لأهل الإكسبديشن ضروري

السلام عليكم ورحمة الله وبركاته
أبغى أستفسر عن فورد إكسبديشن 2009 اللون أسود إمريكي ماشي 45 ألف ميل
طبعا أقل نوع بس فيه دبل
يعني مخمل ومافي تحكم مسجل ولاشي وشاص قصير
أول شي كيف إستخدامه للعايله والسفر هل هو حق كرف وقطعه ومشاكله ؟
وكم يسوى سعره ؟
إذا كان بودي وكاله زي ماقال راعيه
وآسف على الإطاله أتمنى تفيدوني
وشكرا للجميع

إبلاغ

سيارات للبيع

الردود

اذا نظيف مرة وعلى الفحص أداء المكينة فوق 90% وهو أقل نوع أتوقع سعره بحدود ال70 الف يزيد شوي أوينقص شوي والله يوفق البايع والمشتري

ابوعبدالمحسن123 531
قبل 10 سنه و 10 شهر

طيب كيف إستخدامه للعايله
تنصحني فيه ؟ ولا خراباته كثيره ؟

أبو القاســـم 16
قبل 10 سنه و 10 شهر

السيارة فرضت نفسها بقوة بالسوق وعائلية بالدرجة الاولى ومستوى الامان فيها عالي بعد أمان الله تعالى...وأعرف كثير معهم ما اشتكوا منه،،،أهم شي الفحص الدقيق للمكينة والقير والدبل قبل الشراء

ابوعبدالمحسن123 531
قبل 10 سنه و 10 شهر

والله ياأخوي ولد عمي معاه اكس بدشن موديل 2005 له معاه 5 سنوات ماشاء الله تبارك الله ,

كل شهر نازل جده وراجع المدينه وماشاء الله ماعمره طلبه شي وماشي مثل الحلاوه ..

أول شي دووور النظيف وتوكل على الله وإن شاء الله ماتندم , ..

تحياتي ..

عاشقـ الماركيز 3498
قبل 10 سنه و 10 شهر

كيف صرفية البنزين ؟
ويقولون الدبل يثقل السياره ؟
سامحوني على كثر الأسئله
وبالنسبه للسعر ؟

أبو القاســـم 16
قبل 10 سنه و 10 شهر

ما يزييد سعره عن 75 الف مهما بلغت نظافته

الفل منه ممكن يتعدا الـ 90 ألف اذا كان ليمتد

بالنسبة لاستخدامه ما مثله ابدا
و 2009 افضل موديل لأن العيوب المصنعية الي كانت موجوده في 2007 و2008 تلافوها والي كان اهمها التصفير
والتنسيم الي في باب السواق

naac 2387
قبل 10 سنه و 10 شهر

عجيب أمر بعض الناس
يعطوني دس لايك ليه ماأدري ؟!

أبو القاســـم 16
قبل 10 سنه و 10 شهر

انا اشوفها افضل سيارة عملية وبالنسبة للبنزين داخل البلد 480كم وفي الخطوط 550كم
قطع الغيار معقولة ويستطيع الواحد انه يشتريها بدون تأفف .

yeem77 430
قبل 10 سنه و 10 شهر