موقع حراج
إضغط هنا للإخفاء
يا اخواني اننا نناشد القائمين على موقع حراج بالعدل والمساواه بين بين اصناف اعضاء الموقع,,
حيث انه يمنع بخس السلعه>>> ولا يمنع المبالغه في بيع السلعه!؟
بهذا التقرير نحاول تحليل المشكله ومعرفة أسبابها:-
1- يجي ابن الناس يشتري سياره قيمتها تسوا خمسين مثلا ونيته في الشراء الإستخدام, ثم يجي يعرضها في الموقع بسومه 60 الف وحد 80 الف ولاهو ظاره شي ان انباعت بهالسعر الخيالي ولا ماظرت الجمل على قولتهم.
الظرر هنا على المسكين اللي يتعلق في السيارة وفي النهايه ما يحصل له نصيب فيها وصاحب العرض ينتظر الدلوخ وبكذا يرفع ظغط المساكين اللي ناوين الشراء.
2- نوع الثاني وهذا اللي يفك مخك طبعا ماتدري نيته هل يبغى يبيع ولا نفس الاول ,, المهم يقولك الموتر مسيوم بـ60 وحاده بـ 61,,,!!؟؟>>>ياخي لاتفك مخي!?
3-نوع ماله حل يقولك في اعلانه: البدي سليم من الصدم للصدام ماعدا ظربه في الرفرف الامامي ورشيتها وصدمه خفيفه في الصدام الخلفي وسمكرت الشمطه وتعديل بسيط في الشاصي وحكه خفيفه من الكراج وغيرت البيبان اللي على اليمين ورشيتها رشه محترمه>>>>>> يرحم امك وش بقى في السياره ما رشيته!!؟؟
4- في نوع يشتري السياره من الوكاله كاش سواء او اقصاد مثلاً بـ160 الف وبعد ما يكدها عشر سنين يجيك منزلها في الموقع وتلاحظ انه يحاول يبيعها بـ150 الف!؟؟ >>>>ليه ياعم الحاج!؟ والله وقفنى على ناس يحاول بعد استخدام سنتين او ثلاث يحاول يوصل لقيمتها جديده في البيع خاصتاً رعين الاف جيات!.
5- نوعيه متعبه جداً يكون عنده موتر مثلا 2005 ماشي 140 الف وينظرله انه مخزن ويطلب فيه سعر 2011!!>>>> ياعمي وين مدرعم فاهم الخزين غلط!
- التخزين:- هو سياره عمرها اكثر من عشرين سنه وما مشت اكثر من عشرين الف, هذا هو التخزين ياباشا ماهو زي ما انت فاهم!
على كل حال من هالناس الكثير والكثير الوان واشكال وانواع يعج بها هالموقع الاكثر من رائع لولاهم,, ونسأل الله الهدايه لنا ولهم.
_(لا إله إلا انت سبحانك اللهم وبحمدك أستغفرك وأتوب إليك)_
إبلاغ
الردود
قسم بالله انك صادق الاف جي وش ذا العالم انهبلت ولا ايش
٢٠٠٩ يبي ١٠٥
تخيلو على وقته قبل اربع سنوات كان الفل ما يتعدى ١١٥ لله
شوفو النصب كيف
والمشكلة في اللي يشترون ما ادري ما يفهمون
لو تكاتفنا وصرنا عاقلين ونعرف نقيم الاسعار والله ما كان صار هذا الغلاء الفاحش
تحياتي يا عم
4 0
5 0
5 0
4 0
والمشكله كل الشريطيه يقولون السوق سيء ولا فيه احد يشتري لعنبوكم نزلو الاسعار بالمعقول والناس بتشتري مو تحده لي فوق المعقول وتقول اشترو
انا انسان ادور جمس 1994 ورحت لمعرض في الشفاء ولقيته نظيف ماشاء الله ماشي 160 الف وصاحب المعرض عتيبي سالته قلت بكم هالمزيون قال لي مسيوم ب50 ولو تفرق السوم حلال عليك
قلت له كيف الحال عساك طيب قال الحمد لله قلت توصي شيء قال وشفيك زعلت قلت لا بس تعجبت من السعر ومشيت وخليته يهذر
يعني معقوله معقوله 94 يبي فيه اكثر من 50 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله شيء يغبن
الله يعين بس والله يفكنا من هالشريطيه اللي خربو السوق
استغفر الله العلي العظيم واتوب اليه
6 1
4 1
لاتتعجب يدورون مغفل يشتري منهم ورزق ألمجانين على ألمهابيل
2 0
>>>>> تحمس وبينزل موضوع ثاني ههههههه
3 0
2 0
واصل يابطل واحلا لايتس
1 0
ما ادري هل هو على نياته ولا متفق معهم على النصب ........ ناس ما تخاف ربها
0 0
قلبي ...انا غسلت يدي من مواتر موقع حراج ...لو ابي اشتري شي اشتري جوالات بس....
المرضى كثير ولا يمكن تقدر تجيبلهم حل , والموقع ذا سهل لهم نشر امراضهم ولا لو سياراتهم
تنباع بالاسعار ذي كان ماانتظرو على الموقع ...
كلهم خراطين وهرجهم فاضي ...
0 0
0 0
لك تحياتي العطره ولايك
0 0
وشكرا لك يا صاحب الموضوع وكثر الله من امثالك
0 0
3 0
قبل 11 سنه و 2 شهر