت المكينه 
5W20 
لا تستعمل 10W30 يثقل المكينه ويطرح العزم 
في ناس تقول لزوجه 5W20  غير مناسب لاجواء السعوديه هذا الكلام غير صحيح 
 1-الشركه المصنعه هي اعرف بلزوجه الزيت المناسبه لجميع الاجواء 
2- درجه حراره المكينه اعلي بكثير من حراره الجو حتي لو وصلت حراره الجو 60

http://ford.montada.haraj.com.sa/52142

اللزوجه المخصصه للاكسبدشن 5 في 20

وهذا موضوع ^^ شامل المعلومات بإذن الله حول هالزيت وسعره و اماكن بيعه وتجارب الناس في الردود معه

مع العلم ان سياة الوالد اكسبدشن 2014 وما يغير الا من هالزيت الموجود في الموضوع موتر كرفت مقاس 5 في 20 وسعره جدا جدا جدا رخيص

ومكتوب عليه يمشيك 10 الاف كيلو وسعره 15 ريال للعبه

وزيوت البناشر نغيرها على 4 الاف و 5 الاف و تلقاها ناقصه او متغير لونها للغامق وسعر العلبه ب18 او 20 او 22

موفق

اشكر الجميع فعلا مكتوب على غطاء المكينة 5W20  وابو يزيد وفى وكفى ولا يهون الباقين ولكن السوال ليش شركة توكيلات الجزيرة ماتستخدم نفس الزيت حسب علمنى انهم يستخدموا كاسترول

نعم يبيعونه و يبيعون موتركرفت ايضا ^^

احد الاعضاء يقول شراه من الوكاله ب 16 العلبه

والله العالم

وترا ياخذ 7 علب على كلام الوالد وانا قلت بالموضوع 6 علب 

وهذا خطا مني

طيب في موضوع لاحد الاخوان عن زيت 5W20   
والذي افاد فيه انه افضل ولكن الاخ رشح زيت موبيل 1 نفس اللزوجة 5W20 
عن زيت موتر كرفت 5W20  
طبعا اشاد بزيت موبيل 1 
http://www.mobiloil.com/USA-English/MotorOil/Car_Care/Vehicle_Chooser/VehicleChooser.aspx
وهذا الموقع لأختيار لزوجة الزيت المناسبه لك : إختيار اللزوجه المناسبه لكالطريقه :
1- قم بأختيار الموديل
2- قم بإختيار الموديل
3-إضغط التالي َ
4-‘ختر نوع السياره
5- ‘ختر نوع المحرك

موبيل واحد سعره حول ال60 ريال للعبه ان كاني مو غلطان

وموتر كرفت 15

فاتوقع انها دعايه وكلهم بنفس الكفاءه وبعضهم اصلا يحط زيت ثقيل بعيد عن هاللزوجه وماشيه معه سيارته زي العسل وفوق 250 الف 

السلام عليكم ورحمه الله وبركاته

الزيت المناسب للمكينة للاكسبيديشن
كاسترول GTX 10 /30 في ايام الصيف
كاسترول GTX 20 /50 في ايام الشتاء

تحياتي للجميع

هلا بالشباب صراحه حاب انوه ع مشاركة الحضرمي
اتوقع العكس الصيف نستخدم 20/50 لان مع الحراره بيخف 
مع اني استعمله صيف وشتاء 

السوال الحين ليش مايوجد زيت موتر كرفت في البناشر ماتلقاه الاعند اهل القطع 

لانه رخيص وبيضرب سوقهم يا غالي ^^

يبغون يمشون بضاعتهم على الناس 

يبيعون اللي يمشي 5 الاف كيلو ب 20 ريال الى 22 ريال

والناس تشتري منهم ومسكبهم كبير جدا

وتاركين اللي يمشي 10 الاف كيلو وسعره رخيص

بس يبون يسرقون فلوس ومافيه رقابه عليهم

المفروض يكون فيه رقابه على هالاسعار

صدقوني ماحد فينا أفضل من الشركه المصنعة
الرقم موجود  ع غطاء الزيت حق المكينه 5w20

طيب هل اذا غيرت اللزوجة من 20w50 الى 5w20 بياثر على المكينة او منه خوف