أضف سؤال أو موضوع جديد          

موقع حراج

up 23 down 1
إني مهاجر إلى ربي 124
قبل سنه و 6 شهر



يا اخواني اننا نناشد القائمين على موقع حراج بالعدل والمساواه بين بين اصناف اعضاء الموقع,,
حيث انه يمنع بخس السلعه>>> ولا يمنع المبالغه في بيع السلعه!؟
بهذا التقرير نحاول تحليل المشكله ومعرفة أسبابها:-
1- يجي ابن الناس يشتري سياره قيمتها تسوا خمسين مثلا ونيته في الشراء الإستخدام, ثم يجي يعرضها في الموقع بسومه 60 الف وحد 80 الف ولاهو ظاره شي ان انباعت بهالسعر الخيالي ولا ماظرت الجمل على قولتهم.
الظرر هنا على المسكين اللي يتعلق في السيارة وفي النهايه ما يحصل له نصيب فيها وصاحب العرض ينتظر الدلوخ وبكذا يرفع ظغط المساكين اللي ناوين الشراء.

2- نوع الثاني وهذا اللي يفك مخك طبعا ماتدري نيته هل يبغى يبيع ولا نفس الاول ,, المهم يقولك الموتر مسيوم بـ60 وحاده بـ 61,,,!!؟؟>>>ياخي لاتفك مخي!?

3-نوع ماله حل يقولك في اعلانه: البدي سليم من الصدم للصدام ماعدا ظربه في الرفرف الامامي ورشيتها وصدمه خفيفه في الصدام الخلفي وسمكرت الشمطه وتعديل بسيط في الشاصي وحكه خفيفه من الكراج وغيرت البيبان اللي على اليمين ورشيتها رشه محترمه>>>>>> يرحم امك وش بقى في السياره ما رشيته!!؟؟

4- في نوع يشتري السياره من الوكاله كاش سواء او اقصاد مثلاً بـ160 الف وبعد ما يكدها عشر سنين يجيك منزلها في الموقع وتلاحظ انه يحاول يبيعها بـ150 الف!؟؟ >>>>ليه ياعم الحاج!؟ والله وقفنى على ناس يحاول بعد استخدام سنتين او ثلاث يحاول يوصل لقيمتها جديده في البيع خاصتاً رعين الاف جيات!.

5- نوعيه متعبه جداً يكون عنده موتر مثلا 2005 ماشي 140 الف وينظرله انه مخزن ويطلب فيه سعر 2011!!>>>> ياعمي وين مدرعم فاهم الخزين غلط!
- التخزين:- هو سياره عمرها اكثر من عشرين سنه وما مشت اكثر من عشرين الف, هذا هو التخزين ياباشا ماهو زي ما انت فاهم!

على كل حال من هالناس الكثير والكثير الوان واشكال وانواع يعج بها هالموقع الاكثر من رائع لولاهم,, ونسأل الله الهدايه لنا ولهم.
_(لا إله إلا انت سبحانك اللهم وبحمدك أستغفرك وأتوب إليك)_







إبلاغ إبلاغ
الموضوع مغلق


الردود


النقطة الرابعة .... هههههههههههههههههه صدق اشوفها في كثير من الاعلانات


up 3 down 0
راااضي 2290
قبل سنه و 6 شهر



4- في نوع يشتري السياره من الوكاله كاش سواء او اقصاد مثلاً بـ160 الف وبعد ما يكدها عشر سنين يجيك منزلها في الموقع وتلاحظ انه يحاول يبيعها بـ150 الف!؟؟ >>>>ليه ياعم الحاج!؟ والله وقفنى على ناس يحاول بعد استخدام سنتين او ثلاث يحاول يوصل لقيمتها جديده في البيع خاصتاً رعين الاف جيات!.

قسم بالله انك صادق الاف جي وش ذا العالم انهبلت ولا ايش 

٢٠٠٩ يبي ١٠٥ 

تخيلو على وقته قبل اربع سنوات كان الفل ما يتعدى ١١٥ لله 

شوفو النصب كيف 

والمشكلة في اللي يشترون ما ادري ما يفهمون 

لو تكاتفنا وصرنا عاقلين ونعرف نقيم الاسعار والله ما كان صار هذا الغلاء الفاحش


تحياتي يا عم


up 4 down 0
ahmad-18 134
قبل سنه و 6 شهر



التخزين اضحك عليها دايما .... يجيك 2011 ماشي 40 الف يقول مخزن واذا نقدت عليه قال شوف الموديلات اللي مثلها طيب قل ماشي قليل مو مخزن ..


up 5 down 0
talal abdullah 5212
قبل سنه و 6 شهر



بس ماتكلمت عن اللي بيشترون,,,اللي يطلعك من بيتك ويتفق معاك على السعر وشراي وبعد الفحص يبخس موترك ويقول ماعندي غير هذا وبتسلف من امي وابوي ههههههههههههه


up 5 down 0
talal abdullah 5212
قبل سنه و 6 شهر



شكراً لك وكثر الله امثالك


up 4 down 0
ggg116 128
قبل سنه و 6 شهر



كلام مسطر من ذهب يا شيخنا العزيز وفعلا هذا اللي حاصل بالمنتدى الناس ماعاد صارت تشتري صار فيه احتكار صار فيه تكدس 

والمشكله كل الشريطيه يقولون السوق سيء ولا فيه احد يشتري لعنبوكم نزلو الاسعار بالمعقول والناس بتشتري مو تحده لي فوق المعقول وتقول اشترو 

انا انسان ادور جمس 1994 ورحت لمعرض في الشفاء ولقيته نظيف ماشاء الله ماشي 160 الف وصاحب المعرض عتيبي سالته قلت بكم هالمزيون قال لي مسيوم ب50 ولو تفرق السوم حلال عليك 

قلت له كيف الحال عساك طيب قال الحمد لله قلت توصي شيء قال وشفيك زعلت قلت لا بس تعجبت من السعر ومشيت وخليته يهذر

يعني معقوله معقوله 94 يبي فيه اكثر من 50 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله شيء يغبن 

الله يعين بس والله يفكنا من هالشريطيه اللي خربو السوق 

استغفر الله العلي العظيم واتوب اليه


up 6 down 1
camry grandi 99 6341
قبل سنه و 6 شهر



كلام.   صحيح وبعضهم. يجي ويسوم وهو ماعنده الى الخرط ويسوم مثل السيارة قيمتها معروفة ١٠٠٠٠ ويقول ١٦٠٠٠الف حرام عليك تخلي هاناس  ماتسوم  وأحلى لايك للجميع 


up 4 down 1
عمر العرجاني 83
قبل سنه و 6 شهر



ياخوي
لاتتعجب يدورون مغفل يشتري منهم ورزق ألمجانين على ألمهابيل


up 2 down 0
al-aziiz 617
قبل سنه و 6 شهر



الله يعطيكم العافيه على المشاركات الطيبه.. وعسا صوتنا يوصل للقائمين على الموقع ويتخذون اجرء جديد على هالناس اللي تسيئ للموقع الرائع حراج.
>>>>> تحمس وبينزل موضوع ثاني ههههههه


up 3 down 0
إني مهاجر إلى ربي 124
قبل سنه و 6 شهر



ياخي اش هالناس الي ما تستحي مهو حرام خافوا الله يلي تبيع سيارتك و انا سبحان الله اكثر من واحد عارض سيارته بسعر خيالي وبعد اسبوع من الاعلان يعرضا بحراج التشليح يعني لو رضى بالي عطاه الله ماكان باذن الله ما تعرض للحادث و الكلام عن واحد كان يبي في سيارتة 140 بعد اسبوع عرضها بالتشليح بــ45 الف


up 2 down 0
بوخا 3385
قبل سنه و 6 شهر



ابدااااااااع 

واصل يابطل واحلا لايتس 


up 1 down 0
ابومحمد ااا 277
قبل سنه و 6 شهر



وانت الصادق فيه ناس قلبها اسود تخيل سياره موديل 1994 ما شي 280 الف كيلو ومسيوم بـ 30000 الف ريال وباقي يبغى الزود!!!!!!!!!!!
ما ادري هل هو على نياته ولا متفق معهم على النصب ........ ناس ما تخاف ربها


up 0 down 0
b or not be 1533
قبل سنه و 6 شهر



يااخي انت حطيت يدك عالجرح ... والله عندي كلاااام كثير بالموضوع ذا لكن ماابي اتعب

قلبي ...انا غسلت يدي من مواتر موقع حراج ...لو ابي اشتري شي اشتري جوالات بس....

المرضى كثير ولا يمكن تقدر تجيبلهم حل , والموقع ذا سهل لهم نشر امراضهم  ولا لو سياراتهم

تنباع بالاسعار ذي كان ماانتظرو على الموقع ...

كلهم خراطين وهرجهم فاضي ...


up 0 down 0
roro212 1415
قبل سنه و 6 شهر



كفواااا عفيه بعدي جدح توب تمام قبضاي


up 0 down 0
البطش 3454
قبل سنه و 6 شهر



شي مقزز ف المنتدى والكثير والكثير مما لم تذكره موجود
لك تحياتي العطره ولايك


up 0 down 0
عيسى علي 662
قبل سنه و 6 شهر



الاسعار هنا جابت لي الجنون يعني كل واحد يحط السعر الي يبي الله يشفيهم ويرزقني سيارة نظيفه
وشكرا لك يا صاحب الموضوع وكثر الله من امثالك




up 0 down 0
صالح الرشيد
قبل سنه و 6 شهر